Crynodeb

  • Y gic gyntaf am 12:35 yn ail gêm Ryan Giggs wrth y llyw

  • Dim newid i dîm Cymru gurodd China 6-0 ddydd Iau

  • Uruguay wedi curo'r Weriniaeth Tsiec o 2-0

  • Y gêm yn cael ei chwarae yng nghanolfan chwaraeon Guangxi

Y diweddaraf yn fyw

  1. Hwyl am y tro

    BBC Cymru Fyw

    Diolch i chi am ddilyn y gêm ar ein llif byw, gallwch ail fyw uchafbwyntiau'r gêm ar ein tudalen Facebook, a darllen adroddiad am y gêm ar ein gwefan.

    Hwyl am y tro!

  2. 'Nid y canlyniad oedden ni eisiau'

    BBC Cymru Fyw

    Nid oedd Gareth Bale ar ei orau heddiw: "Nid y canlyniad oedden ni eisiau," meddai wedi'r gêm.

    Ond mae'n dweud bod y gemau wedi bod yn ddefnyddiol i'r tîm ddod i 'nabod y rheolwr newydd, a bydd y chwaraewyr yn dal i weithio'n galed.

    Bale

  3. Uruguay yn codi tlws Cwpan China

    BBC Cymru Fyw

    A dyna ni, capten Uruguay, Diego Godin yn derbyn tlws Cwpan China 2018 gyda gwen fawr ar ei wyneb.

    Mae'r tlws yn mynd yn ôl i Dde America, yn dilyn buddugoliaeth Chile y llynedd.

    CwpanCBDC

  4. Seremoni wobrwyo yn dechrau

    BBC Cymru Fyw

    Mae'r seremoni wobrwyo yn dechrau, gyda chwaraewyr Cymru yn casglu eu medalau am orffen yn ail yn y gystadleuaeth.

    Er ei bod hi'n gystadleuaeth gyfeillgar, mae'r holl garfan yn edrych yn siomedig na wnaethon nhw lwyddo i wneud digon i ennill y tlws.

  5. 'Ymlaen gyda gobaith'!

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  6. 'Gallai Cavani wedi sgorio tair'

    John Hartson
    Cyn-ymosodwr Cymru

    Dylai Cavani fod wedi cael tair gôl yn ôl John Hartson, gyda'i rediadau da yn fygythiad drwy'r gêm.

    Roedd ei gyfuniad gyda Luis Suarez yn rhy dda i Gymru.

    SuarezAFP

  7. 'Bydd Giggs wedi dysgu llawer'

    John Hartson
    Cyn-ymosodwr Cymru

    Bydd Ryan Giggs wedi dysgu llawer mwy o'r gêm heddiw na wnaeth yn erbyn China, meddai Owain Tudur Jones ar S4C.

    Cyn-ymosodwr Cymru, John Hartson yn dweud bod profiad Uruguay wedi rhoi'r mantais iddyn nhw.

  8. Dim ond un gôl yn gwahanu'r timau

    BBC Cymru Fyw

    Er y pwysau yn hwyr yn yr ail hanner, doedd Cymru methu sgorio'r gôl hollbwysig yna, a gôl Edinson Cavani sy'n selio'r fuddugoliaeth i Uruguay.

    Cafodd Uruguay sawl cyfle da arall hefyd, gan daro'r postyn ddwywaith yn yr hanner cyntaf, a gallai'r sgor fod wedi bod yn waeth ar Gymru.

    Ond fe wnaeth Cymru greu cyfleoedd hefyd, a bydd Ryan Giggs yn falch o hynny er y canlyniad.

  9. Uruguay wedi ennill o 1-0

    BBC Cymru Fyw

    Mae amser am un cic gornel yn amser ychwanegol...

    Ond dydy Cymru methu manteisio a cholli yw hanes dynion Ryan Giggs yn ei ail gêm.

    Uruguay felly sy'n ennill Cwpn China 2018.

