Wrth i ni roi sylw i'r Fedal Wyddoniaeth, mae deallusrwydd artiffisial yn un o bynciau trafod mawr y Maes eleni.

Heddiw fe fydd Comisiynydd y Gymraeg yn cyhoeddi polisi ar y defnydd ohono gan sefydliadau sy'n dod o dan Safonau'r Gymraeg.

Yn ôl swyddfa'r comisiynydd, fe allai'r dechnoleg alluogi sefydliadau i ddarparu gwasanaethau mwy effeithlon, ac o bosib sicrhau bod y Gymraeg yn parhau i fod yn berthnasol ac yn fyw mewn byd digidol.

Dywed Osian Llywelyn, Dirprwy Gomisiynydd y Gymraeg a Chyfarwyddwr Rheoleiddio: "Mae'n bwysig bod unrhyw ddatblygiadau technolegol yn cael eu rheoleiddio mewn ffordd sy'n parhau i adlewyrchu arferion defnyddwyr, gan sicrhau bod y Gymraeg yn cael ei chynnal a'i hyrwyddo yn y byd digidol."

Mwy yma.

Dewi Bryn Jones yw enillydd Medal Wyddoniaeth a Thechnoleg yr Eisteddfod Genedlaethol eleni.

Mae'r fedal yn cael ei rhoi i gydnabod a dathlu cyfraniad unigolyn i faes gwyddoniaeth a thechnoleg trwy gyfrwng y Gymraeg.

Mae Dewi yn derbyn y fedal am ei waith i ddatblygu adnoddau ac offer iaith gyfrifiadurol Cymraeg.

Ym mis Gorffennaf, dywedodd yr Athro Delyth Prys, cyn bennaeth Uned Technolegau Iaith Canolfan Bedwyr ym Mhrifysgol Bangor fod y wobr yn "gwbl haeddiannol".

"Fuaswn yn mynd mor bell â dweud oni bai am gyfraniad Dewi, ni fyddai gennym feddalwedd Gymraeg heddiw," meddai.

Yn gynharach fe ofynnon ni'r cwestiwn yma o Gwis Dyddiol Cymru Fyw:

Ganed Eigra Lewis Roberts, un o awduron mwyaf dylanwadol y Gymraeg, ar y dyddiad yma yn 1939.

Pa wobr wnaeth hi ennill yn Eisteddfod Genedlaethol Abertawe ar y dyddiad yma yn 2006?

Dyma'r ateb:

Yn 2006, ar ddiwrnod ei phen-blwydd, enillodd Eigra Lewis Roberts y Goron yn Eisteddfod Genedlaethol Abertawe am ddilyniant o gerddi am fywyd y bardd Sylvia Plath.

Mae Maria a Robbie o Buxton yn ymweld â'r Eisteddfod am y tro cyntaf heddiw.

Er nad ydyn nhw'n siarad Cymraeg, gobaith y ddau oedd profi a dathlu diwylliant Cymru.

Ar ôl perfformio ar Lwyfan y Maes nos Lun mae Celt, y band poblogaidd o Fethesda yn nodi 40 mlynedd o gigio yr wythnos hon.

Fe gafodd Cymru Fyw sgwrs â nhw am y garreg filltir.

Mwy yma.

Yng nghynhadledd y wasg y bore fe ddywedodd Cyfarwyddwr Artistig cwmni theatr Frân Wen ei bod hi “mor galonogol” bod 20 o geisiadau gyfer cystadleuaeth Medal y Dramodydd eleni.

Gethin Evans ydi un o'r beirniaid eleni a dywedodd bod y broses o feirniadu'r darnau wedi bod "yn hir a thrylwyr".

Medal y Dramodydd fydd prif seremoni'r dydd ac mae wedi denu mwy o sylw nag arfer wedi i'r fedal gael ei hatal yn Eisteddfod Rhondda Cynon Taf y llynedd.

Yn ogystal â'r fedal, bydd yr enillydd yn cael £3000, sy'n “sylweddol yn uwch na mae wedi bod”, meddai Gethin Evans.

Yn dilyn y gystadleuaeth dywedodd y bydd ‘na “broses o werthuso cyn hwyluso y flwyddyn nesaf”.

Ffynhonnell y llun, Kirsten McTernan

Bydd Eisteddfod Genedlaethol y Garreg Las y flwyddyn nesaf yn "unigryw" yn ôl Cadeirydd y Pwyllgor Gwaith.

Dywedodd John Davies fod "cryn dipyn o waith gyda ni i gynnal y llwyddiant celfyddydol, diwylliannol a chymdeithasol tebyg i Wrecsam".

Ychwanegodd y bydd y brifwyl yn Sir Benfro yn “wahanol” gan y bydd hi mewn lleoliad sy’n “groesffordd o dair sir".

Awgrymodd hefyd bod angen “edrych yn wahanol ar sut mae’r nawdd yn cael ei greu a’i gyneafu” yn yr ardaloedd sy'n croesawu'r brifwyl.

“Mewn hinsawdd lle mae’r arian yn anodd i ddod o hyd i, i bob teulu, mae’r esgid yn gwasgu."

Draw ym mhabell Maes D bore heddiw, mae cystadlaethau sy'n rhoi blas ar gystadlu i siaradwyr Cymraeg newydd.

Roedd noson gyntaf Maes B yn "llewyrchus", yn ôl Prif Weithredwr yr Eisteddfod.

Bwncath, Buddug a Tew Tew Tennau fu'n perfformio.

