S4C

Cafodd y rhestr fer ei chyhoeddi trwy ddarllediad arlein byw, dolen allanol ar wefan Facebook S4C ym mis Mai. y gyflwynwraig Lisa Gwilym oedd yn cyflwyno ac roedd dau o'r beirniaid, un ar gyfer y llyfrau Cymraeg ac un ar gyfer y llyfrau Saesneg wedi ymuno gyda hi. 

Ffynhonnell y llun, S4C

Llyfr y Flwyddyn

Dywedodd Gruffudd Owen cyn y seremoni: "Mae hyn yn brofiad hollol newydd. Dw i'n meddwl bod chwech o'r awduron yn rhai sydd yn cyhoeddi eu cyfrolau cyntaf ac mae na rwbath reit braf am hynny." 

Ffynhonnell y llun, bbc

Mae'n siwr nad ydy nifer ohonoch chi yn gyfarwydd efo lleoliad y seremoni heno. Dyma i chi lun o Tŷ Coch ym Merthyr Tudful. Canolfan gelfyddydol yw hi heddiw ond yn nyddiau y Frenhines Fictoria roedd yr adeilad yn gartref i lysoedd barn.  Beth fydd casgliadau'r rheithgor heno tybed?

Ffynhonnell y llun, bbc

Mae Alun Thomas, sy'n cyd-gyflwyno rhaglen arbennig BBC Radio Cymru o'r seremoni, wedi trydar llun o'r gwobrau sydd ar gael i'r enillwyr heno.   

Llyfr y Flwyddyn

Mae gwobrau Llyfr y Flwyddyn yn cael eu rhoi i'r gwaith gorau yn y Gymraeg a'r Saesneg mewn tri categori sef barddoniaeth, ffuglen a llyfrau ffeithiol creadigol. 

Bydd yr enillwyr yn derbyn gwobr o £1,000. 

Ond fe fydd prif enillydd pob iaith hefyd yn cael £3,000. 

 Y nofel Awst yn Anogia gan Gareth F Williams enillodd Prif Wobr Gymraeg Llyfr y Flwyddyn llynedd. Ioan Kidd gipiodd y brif wobr yn 2014. 

Ffynhonnell y llun, Iolo Penri

Mae'r bardd Gruffudd Eifion Owen wedi trydar am y gystadleuaeth. Mae ei gyfrol farddoniaeth 'Hel llus yn y glaw' wedi ei henwebu.   

Llyfr y Flwyddyn

Yn 1992 y cafodd y wobr ei sefydlu. Ymhlith yr enillwyr yn y gorffennol mae Heini Gruffudd, Jon Gower, Ned Thomas a John Davies. 

Llyfr y Flwyddyn

Noswaith dda. 

Croeso i'r llif byw o Tŷ Coch, Merthyr, lleoliad Seremoni Llyfr y Flwyddyn eleni. 

Byddwn ni'n dod â'r diweddaraf i chi wrth i'r enillwyr gael eu cyhoeddi. Mae disgwyl i'r seremoni ddechrau am 19.15.