Ar ddechrau hanner tymor mae 'na rybudd y bydd addysg disgyblion yn dioddef os nad oes gan bob plentyn yng Nghymru'r dechnoleg cywir i ddysgu ar-lein.

Mi fydd rhai o'r disgyblion ifancaf yn dychwelyd i'r dosbarth yr wythnos nesaf gyda dysgu o adref yn parhau i'r gweddill.

"Mae lot o deuluoedd 'da ni lle mae dim ond un cyfrifiadur neu iPad neu mobile sydd gyda'r teulu i gyd," meddai Bethan Jones, sy'n bennaeth cynorthwyol Ysgol Uwchradd y Frenhines Elisabeth yng Nghaerfyrddin.

Fis Ebrill y llynedd fe wnaeth Llywodraeth Cymru glustnodi £3m ar gyfer gliniaduron a dyfeisiadau wi-fi, ond honnir fod nifer o ddisgyblion, yn enwedig o gefndiroedd difreintiedig, yn dal i aros.

Yn mis Ionawr, dywedodd yr elusen Child Poverty Action Group eu bod yn poeni bod rhai ysgolion dim ond yn cynnig help i blant oedd yn cael cinio ysgol am ddim.

Ffynhonnell y llun, Getty Images

Bore da a chroeso i'n llif byw o gynhadledd Llywodraeth Cymru ar ddydd Llun, 15 Chwefror.

Y Gweinidog Iechyd, Vaughan Gething fydd yn cynnal y gynhadledd am 12:15, a chyn hynny bydd y ffigyrau diweddaraf am achosion, marwolaethau a brechu yn cael eu cyhoeddi.

Arhoswch gyda ni am y cyfan.