Wrth siarad yng nghynhadledd y wasg ddydd Iau, dywedodd Betsan Moses fod "pawb yn hapus ac yn llawen a does dim byd i’w adrodd".

Wrth drafod prif seremoni'r dydd, dywedodd: “Mae’n galonogol tu hwnt bod y mwya' erioed wedi ymgeisio ar gyfer y fedal ddrama".

Roedd 20 cais eleni wedi i'r fedal gael ei hatal yn Eisteddfod Rhondda Cynon Taf y llynedd.

Ffynhonnell y llun, Aled Llywelyn

Tra'n edrych ymlaen at heddiw, fe allwch fwynhau rhai o uchafbwyntiau dydd Mercher o'r Eisteddfod.

Ar ein tudalen ganlyniadau mae uchafbwyntiau fideo o gystadlu y Pafiliwn.

A dyma oriel luniau y dydd o'r Maes.

Ganed yr awdur dylanwadol Eigra Lewis Roberts ar y dyddiad yma yn 1939.

Pa wobr wnaeth hi ennill yn Eisteddfod Genedlaethol Abertawe, hefyd ar y dyddiad yma yn 2006?

Fe wnawn rannu'r ateb ar y llif byw nes ymlaen, ond os na allwch aros i'w ddarganfod ewch draw i Gwis Dyddiol Cymru Fyw.

Mae rhai wedi teithio o bedwar byn byd i'r Maes, gan gynnwys y tair yma o Philadelphia yn America.

Bydd Jaqueline, sydd ar y chwith yn y llun, yn cystadlu yn yr Unawd Gymraeg: Hen Ganiadau.

Enillodd ysgoloriaeth yn Eisteddfod Gogledd America ac er nad yw'n siarad Cymraeg, mae Jacqueline wedi dysgu'r darn ‘Nant y Mynydd’.

Wrth i gyfnod Llywydd Llys yr Eisteddfod ddod i ben wythnos yma, mae Ashok Ahir yn cyfaddef iddo gael cyfnodau stormus yn y swydd.

Yn siarad gyda BBC Cymru, dywedodd bod Covid a heriau ariannol wedi bod yn anodd ond nad yw'n "cuddio rhag hynny".

Dywedodd bod yr Eisteddfod wedi addasu a bod ganddyn nhw arian wrth gefn er mwyn helpu unrhyw brifwyl sy'n ei chael hi'n anodd cyrraedd eu targedau.

"Ni wedi cyrraedd y sefyllfa bod arian wrth gefn gan y Steddfod am y tro cyntaf," meddai.

"Os ti ishe mynd rownd Cymru a chyrraedd y bobl, mae'n rhaid derbyn weithiau bydd y gronfa leol ddim yn cyrraedd y targed."

Ffynhonnell y llun, Aled Llywelyn

Yn hwyr brynhawn Mercher cafodd y Stomp Werin ei chynnal yn y Tŷ Gwerin.

Yn yr ornest bu cerdd dantwyr, cantorion gwerin, clocswyr ac ambell fardd yn brwydro'n erbyn ei gilydd i geisio ennill pleidlais y gynulleidfa.

Roedd yr enillwyr yn edrych yn gyfarwydd!

Prif seremoni'r dydd yn y Pafiliwn heddiw fydd Medal y Dramodydd.

Mae wedi denu mwy o sylw nag arfer wedi i'r fedal gael ei hatal yn Eisteddfod Rhondda Cynon Taf y llynedd.

Roedd y dasg yn wahanol eleni ac roedd hynny wedi cael ei benderfynu cyn yr hyn a ddigwyddodd yn 2024.

Roedd 20 cais, sy'n fwy na'r arfer, ac yn dystiolaeth bod newid i'r fformat yn gweithio, yn ôl yr Eisteddfod.

Y beirniaid eleni ydi Betsan Llwyd, Daniel Lloyd, Ffion Wyn Bowen, Gethin Evans, Lowri Morgan a Steffan Donnelly.

Mwy yma.

Tra bod bandiau newydd yn creu argraff ar Lwyfan y Maes, roedd cyffro hefyd yn y Pafiliwn ddiwedd brynhawn Mercher wrth i Ynys gipio gwobr Albwm Cymraeg y Flwyddyn.

Ffynhonnell y llun, Aled Llywelyn

Dosbarth Nos ydy ail albwm Ynys - band Dylan Hughes o Race Horses a Radio Luxembourg gynt.

Yn derbyn y wobr ar lwyfan y Pafiliwn, dywedodd Dylan Hughes ei bod yn "fraint".

"Diolch i bawb sy' 'di gwrando, wedi dod i weld ni'n fyw neu brynu'r record," meddai.

"Diolch i bawb sy' 'di chwarae ar y record, a Recordiau Libertino - byddai'r albwm ddim wedi bod yn bosib hebddyn nhw."

Y beirniaid oedd Martha Owen, Nico Dafydd, Elain Roberts, Gruffydd Davies, Branwen Williams a Heulyn Rees.

Mwy yma.

Llongyfarchiadau mawr i Y Ddelwedd, enillwyr Cystadleuaeth Brwydr y Bandiau yr Eisteddfod eleni.

Ar ôl dod i'r brig nos ar Lwyfan y Maes yn hwyr brynhawn Mercher mae'r band o ardal Meirionnydd yn derbyn £1000, cyfle i berfformio ar lwyfan Maes B a sesiwn i BBC Radio Cymru.

Y beirniaid eleni oedd James Minas, Keziah O’Hare ac Ifan Pritchard.

Ffynhonnell y llun, Eisteddfod Genedlaethol