  10. Tacl wych yn atal Suarez

    BBC Cymru Fyw

    Roedd Suarez yn glir ar y gôl yn fanno, ond amddiffyn gwych yn cadw'r sgôr yn 0-1.

    Ar y pen arall, Cavani yn ennill trosedd feddal iawn i ddefnyddio 'chydig mwy o eiliadau.

  11. Cymru'n gwthio ymlaen

    BBC Cymru Fyw

    Cymru'n gwthio ymlaen rwan, a newid arall i Gymru - Ben Davies yn gadael a Ryan Hedges yn dod ymlaen.

    Mae'r 90 munud bron ar ben...

  12. Cymru 0-1 Uruguay

    BBC Cymru Fyw

    Nandez yn gadael y cae a Stuani yn dod ymlaen i Uruguay.

    Cic gornel i Gymru ond mae Uruguay yn amddiffyn fel tîm.

    5 munud yn weddill i ddynion Giggs.

  13. Sgiliau Ashley Williams!

    BBC Cymru Fyw

    Matthews yn syth i mewn i'r chwarae, ac mae'n rhaid iddo fod yn gryf i gadw ymosodiad Uruguay rhag mynd yn rhy bell.

    Trosedd gan Bale ar Torreira yn hanner Uruguay, a chic rydd Muslera yn hir i fyny'r cae.

    Ashley Williams dangos ei ddoniau i gadw'r bel gan Suarez a Cavani, ac Evans yn ergydio, ond yn methu a thrafferthu'r golwr.

  14. Cymru 0-1 Uruguay

    BBC Cymru Fyw

    Mae Cymru'n edrych yn fwy ymosodol erbyn hyn, ac yn ennill cic gornel.

    Evans yn ei chymryd hi ond Uruguay yn llwyddo i glirio'r bêl.

    Chris Gunter yn gadael y cae ac Adam Matthews yn cymryd ei le.

  15. Lockyer ymlaen yn lle Chester

    BBC Cymru Fyw

    Mwy o newidiadau i Gymru, Tom Lockyer yn dod i'r cae yn lle'r amddiffynnwr James Chester.

    Chwarter awr yn weddill i Gymru...

  16. Ergyd dda gan King

    BBC Cymru Fyw

    Cymru'n adennill y meddiant a Bale yn ymosod cyn pasio i King ar ochr y cwrt.

    Ergyd King yn gwyro, ac yn mynd heibio ochr anghywir y postyn. Byddai wedi gallu mynd i unman...

    Evans yna yn ergydio o bellter, ond byddai'n rhaid iddi fod yn chwip o ergyd i guro'r golwr o fanno.

  17. Cyfraniad olaf Harry Wilson

    BBC Cymru Fyw

    Chwarae da gan Billy Bodin ar yr asgell dde, ac mae'n pasio i Wilson, ond y symudiad yn dod i ddim.

    Dyna gyfraniad olaf Harry Wilson, sy'n gadael y cae u gael ei eilyddio gan Lee Evans.

  18. Cymru 0-1 Uruguay

    BBC Cymru Fyw

    Uruguay yn bygwth unwaith eto, ond amddiffyn Cymru yn llwyddo i oroesi, er i Suarez gyrraedd y cwrt cosbi a rhoi pas beryglus ar draws y gôl.

    Newid i Uruguay, Torreira yn dod ymlaen yn lle Rodriguez.

  19. Bodin ymlaen am Vokes

    BBC Cymru Fyw

    Billy Bodin yn dod i'r cae yn lle Sam Vokes.

  20. Cyfle i Gymru!

    BBC Cymru Fyw

    Bale yn taro'r ergyd i mewn i'r wal, a chic gornel wedyn gan Wilson.

    Croesiad gwych arall gan y gwr ifanc, ac mae'n glanio yn y cwrt chwech, ond Cymru'n methu ei tharo i'r rhwyd!