Llys yr Eisteddfod yn cyhoeddi fod Huw Edwards wedi'i ddiarddel o'r Orsedd
Cystadleuaeth y Fedal Ddrama wedi'i chanslo eleni - ond yr Eisteddfod heb roi eglurhad
Perfformiadau ar Lwyfan y Maes wedi'u symud yn sgil y tywydd gwlyb
Sawl arweinydd côr wedi galw am wella'r trefniadau rhwng Llwyfan y Maes a'r pafiliwn gan ddadlau fod yr amodau'n 'annheg'
Dr Rhodri Jones yn derbyn y Fedal Wyddoniaeth a Thechnoleg ar lwyfan y Pafiliwn yn gynharach yn y dydd
Dyna'r cyfan gan dîm Cymru Fyw ar faes gwlyb yr Eisteddfod ym Mhontypridd am heddiw.
Mae mwy o straeon, uchafbwyntiau cystadlu ac oriel luniau ar gael yma.
Bydd y cystadlu yn parhau heno felly cofiwch am ein tudalen sy'n rhoi'r holl ganlyniadau i chi.
Dewch yn ôl yfory i ddilyn y diweddaraf o'r Maes unwaith eto.
Hwyl am y tro.
Sawl arweinydd wedi dweud nad yw'r corau yn cael amodau teg i gystadlu yn sgil sŵn o Lwyfan y Maes.
Read MoreCafodd enillwyr ysgoloriaeth Dan a Lona Puw eu cyhoeddi yn y Tŷ Gwerin yn gynharach heddiw.
Bydd yr ysgoloriaeth yn helpu'r unigolion i fynychu cwrs gosod a chyfeilio cerdd dant fis Medi.
Llongyfarchiadau i Eiriana Campbell-Jones, Siriol Elin, Gwenan Mars-Lloyd ac Alwena Mair Owen.
Cyhoeddi ennillwyr ysgoloriaeth Dan a Lona Puw
Nid yw'r glaw wedi effeithio ar ysbryd y côr yma.
Dyma floeddio'r anthem genedlaethol wrth fochel rhag y glaw.
Cafodd Ian Thomas ei ddewis i berfformio ar lwyfan y pafiliwn heddiw ar ôl ei berfformiad ym Maes D.
Swynodd y gynulleidfa drwy ganu Cân Walter gan Meic Stevens.
Ydi artistiaid nos Iau dal i berfformio heno?
Dyma gohebydd BBC Cymru Fyw, Annell Dyfri i esbonio’r cwbwl.
Annell Dyfri sydd yn trafod newidiadau i Lwyfan y Maes
O'r diwedd, mae'r glaw wedi stopio am y tro, felly'r cyfle perffaith i ymweld â'r Pentref Bwyd.
Dyma'r cyhoeddiad oddi ar y llwyfan gan yr arweinydd, Arwyn Jones fod seremoni'r Fedal Ddrama wedi cael ei chanslo ac na fydd neb yn derbyn y fedal eleni.
Arwyn Jones yn cyhoeddi datganiad y Steddfod o'r llwyfan am 16:00
Roedd disgwyl mai seremoni y Fedal Ddrama fyddai prif seremoni'r dydd yn y Pafiliwn ddydd Iau.
Y dasg eleni oedd cyfansoddi drama lwyfan ac nid oedd unrhyw gyfyngiad o ran hyd.
Gwobrwyir drama sydd â photensial i'w datblygu ymhellach o gael gweithio gyda chwmni proffesiynol.
Y beirniaid oedd Geinor Styles, Mared Swain a Richard Lynch.
Cai Llewelyn Evans oedd enillydd Medal Ddrama Eisteddfod 2023
Dywedodd yr Eisteddfod mewn datganiad: "Yn dilyn trafodaethau a gafwyd ar ôl cwblhau’r broses o feirniadu’r Fedal Ddrama, daethpwyd i’r penderfyniad bod yn rhaid atal y gystadleuaeth eleni.
