Sul y Mamau: Y stori tu ôl i Cân i Mam gan Huw Owen
"Ni fydd yno'n gafael yn dy law, yn gymorth ac yn gefn."
Dyna un o linellau Cân i Mam gan Huw Owen a ddaeth yn ail yng nghystadleuaeth Cân i Gymru eleni.
Ysgrifennodd y cyflwynydd teledu y gân i'w fam, Helen Owen o Lanberis, ar ôl iddi gael diagnosis, triniaeth a gwella o ganser y fron.
Ar Sul y Mamau, Cymru Fyw aeth draw i sgwrsio gyda'r ddau yn eu cartref i glywed y stori tu ôl i'r gân.