Solais aig cidhe Ratharsair fhathast briste

Tha fearg air cuid de mhuinntir Ratharsair nach eil Comhairle na Gàidhealtachd air solais air cidhe an eilein, a th' air a bhith briste bhon Lùnastal an-uiridh, a chàradh.

Chuir fear gnothachas an uidheamachd solais aige fhèin air a' chidhe airson cothrom a thoirt dhan t-seirbheis aiseig cumail a' dol nuair a tha I dorcha tràth sa mhadainn agus air an fheasgair.

Tha Gilleasbuig MacDhòmhnaill ag aithris.