Edrych nôl ar 11 Awst yn yr Eisteddfod a mwy

Crynodeb

Mae'r cystadlu yn y Pafiliwn yn dechrau am 10:00 ac yn para' tan yn hwyr heno
Prif seremoni'r dydd yw defod Cadeirio'r Bardd am 16:30
Tro'r Corau Cymysg, Cerdd Dant ac Alaw Werin fydd hi yn ystod y sesiwn hwyr
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol

Y diweddaraf yn fyw

Cystadlu hwyr yn yr Eisteddfodwedi ei gyhoeddi 18:00 Amser Safonol Greenwich+1 11 Awst 2017
BBC Cymru Fyw
Mae cystadlu hwyr heno yn yr Eisteddfod ym Modedern, gyda’r corau yn cael y sylw – arhoswch efo ni i wylio’r cyfan yma ar Cymru Fyw.
www.bbc.co.uk/cymrufyw/eisteddfod
Glaw mân i lawerwedi ei gyhoeddi 17:53 Amser Safonol Greenwich+1 11 Awst 2017
Tywydd, BBC Cymru
Robin Owain Jones sydd gyda rhagolygon y tywydd heno:
Mi fydd hi’n parhau'n gymylog wedi iddi nosi, efo glaw mân i lawer ac awel gref yn chwythu o’r de-orllewin, ond mi neith y glaw glirio tua’r de-ddwyrain erbyn yr oriau man ac mi fydd y gwynt yn gostegu hefyd. Y tymheredd ddim is na 12 gradd celsiws heno.
Am fwy o wybodaeth ewch i'r wefan dywydd.
Dau ddegawd datganoliwedi ei gyhoeddi 17:42 Amser Safonol Greenwich+1 11 Awst 2017
Eisteddfod Genedlaethol Cymru
Roedd Llywydd y Cynulliad, Elin Jones a'r Athro Richard Wyn Jones o Ganolfan Llywodraethiant Cymru yn cael eu holi gan Dewi Llwyd ar y Maes heddiw, wrth iddyn nhw hel atgofion o ddau ddegawd ers datganoli i Gymru.
Dywedodd yr Athro Jones mai llwyddiant datganoli oedd y gallu i "gymryd cyfrifoldeb dros ein ffawd ein hun", ond bod y Cynulliad wedi "cymryd yn rhy hir i haeddu'r teitl", a bod gwleidyddion yn "ymladd am rym".
Wrth drafod pwysigrwydd y refferendwm yn 1997, dywedodd Y Llywydd: "Dychmygwch beth fyddai bod yn Gymro heb ddatganoli.
Ond ychwanegodd bod mwy o waith i'w wneud, a bod "diffyg dealltwriaeth" o Lywodraeth Cymru a'i pherthynas â Llywodraeth y DU.
Abraham eisiau "profi ei hun" yn Abertawewedi ei gyhoeddi 17:35 Amser Safonol Greenwich+1 11 Awst 2017
Clwb Pêl-droed Abertawe
Mae Tammy Abraham wedi dweud ei fod eisiau "profi ei hun yn yr Uwch Gynghrair" gydag Abertawe.
Mae'r ymosodwr ifanc ar fenthyg o Chelsea am y tymor ac mae yng ngharfan yr Elyrch ar gyfer y gêm oddi-cartref yn Southampton yfory.
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Nid yw'r BBC yn gyfrifol am gynnwys safleoedd allanol
Diwedd neges twitter
Y Cadeirio: Cloi'r seremoniwedi ei gyhoeddi 17:24 Amser Safonol Greenwich+1 11 Awst 2017
Eisteddfod Genedlaethol Cymru
Mae'r gynulleidfa ar ei thraed i gydganu Hen Wlad Fy Nhadau.
Disgrifiad o’r llun,
Eurgain Sara Lloyd yn cyflwyno'r Flodeuged
Y Cadeirio: Cyflwyno'r Corn Hirlaswedi ei gyhoeddi 17:23 Amser Safonol Greenwich+1 11 Awst 2017
Eisteddfod Genedlaethol Cymru
Mared Wyn Hughes, cyn ddisgybl yn Ysgol Uwchradd Bodedern, sy'n cydflwyno'r Corn Hirlas i'r Prifardd newydd
Ffynhonnell y llun, bbc
Y Cadeirio: Y Ddawns Flodauwedi ei gyhoeddi 17:17 Amser Safonol Greenwich+1 11 Awst 2017
Eisteddfod Genedlaethol Cymru
Mae'r Corn Hirlas yn cael ei gyflwyno gan Mared Wyn Hughes. Yn ei chynorthwyo mae Macwyaid y Llys Bradley Richard Jones a Rhodri Morris Williams.
Eurgain Sara Lloyd sy'n cyflwyno'r Flodeuged. Mae hi yn cael ei chynorthwyo gan Forynion y Llys, Elliw Mair Huws a Greta Fflur Keen
Daw y dawnswyr o Ysgolion Cynradd Bodedern, Bryngwran, Llanfairpwll, Llanfechell, Llannerch-y-medd, Morswyn, Goronwy Owen, Y Borth, Y Graig a Santes Gwenfaen.
Mi gawson nhw eu hyfforddi gan Mair Jones, Mary Evans, Lowri Angharad, Fiona Bridle ac Olwen Green.
Ffynhonnell y llun, bbc