"Yn ogystal, ni fydd beirniadaeth yn cael ei chyhoeddi yng nghyfrol y Cyfansoddiadau a Beirniadaethau.
"Bydd yr Eisteddfod yn adolygu prosesau a gweithdrefnau ein cystadlaethau cyfansoddi yn sgil y penderfyniad hwn."
Mae'r Eisteddfod Genedlaethol wedi cyhoeddi na fydd seremoni’r Fedal Ddrama’n cael ei chynnal heddiw.
Mae'n ymddangos oherwydd y tywydd gwlyb, na fydd unrhyw artist yn perfformio ar Lwyfan y Maes heno.
Bydd Meinir Gwilym yn canu yn y Pafiliwn, tra bydd Eadyth yn symud ei pherfformiad hi i ddydd Sadwrn.
Mae Ap yr Eisteddfod wedi'i ddiweddaru i adlewyrchu'r newidiadau.
Yn dilyn y cyhoeddiad fod Huw Edwards wedi'i ddiarddel o Orsedd Cymru, dywedodd llefarydd ar ran yr Eisteddfod:
"Yn dilyn pleidlais unfrydol yng nghyfarfod Llys yr Eisteddfod heddiw, mae Bwrdd yr Ymddiriedolwyr wedi penderfynu gweithredu Adran 4 (a) (iv) o'r cyfansoddiad i derfynu aelodaeth Huw Edwards o'r Eisteddfod ac yn sgil hynny, bydd hefyd yn cael ei ddiarddel o Orsedd Cymru."
Mae Llys yr Eisteddfod wedi cyhoeddi fod Huw Edwards wedi'i ddiarddel o'r Orsedd.
Mwy i ddilyn.
Mae rhai cystadleuwyr yn dweud ei bod hi'n yn "annheg" bod sŵn Llwyfan y Maes i'w glywed tu mewn i'r Pafiliwn.
Dywedodd arweinydd Côr Glanaethwy, Cefin Roberts: "Mae'r rheolaeth o gael y tawelwch 'na wedi ei golli erbyn hyn.
"Dyna'r farn gyffredinol gan bob un o'r arweinyddion, dydy o ddim yn rhywbeth personol.
"Mae o wedi digwydd mwy eleni, felly mae 'na le i gwyno," meddai.
Mae rhai yn dweud bod Llwyfan y Maes rhy agos i'r Pafiliwn eleni
Rachael a Non o'r band Eden yn mwynhau paned ar y Maes ac yn mochel rhag y glaw mawr!
Tra mae rhai yn cysgodi rhag y tywydd yn y pafiliwn a'r stondinau, tydi eraill ddim ofn gwlychu!
Fideo- Alaw John
Mae'r amser wedi dod i frwsho'r mwd allan o rai o'r stondinau wrth i'r glaw achosi trafferthion i rai.
Mae'r Orsedd wedi trosglwyddo'r mater i lys yr Eisteddfod "er mwyn bod yn deg i bawb".
Ond mae'r ymadrodd "yn deg i bawb" wedi codi gwrychyn rhai yn barod.
Mae un unigolyn ddioddefodd gamdriniaeth rywiol yn blentyn yn dweud ei fod yn anfodlon iawn â'r modd y mae'r Orsedd wedi trin â'r mater a bod y sefydliad yn becso mwy am eu hunan.
Mae rheolau sefydlog yr Orsedd yn caniatáu galw pwyllgor brys i ddelio â materion o bwys ar frys, a chyfrifoldeb y llys yw diogelu enw da a gwerthoedd y Brifwyl.
Roedd cyfarfod blynyddol y llys yn dechrau ar y Maes am 13:30.
Yws Gwynedd wnaeth gloi noson gyntaf Maes B neithiwr, dyma pwy fydd yn perfformio heno:
Ffynhonnell y llun, Eisteddfod GenedlaetholMellt fydd yn cloi Maes B nos Iau