Cyfarfod Llawn yn dechrau am 12.30pm gyda theyrngedau i Carl Sargeant AC
Cwestiynau i'r Prif Weinidog
Datganiad a Chyhoeddiad Busnes
Dadl: Adroddiad Blynyddol Comisiynydd Plant Cymru 2016-17
Dadl: Adroddiad Blynyddol 2016-17 Comisiynydd y Gymraeg
Cynnig i dderbyn argymhelliad y Prif Weinidog ar gyfer Ei Mawrhydi i benodi Cwnsler Cyffredinol
'Roedd Carl yn gymeriad,' meddai Andrew RT Davies.
"Credai'n angerddol yn yr hyn a wnai ac fe gyflwynodd bedair deddfwriaeth".
"Ry'n wedi colli ffrind ond mae Bernie a'r plant wedi colli aelod o'r teulu.
"Dyma un o'r dynion mwyaf diffuant i mi eu cyfarfod.
"Byddai wastad yn dweud wrthai 'Be sy'n digwydd bos' " - hynny, medd Mr Davies, yn adlewyrchu ei gefndir o weithio yn y ffatri.
Y Prif Weinidog Carwyn Jones yn rhoi'r deyrnged gyntaf.
Mae'n cydymdeimlo â'r teulu yn gyntaf - yna yn canmol rhinweddau Mr Sargeant fel gweinidog - yr un pennaf hwyluso sefyllfaoedd anodd.
'Fuodd na ddim gair croes rhyngom ni," meddai Mr Jones.
Mae'r Llywydd, Elin Jones AC, yn galw am funud o dawelwch sy'n cychwyn ac yn gorffen gyda chaniad cloch y Senedd.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Y Llywydd yn cydymdeimlo gyda theulu Carl Sargeant sydd yn bresennol.
Wedi'r teyrngedau, bydd 'na gwestiynau i'r prif weinidog.
Mae Mr Jones wedi cael ei feirniadu gan aelodau o deulu Mr Sargeant ynglŷn â'r ffordd y gwnaeth e ddelio gyda'r honiadau yn ei erbyn.
Ddydd Gwener fe gytunodd Carwyn Jones i gynnal ymchwiliad annibynnol i'r penderfyniadau a wnaed ynghylch Carl Sargeant cyn ei farwolaeth.
Fe fydd cyfarfod llawn y Cynulliad yn dechrau awr yn gynharach na'r arfer er mwyn i aelodau allu rhoi teyrnged i AC Alun a Glannau Dyfrdwy.
Roedd Carl Sargeant yn gwadu'r honiadau yn ei erbyn.
Ddydd Iau dywedodd Carwyn Jones nad oedd ganddo ddewis ond diswyddo Carl Sargeant.
Bydd aelodau cynulliad yn rhoi teyrngedau i Carl Sargeant pan fydd gwleidyddion yn ailymgynnull ym Mae Caerdydd am 12.30.
Cafwyd hyd i gorff Mr Sargeant yn ei gartref, bedwar diwrnod ar ôl iddo gael ei ddiswyddo o'r cabinet gan Carwyn Jones am ei fod yn wynebu honiadau o ymddwyn yn amhriodol gyda menywod.
Clywodd cwest ddydd Llun mai crogi oedd achos ei farwolaeth, yn ôl dyfarniad cychwynnol gan y crwner.
Mae'r prif weinidog wedi addo ymchwiliad annibynnol i'r ffordd y cafodd Mr Sargeant ei ddiswyddo fel ysgrifennydd cymunedau, a'i wahardd o'r Blaid Lafur.