Prifardd Y Fenni yn cyfarch Prifardd Ynys Mônwedi ei gyhoeddi 17:15 Amser Safonol Greenwich+1 11 Awst 2017
Eisteddfod Genedlaethol Cymru
Mae Aneirin Karadog, enillydd y Gadair yn Eisteddfod y Fenni 2016, yn camu i'r llwyfan i gyfarch y Prifardd newydd.
Mae'r cyfarchiad yn cael ei ddilyn gan un o uchafbwyntiau'r seremoni, Y Ddawns Flodau.
Ffynhonnell y llun, bbc
Y Cadeirio: Cân y Cadeiriowedi ei gyhoeddi 17:12 Amser Safonol Greenwich+1 11 Awst 2017
Eisteddfod Genedlaethol Cymru
Kees Huysmans o Dregroes, enillydd y Rhuban Glas yn Eisteddfod y Fenni y llynedd, sy'n canu Cân y Cadeirio.
Ffynhonnell y llun, bbc
Y Cadeirio: Cerdd y Cadeiriowedi ei gyhoeddi 17:10 Amser Safonol Greenwich+1 11 Awst 2017
Eisteddfod Genedlaethol Cymru
Mae Osian Rhys Jones yn cael ei gyfarch gan Carwyn Creigllan, cyn-enillydd Gwobr Llwyd o'r Bryn, sy'n adrodd Cerdd y Cadeirio.
Ffynhonnell y llun, bbc
Y Cadeirio: Mae'r Archdderwydd yn Cadeirio'r Prifarddwedi ei gyhoeddi 17:09 Amser Safonol Greenwich+1 11 Awst 2017
Eisteddfod Genedlaethol Cymru
Mae'r Archdderwydd yn Cadeirio'r bardd buddugol Osian Rhys Jones
Ffynhonnell y llun, bbc
Y Cadeirio: Enw'r bardd buddugol yw...wedi ei gyhoeddi 17:00 Amser Safonol Greenwich+1 11 Awst 2017
Eisteddfod Genedlaethol Cymru
Mae'r Archdderwydd yn cyhoeddi mai Osian Rhys Jones o ger y Ffôr, Pwllheli ond sydd bellach yn byw yng Nghaerdydd yw'r bardd buddugol.
Ffynhonnell y llun, bbc
Y Cadeirio: Nôl y barddwedi ei gyhoeddi 16:57 Amser Safonol Greenwich+1 11 Awst 2017
Eisteddfod Genedlaethol Cymru
Mae dirprwyaeth yn gadael y llwyfan i nôl y bardd buddugol i'r llwyfan gan ei wisgo mewn mantell borffor.
Ffynhonnell y llun, bbc
Y Cadeirio: Golwg gynta o'r bardd buddugolwedi ei gyhoeddi 16:56 Amser Safonol Greenwich+1 11 Awst 2017
Eisteddfod Genedlaethol Cymru
Mae dyn ifanc wedi codi ar ei draed.
Ffynhonnell y llun, bbc
Y Cadeirio: Ar ganiad yr utgyrn...wedi ei gyhoeddi 16:55 Amser Safonol Greenwich+1 11 Awst 2017
Eisteddfod Genedlaethol Cymru
Mae'r Archdderwydd yn galw ar y bardd buddugol i godi ar ei draed/thraed ar ganiad yr utgyrn.
Y Cadeirio: Ffug enw'r bardd buddugol yw . . . .wedi ei gyhoeddi 16:54 Amser Safonol Greenwich+1 11 Awst 2017
Eisteddfod Genedlaethol Cymru
Dywedodd Peredur Lynch:
"Yn 'y marn i, Merch y Drycinoedd sy'n dod i'r brig. Ond mae Emyr a Huw yn ffafrio Gari.
Mi rydw i, wrth gwrs, yn derbyn dyfarniad mwyafrifol y ddau ac yn cyhoeddi'n llawen felly mai ffugenw'r bardd buddugol ydi Gari.
Y Cadeirio: Tri yn dod i'r brigwedi ei gyhoeddi 16:54 Amser Safonol Greenwich+1 11 Awst 2017
Eisteddfod Genedlaethol Cymru
Mae tri o'r cystadleuwyr - Ail Don, Merch y Drycinoedd a Gari - yn llwyr deilyngu'r gadair, ac oedd, mi oedd hi'n gystadleuaeth glós.
Disgrifiad o’r llun,
Mae'r gynulleidfa wedi eu plesio bod teilyngdod eleni
Y Cadeirio: Oes na deilyngdod?wedi ei gyhoeddi 16:53 Amser Safonol Greenwich+1 11 Awst 2017
Eisteddfod Genedlaethol Cymru
"Mae 'na bump yn y ras, ond oes 'na deilyngdod?
"Wel, os buo 'na rioed deilyngdod fe'i cafwyd yma ym Mȏn eleni."
Ffynhonnell y llun, bbc
Y Cadeirio: Y Feirniadaethwedi ei gyhoeddi 16:48 Amser Safonol Greenwich+1 11 Awst 2017
Eisteddfod Genedlaethol Cymru
Dywedodd Yr Athro Peredur Lynch:
"Fe wnaeth 12 gystadlu eleni"
Ffynhonnell y llun, bbc
Y Cadeirio: Y beirniaidwedi ei gyhoeddi 16:46 Amser Safonol Greenwich+1 11 Awst 2017
Eisteddfod Genedlaethol Cymru
Mae'r Archdderwydd Geraint Llifon yn croesawu pawb i'r seremoni ac yn cyflwyno'r beirniaid, Peredur Lynch, Huw Meirion Edwards ac Emyr Lewis.
Peredur Lynch, Athro yn y Gymraeg ym Mhrifysgol Bangor sy'n traddodi'r feirniadaeth.
Ffynhonnell y llun, bbc