Eisteddfod Genedlaethol Cymru

Mae’r cerddor a’r gwneuthurwr ffilmiau Cymreig, Gruff Rhys, wedi rhyddhau cân arbennig i gyd-fynd ac ymweliad yr Eisteddfod Genedlaethol â Chaerdydd.

Mae’r gân ‘Bae Bae Bae’ yn cael ei rhyddhau fel rhan o brosiect Carnifal y Môr, sy’n rhedeg drwy’r wythnos yn dilyn gorymdaith arbennig drwy’r Bae nos Wener mewn partneriaeth rhwng yr Eisteddfod a charnifal Butetown.

Gan weithio gyda’r artist Megan Broadmeadow, cyfansoddodd Gruff gân sydd i’w gweld mewn ffilm sy’n cael ei daflunio ar sgriniau dŵr enfawr o flaen adeilad y Senedd bob noson am 22:30.

Mae Carnifal y Môr yn dathlu cysylltiadau Caerdydd gyda gwledydd ar draws y byd .

Dywedodd Gruff:"Mae Caerdydd, a’i draddodiad fel lloches i bobl o bedwar ban, gan gynnwys Eryri yn fy achos i, gystal lle ag unrhyw le i wneud recordiau cyffrous ac annhebygol."

Ffynhonnell y llun, Bae Bae Bae

Eisteddfod Genedlaethol Cymru

Bore da a chroeso i ddydd Llun yr Eisteddfod o Gaerdydd ,a diwrnod y Coroni.

Mae yna lu o weithgareddau yn cael eu cynnal yn y Bae.

Cewch flas o'r cyfan ar lif byw Cymru Fyw drwy gydol y dydd.