Mae seremoni cyflwyno Medal Goffa Syr T H Parry-Williams am 11:55
Prif seremoni'r dydd am 16:30 yw Gwobr Goffa Daniel Owen am nofel heb ei chyhoeddi
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol
Eisteddfod Genedlaethol Cymru
Mae'r criw yma o ffrindiau o Ysgol Y Berllan Deg yng Nghaerdydd yn mwynhau ymarfer gyda'r offerynau cerdd, cyn mynd i weld sioe Cyw a'r Gerddorfa y prynhawn yma.
BBC Cymru Fyw
Mae'r Archdderwydd wedi ymddiheuro bore ma am ei sylwadau a wnaeth yn ystod seremoni'r cadeirio brynhawn Llun.
Gallwch weld ei sylwadau, a'i ymddiheuriad yn llawn yma:
Eisteddfod Genedlaethol Cymru
Mae hi'n braf ag awel fwyn ym mae Caerdydd y bore 'ma a'r Eisteddfodwyr yn cyrraedd i fwynhau diwrnod arall ar y Maes.
BBC Cymru Fyw
Gallwch chi ddod o hyd iddyn nhw yma
BBC Cymru Fyw
Doedd dim teilyngdod yng nghystadleuaeth Gwobr Goffa Daniel Owen yn Eisteddfod Ynys Môn y llynedd.
A fydd yna un yn ddiweddarach prynhawn 'ma, ym mhrif seremoni'r dydd?
Igam Ogam o waith Ifan Morgan Jones oedd y nofel a enillodd y wobr y tro diwethaf i'r brifwyl ymweld â Chaerdydd yn 2008.
Doedd neb yn deilwng o Wobr Goffa Daniel Owen yn 2017.
Gorsedd y Beirdd
Mae Gorsedd y Beirdd wedi cyhoeddi datganiad, yn dilyn ymateb i sylwadau'r Archdderwydd Geraint Llifon yn ystod seremoni coroni Catrin Dafydd ddoe.
"Yn dilyn Seremoni’r Coroni brynhawn ddoe, mae’r Archdderwydd yn dymuno ymddiheuro a phwysleisio nad oedd yr hyn a ddywedwyd yn adlewyrchiad cywir o’i farn bersonol, nac ychwaith o farn yr Orsedd na’r Eisteddfod ar fater cydraddoldeb."
"Mae’n gresynnu bod hyn wedi tynnu oddi ar ddathlu llwyddiant enillydd penigamp y Goron eleni, ac ni fydd ef, yr Orsedd na’r Eisteddfod yn gwneud unrhyw ddatganiad pellach ar y mater."
BBC Radio Cymru
Yn ôl Rhys Griffiths, cyflwynydd tywydd a teithio BBC Radio Cymru, mae hi'n addo bore cymylog gydag ambell gyfnod clir ymhellach i'r dwyrain.
Mae'n argoeli aros yn sych dros y rhan fwyaf o'r wlad, heblaw am ambell gawod yn y canolbarth a'r gorllewin yn ddiweddarach bore 'ma.
Dylai hi fod yn sych ac yn braf weddill y prynhawn.
Y tymheredd ar ei uchaf yn 24 gradd, ond yn nes at 18 gradd yn y gorllewin.
BBC Cymru Fyw
Mae'n fore Mawrth, a dyma'r lle i chi ar gyfer holl straeon y maes, y tywydd ac unrhyw uchafbwyntiau eraill.
Co ni off!