Ar ôl diwrnod cyntaf llwyddiannus a phrysur, mae Ffredi Twm bach yn barod am adref...

Mae mwy o uchafbwyntiau'r dydd ar ein cyfrifon TikTok, Instagram a Facebook.

Hwyl tan yfory!

Mae Ifan Evans hefyd wedi bod yn sgwrsio gyda rhai o stiwardiaid yr Eisteddfod ar Radio Cymru. Un o'r rheiny yw Ian Roberts o Langyfelach. Mae wedi bod yn gwirfoddoli ers 1981, a bu'n esbonio pam fod cynnig ei amser yn bwysig iddo:

"Fi eisiau rhoi yn ôl i bobl oedd wedi fy helpu gyda'r Urdd a'r aelwydydd ac wedi rhoi cymaint o gyfleoedd i mi. Fi wedi cael cymaint ohonyn nhw."

"Mae'n bwysig cadw'r traddodiad i fynd. Chi'n gwneud ffrindiau arbennig... mae dros 30 ohonom ni ar y pwyllgor gwaith a fi wedi dod yn ffrindiau gyda'r rhan fwyaf ohonyn nhw!"

Yn 75 oed, mae Ian hefyd wedi bod yn hyfforddi grŵp dawnsio gwerin Lon Las ar gyfer yr Eisteddfod eleni, gyda dau grŵp oedran yn cystadlu heddiw.

Dau o'r rheiny sydd wedi bod yn gwneud swydd bwysig y stiward heddiw, oedd Rhian a Tudur - ac mae'r ddau dal i wenu, er y diwrnod hir, blinedig!

“Mae ‘di bod yn brysur ar adegau," meddai Tudur. "Trueni bod y glaw wedi dod yn ystod yr oriau diwethaf ond mae wedi bod yn hwylus iawn a ma’ pawb felse nhw wedi mwynhau’r maes.”

Wnaeth y glaw ddim atal y dyrfa rhag ymgynnull i wrando ar y canlyniadau gwaith cartref - llongyfarchiadau i bawb a ddaeth i'r brig!

Tra'n tywys Alun Williams o amgylch arddangosfa gelf yr Eisteddfod ar S4C, fe wnaeth Tomos Sparnon, Cadeirydd Panel Celf yr Urdd, ganmol ansawdd ac amrywiaeth y cystadlaethau eleni.

Bu hefyd yn llawn clod i waith Lleucu Haf Tomos, enillydd y Fedal Gelf: “Mae hi wedi defnyddio technegau traddodiadol o blethu ac adeiladu. O edrych yn fanwl, rydym yn gweld yr holl waith ac ymdrech sydd wedi mynd i mewn iddo.

"Mae’n waith sy’n adlewyrchu ei chefndir hi o fyw yn y wlad, ac mae’n ddarn dwi’n siŵr sy’n mynd i ddenu lot o sylw”.

“O feddwl faint o artistiaid ifanc sydd wedi cystadlu, dwi’n edrych ymlaen at weld gwaith y bobl ifanc yma yn arddangosfeydd y dyfodol”.

Ffynhonnell y llun, Eisteddfod yr Urdd

Roedd Valo wedi dod i'r maes o sir Caerffili heddiw, ac roedd ei rieni wrth eu bodd fod y bachgen bach yn cael diwrnod cyfan o glywed y Gymraeg:

“Mae mynd i'r Eisteddfod yn gyfle gwych i gael y babi o gwmpas yr iaith Gymraeg.

"Dydyn ni ddim yn byw mewn ardal lle ydych chi'n clywed y Gymraeg yn cael ei siarad o gwmpas lot.

"Rydym ni rili eisiau i Valo gael y cyfleoedd yma i fod rhan o’r gymuned Gymraeg.”

Cafodd Bella a Harri o Sir Benfro y fraint o gwrdd â Mistar Urdd, yn ei goch, gwyn a gwyrdd.

Wyddoch chi mai un a gafodd ei fagu yn ardal yr Eisteddfod a gyfansoddodd y glasur, Hei Mistar Urdd?

Cafodd gymryd rhan yng ngweithgareddau'r Urdd yn Nhreforys ddylanwad mawr ar y cerddor, Geraint Davies, meddai - ac fe gafodd o, yn ei dro ddylanwad ar yr Urdd, pan gyfansoddodd y gân am ein ffrind coch, gwyn a gwyrdd, bron i 50 mlynedd yn ôl.

Darllenwch fwy yma.

Ffynhonnell y llun, Llyfrgell Genedlaethol Cymru

Cafodd darn o gelf arbennig ei ddadorchuddio ar y maes heddiw.

Mae plant o flwyddyn chwech yn Ysgol Gymraeg Rhosafan wedi bod yn dysgu am eu cynefin tra'n i ymchwilio hen ffotograffau o olygfeydd ardal Port Talbot.

Mae'r gwaith yn cynnwys y ffotograff hynaf yng Nghymru sy’n dangos Castell Margam, safle Eisteddfod yr Urdd eleni.

Mewn cyfres o weithdai yn y gwanwyn, bu nhw hefyd yn astudio'r hen arddulliau o greu ffotograffau, yn tynnu lluniau gyda chamerâu ffilm, a chreu cardiau post ar gyfer darn o waith celf cydweithiol.

Mae'r gwaith gorffenedig i'w weld ym Mhabell Llyfrgell Genedlaethol Cymru am weddill yr wythnos.

