Lluniau byd natur: Goreuon Galwad Cynnar

14 Awst 2020

Tra mae'r byd wedi bod yn delio gyda feirws Covid-19 mae byd natur wedi ffynnu ac wedi bod yn gysur i nifer. Un o'r pethau mae'r cyfnod wedi ei ddangos yw ei bod yn werth cymryd amser weithiau i sylwi ar beth sydd wrth ein traed ac o'n cwmpas.

Mae gwrandawyr rhaglen Galwad Cynnar ar Radio Cymru wedi bod yn tynnu lluniau o ryfeddodau byd natur ers sawl blwyddyn. Dyma ddetholiad i'ch ysbrydoli:

Tylluan wen mewn coeden — Disgrifiad o’r llun,
Wrth fynd allan i dynnu llun y sêr yn y nos yn ardal Trawsfynydd cafodd Keith O'Brien gwmni'r dylluan wen hon sy'n edrych fel darlun o chwedl Blodeuwedd!

sgwarnog — Disgrifiad o’r llun,
Llun arall gan Keith O'Brien o sgwarnog, creadur arall sy'n cael ei gysylltu ag ambell chwedl

Llygoden — Disgrifiad o’r llun,
Llygoden fach yn mentro i nôl bwyd rhwng y potiau blodau

Malwen — Disgrifiad o’r llun,
Mae'r patrwm troellog ar gragen malwen yn un o'r myrdd o batrymau mathemategol natur

Cnocell y Coed — Disgrifiad o’r llun,
Daliodd Gareth Roberts y llun trawiadol yma o gnocell y coed yn hedfan yn ei ardd yn Bont Newydd ger Dolgellau

Gwas y Neidr yn mynd drwy metamorffasis — Disgrifiad o’r llun,
Adenydd newydd sbon gan was y neidr sy'n mynd drwy metamorffasis

Robin Goch yn canu — Disgrifiad o’r llun,
Robin goch yn canu nerth esgyrn ei ben, wedi ei dynnu gan Elan Edwards Clarke sy'n 13 mlwydd oed

Sgwarnog gwyn — Disgrifiad o’r llun,
Sgwarnog arall ond un anghyffredin, gwyn, y tro yma. Wedi ei gweld ger Tudweiliog ym Mhen Llŷn

Titw Tomos Las — Disgrifiad o’r llun,
Titw Tomos las yn gwneud ei nyth yn gysurus

Tair alarch — Disgrifiad o’r llun,
Elyrch y gogledd yw'r rhain, rhywogaeth brin a welwyd yn ardal Llanfachreth ger Ddolgellau

Madarchen cap inc — Disgrifiad o’r llun,
Madarchen cap inc neu do ar gyfer un o dai'r Tylwyth Teg?

Rhith Brocen — Disgrifiad o’r llun,
Rhith neu Fwgan Brocen yw enw'r ffenomenon yma a welodd Gerallt Pennant ar Foel Hebog, sef tafluniad enfawr o'ch cysgod eich hun yn y cymylau

bwydo adar — Disgrifiad o’r llun,
Aderyn y to yn bwydo ei chyw

blodyn glas — Disgrifiad o’r llun,
Lliw hardd a siapiau symetrig - mae'n werth cymryd yr amser i edrych yn fanylach weithiau

Moch coed — Disgrifiad o’r llun,
Moch coed yn glwstwr ar goeden binwydd

Gloyn byw ar flodyn piws — Disgrifiad o’r llun,
Glöyn byw yn gwledda ar flodau'r bwdlea, neu'r gynffon las

Môr-wenoliaid — Disgrifiad o’r llun,
Haid o fôr-wenoliaid sy'n dod nôl i nythu mewn rhannau o arfordir Cymru yn yr haf - un o'r llefydd gorau i'w gweld yw Gwarchodfa Natur Cemlyn, Ynys Môn

sglefren fôr — Disgrifiad o’r llun,
Ymwelydd haf arall â'n glannau, y slefren gwmpawd sydd â brathiad cas os ewch yn rhy agos

Pry cop wedi dal gwybedyn — Disgrifiad o’r llun,
Gwybedyn druan wedi ei ddal mewn gwe pry cop

madfall — Disgrifiad o’r llun,
Madfall yn manteisio ar ei chuddliw ar faneg arddio yn Waunfawr, Gwynedd

Jac do gwyn — Disgrifiad o’r llun,
Aderyn du gwyn

Dant y Llew — Disgrifiad o’r llun,
Llun agos arall sy'n dangos symetri a phatrymau cain byd natur - blodyn dant y llew yn barod i wasgaru ei hadau

Blodau melyn y Tresi Aur — Disgrifiad o’r llun,
Tresi aur trawiadol Gerddi Bodnant sydd wedi denu ymwelwyr o dros y byd

Codiad haul — Disgrifiad o’r llun,
Anadlwch yn ddwfn ac ewch allan i'r awyr iach - y wawr yn torri dros gae o ŷd

Mwy: Holl orielau Galwad Cynnar

Hefyd o ddiddordeb:

Pynciau cysylltiedig