Crynodeb

  • Democratiaid Rhyddfrydol yn ennill gyda mwyafrif o 1,425

  • Y Ceidwadwyr yn ail, gyda Phlaid Brexit yn drydydd

  • Isetholiad seneddol yn dilyn deiseb diswyddo'r AS Ceidwadol Chris Davies

Y diweddaraf yn fyw

  1. 'Ystradgynlais yw'r allwedd'

    Vaughan Roderick
    Golygydd Materion Cymreig y BBC

    Mae ein Golygydd Materion Cymreig, Vaughan Roderick yn cynnig ei ddadansoddiad o'r sefyllfa heno.

    Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
    Nid yw'r BBC yn gyfrifol am gynnwys safleoedd allanol
    I osgoi neges X

    Caniatáu cynnwys X?

    Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  2. 'Diffyg trefn' gan Blaid Brexit

    BBC Cymru Fyw

    Mae'n debyg bod 'na negeseuon cymysg yn dod o gyfeiriad Plaid Brexit.

    Yn ôl un ffynhonell o'r blaid sydd yn y cyfrif, mae'n annebygol y byddan nhw'n ennill ond os ydy hi'n noson dda fe allen nhw gipio'r ail safle oddi ar y Ceidwadwyr.

    Ar y llaw arall mae gohebydd BBC Cymru, David Deans yn dweud ei fod wedi clywed cwynion gan aelodau'r blaid nad oedd eu hymgyrch wedi ei threfnu'n dda.

  3. Llafur mewn trwbl?

    BBC Cymru Fyw

    Mae 'na sïon yn y cyfrif bod llawer o bleidleiswyr Llafur wedi cefnogi'r Democratiaid Rhyddfrydol yn yr isetholiad yma, ac felly eu bod nhw mewn peryg o ddod yn bedwerydd y tu ôl i Blaid Brexit.

    Os ydy hi'n noson wael iawn, fe allen nhw hyd yn oed golli eu blaendal.

    Fyddai hynny'n cynyddu'r pwysau ar yr arweinydd Jeremy Corbyn?

  4. Pam fod yr isetholiad yma'n bwysig?

    BBC Cymru Fyw

    Os ydy'r Ceidwadwyr yn colli'r sedd hon heno, bydd eu mwyafrif yn Nhŷ'r Cyffredin yn disgyn i un.

    Nid beth fydd y prif weinidog newydd Boris Johnson eisiau ar ddechrau ei gyfnod wrth y llyw, o ystyried faint o drafferth roedd ei ragflaenydd Theresa May eisoes yn ei gael wrth geisio ennill pleidleisiau yn y Senedd.

    Boris JohnsonGetty Images

  5. Cyfle i'r Dem Rhydd adennill y sedd?

    BBC Cymru Fyw

    Bydd rhai ohonoch chi'n cofio wrth gwrs bod y Democratiaid Rhyddfrydol wedi dal y sedd hon mor ddiweddar â 2015.

    Doedd etholiad cyffredinol y flwyddyn honno ddim yn un caredig iddyn nhw, fodd bynnag, ac fe gollodd Roger Williams ei sedd i Chris Davies o dros 5,000 o bleidleisiau.

    Cadwodd Mr Davies y sedd i'r Ceidwadwyr yn 2017 gan dyfu ei fwyafrif i 8,000 dros y Democratiaid Rhyddfrydol.

    roger williams

    Bu Roger Williams yn Aelod Seneddol dros Frycheiniog a Maesyfed am 14 mlynedd

  6. Ras dau geffyl

    BBC Cymru Fyw

    Ras dau geffyl ydy hi yn yr isetholiad heno, meddai Gareth Pennant, wrth i'r pleidleisiau ddechrau gael eu cyfrif.

    Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
    Nid yw'r BBC yn gyfrifol am gynnwys safleoedd allanol
    I osgoi neges X

    Caniatáu cynnwys X?

    Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  7. Canlyniad agos?

    BBC Cymru Fyw

    Mae'n gohebydd ni Gareth Pennant yn un o'r rhai sydd yn y cyfrif yn Llanelwedd.

    Yn ôl un ffynhonnell o'r Democratiaid Rhyddfrydol sydd wedi siarad ag o, mae'n debyg y bydd y canlyniad yn un "agos".

    Cyfri

  8. Plaid Cymru na'r Blaid Werdd yn ymgeisio

    BBC Cymru Fyw

    Cyn yr etholiad fe wnaeth Plaid Cymru a'r Blaid Werdd gyhoeddi nad oedden nhw am gynnig ymgeiswyr ar gyfer yr isetholiad.

    Dywedodd Plaid Cymru na fyddai'n ymgeisio er mwyn cefnogi'r Democratiaid Rhyddfrydol a "chydweithio" fel dwy blaid sydd am weld y DU yn aros yn yr Undeb Ewropeaidd.

    Dywedodd y Blaid Werdd hefyd na fyddai'n cynnig ymgeisydd er mwyn rhoi cyfle gwell i ymgeisydd sy'n gwrthwynebu Brexit.

  9. Pwy sy'n ymgeisio?

    BBC Cymru Fyw

    Roedd chwe ymgeisydd i gynrychioli'r etholaeth yn San Steffan, gan gynnwys y cyn-AS.

    Dyma'r rhestr yn llawn:

    • Y Ceidwadwyr - Chris Davies
    • Y Blaid Lafur - Tom Davies
    • Y Democratiaid Rhyddfrydol - Jane Dodds
    • Plaid Brexit - Des Parkinson
    • UKIP - Liz Phillips
    • Official Monster Raving Loony Party - Lady Lily The Pink
    Ymgeiswyr

    O'r chwith uchaf, yn nhrefn y cloc: Chris Davies, Tom Davies, Jane Dodds, Lady Lily The Pink, Liz Phillips, Des Parkinson

  10. Cefndir yr isetholiad

    BBC Cymru Fyw

    Cafodd yr isetholiad ei gynnal yn dilyn deiseb diswyddo lwyddiannus yn erbyn y cyn-AS Chris Davies.

    Plediodd Mr Davies yn euog i gyflwyno dogfennau ffug a chamarweiniol wrth hawlio treuliau.

    Yn sgil hynny, bu'n destun deiseb galw 'nôl yn ei etholaeth, oedd yn golygu y byddai isetholiad yn cael ei gynnal pe bai 10% o'r etholaeth - 5,303 o bleidleiswyr - yn ei harwyddo.

    Fe wnaeth 19% o etholwyr arwyddo'r ddeiseb.

    Chris Davies

  11. Noswaith dda

    BBC Cymru Fyw

    Croeso i'n llif byw wrth i'r blychau pleidleisio gau yn isetholiad Brycheiniog a Sir Faesyfed.

    Fe gewch chi'r diweddara' o'r cyfri' yn Llanelwedd a mwy yma gyda ni.

    Cyfri