Ffynhonnell y llun, Llyfrgell Genedlaethol Cymru

Bydd Jac Northfield o raglen Ifan Davies yn brysur yn crwydro'r maes yr wythnos yma. Dilynwch Radio Cymru ar Instagram i weld y cyfan!

Fe gychwynnodd Jac ei wythnos Eisteddfodol yng nghornel bwysicaf y maes...

Gwasgwch 'Gwrando'n fyw' ar frig y dudalen yma i wrando ar Radio Cymru.

Mae Eisteddfod Genedlaethol yr Urdd wedi dod i'r ardal yma chwech o weithiau yn y gorffennol, ac mae wedi ymweld â Pharc Margam unwaith o'r blaen, sef Eisteddfod Tawe, Nedd ac Afan yn 2003.

Dyma rai o'r cystadleuwyr gafodd lwyddiant bryd hynny... ydych chi'n eu cofio?

Ffynhonnell y llun, Tegwyn Roberts/BBC

Llongyfarchiadau i Lleucu Haf Thomas o Sir Benfro, enillydd Medal Gelf Eisteddfod yr Urdd Dur a Môr, Parc Margam a’r Fro.

Llongyfarchiadau mawr hefyd i Chloe Swinburn o ranbarth Fflint a Wrecsam, enillydd Ysgoloriaeth Artist Ifanc.

Dewch i'w adnabod yn well fan yma.

Ffynhonnell y llun, Eisteddfod Yr Urdd

Ffynhonnell y llun, Eisteddfod Yr Urdd

Mae seremoni'r Fedal Gelf wedi dechrau yn y pafiliwn, dan ofal Iestyn Tyne.

Gallwch wylio'n fyw fan yma.

Mae darlledu Radio Cymru o'r Eisteddfod hefyd wedi dechrau, cliciwch 'Gwrando'n fyw' ar frig y dudalen yma i wrando.

Mae cyfle i Eisteddfodwyr fynd am daith bach ar drên bach Parc Margam a chrwydro o amgylch y Parc.

Darllenwch fwy yma am hanes y safle a beth - heblaw am y cystadlu - y gallwch chi ei weld, o'r Castell i'r goeden ffawydden enwog!

Mewn neges wedi'i recordio fe wnaeth Llywydd Dydd, sef yr actor Steffan Rhodri, dalu teyrnged i wirfoddolwyr sydd wedi cynnal aelwydydd yr Urdd yn ardal yr Eisteddfod.

Meddai: "Roedd yr aelwyd a'r adran yn rhan bwysig o ddiwylliant Treforys a Chwm Tawe i lawer iawn o bobl ifanc, ac yn dal i fod. Byddai ddim yn bodoli heb gyfraniad gwych a phwysig iawn Pam a David John - rwy'n ddiolchgar iawn iddynt am eu gwasanaeth."

Gallwch ddarllen am gyfraniad David Gwyn a Pamela John, sydd wedi bod wrthi ers degawdau yn hybu'r Gymraeg a diwylliant Cymreig ymhlith plant a phobl ifanc yr ardal fan yma.

Sioe Cyw yw un o'r digwyddiadau mwyaf poblogaidd ar gyfer y Steddfodwyr lleiaf bob blwyddyn, ac mae Nel ac Idris o Graig Cefn Parc yn barod i fynd i wylio!

Mae cyfle i weld Cati, Daf, Griff a'u ffrindiau ar y maes drwy'r wythnos.

...ac mae pawb yn heidio i'r ardal fwyd er mwyn cael digon o egni am brynhawn o hwyl Eisteddfodol!

Tra'ch bo chi yn mwynhau cinio, cofiwch fod mwy o Eisteddfod yr Urdd i'w ddarganfod ar ein cyfrifon cymdeithasol. Chwiliwch am Cymru Fyw ar Tiktok, Instagram neu Facebook.

Roedd gan drefnwyr yr Eisteddfod wledd annisgwyl i Jeremy Miles yng nghynhadledd y wasg fore heddiw, wrth iddynt ddangos fideo ohono'n cystadlu yn yr Eisteddfod yn ifanc.

Gwyliwch ei ymateb fan yma.

Leigh Woolford yn arwain y canu ym mhabell Cwiar Na nOg.

Mae 'na ddigwyddiadau yno drwy'r wythnos - o ddosbarthiadau Ffitrwydd Dragtastig i Weithdy Cerdd gyda Leo Drayton.

Na, nid Bansky sy'n mynd â'r sylw yr wythnos yma ond murlun sy'n dathlu cysylltiad y grŵp eiconig Edward H Dafis gydag ardal Eisteddfod yr Urdd eleni.

Mae'r gwaith celf, gan yr arlunydd Steve 'Jenks' Jenkins, wedi ei baentio ar ochr caffi The Surge ym mhentref Taibach, ger Margam, ar yr A48.

Darllenwch fwy am yr hanes fan yma.

Ffynhonnell y llun, Llun cyfrannydd

Coron Moron wnaeth ennill cystadleuaeth y band roc llynedd.

Ers hynny mae’r band sydd ym mlwyddyn 6 Ysgol Nant Garedig, Sir Gâr, wedi cael nifer o gyfleoedd arbennig gan gynnwys rhyddhau eu sengl gyntaf a derbyn gwahoddiad i berfformio yng Ngŵyl y Dyn Gwyrdd ym Mannau Brycheiniog.

Maen nhw newydd berfformio ar lwyfan Garddorfa.

Dim ond ers ychydig o fisoedd mae Harry wedi bod yn chwarae'r gitâr fas - ond mae'n cynrychioli Ysgol Sant Curig yn y gystadleuaeth band roc heddiw!