Pedwar cais yn yr hanner cyntaf yn sicrhau pwynt bonws i Gymru
Jon Davies, Justin Tipuric, Josh Adams, Liam Williams, Tomos Williams a George North yn croesi
Paratoadau Cymru wedi cael ergyd ar ôl i Rob Howley gael ei anfon adref; Stephen Jones wedi cymryd ei le fel hyfforddwr yr ymosod
Y gwrthwynebwyr, Georgia yn 12fed ar restr detholion rygbi'r byd
Sgôr terfynol: Cymru 43-14 Georgia
BBC Cymru Fyw
Diolch yn fawr iawn am ymuno â ni ar gyfer y gêm heddiw.
Byddwn ni'n ôl ddydd Sul ar gyfer yr un fawr yn erbyn Awstralia... Gobeithio gawn ni'ch cwmni chi bryd hynny. Hwyl fawr!
Ffynhonnell y llun, Getty ImagesSgôr terfynol: Cymru 43-14 Georgia
BBC Cymru Fyw
Canlyniad cadarnhaol i Gymru ar ddechrau'r ymgyrch. Gwych yn yr hanner cyntaf, anniben braidd yn yr ail.
Pob clod i Georgia am gystadlu'n dda wedi'r egwyl.
79' Cymru 43-14 Georgia
BBC Cymru Fyw
Na, nid unrhyw un o'r olwyr llachar, ond y clo barfog, Jake Ball, sydd wedi cael ei enwi'n seren y gêm!
78' Cymru 43-14 Georgia
Dafydd Pritchard
Gohebydd chwaraeon yn Stadiwm Toyota
Rhediad gwych gan Tomos Williams, yn llwyddo i blygu o dan afael un taclwr cyn pasio i George North, sy'n gorffen y symudiad yn daclus.
76' Cymru 43-14 Georgia
BBC Cymru Fyw
Pwy arall ond George North?! Tro yma, Tomos Williams yn gwneud gwaith gwych lawr yr asgell dde, ac yn rhoi pas pêl-fasged yn ôl tu fewn i North, sy'n torri ambell dacl i groesi'r llinell gais.
Halfpenny, fel yr hen ddyddiau, yn llwyddiannus gyda'r trosiad.
Ffynhonnell y llun, Getty ImagesGeorge North yn benderfynol o gyrraedd y linell wen
Catrin Heledd
Gohebydd chwaraeon yn Stadiwm Toyota
Nifer o newidiadau ar y cae i Gymru, a hyn yn anochel yn effeithio rhywfaint ar lif y chwarae.
Mae’r gêm eisioes wedi ei hennill ond i fod yn deg â Georgia, dydyn nhw ddim yn rhoi lan.
70' Cymru 36-14 Georgia
BBC Cymru Fyw
Wel mae hi wedi bod yn ymdrech ddewr iawn gan Georgia yn yr ail hanner. (Nawddoglyd?!)
Cais arall i'r tîm mewn porffor/piws/marŵn.
A throsiad hefyd. Trosgais, felly.
66' Cymru 36-7 Georgia
BBC Cymru Fyw
Biggar yn cicio'r trosiad.
A dyna fydd ei gyfraniad olaf heddiw, wrth i Rhys Patchell gymryd ei le yn safle'r maswr.
65' Cymru 34-7 Georgia
BBC Cymru Fyw
Tomos Williams yn tirio wedi gwaith gwych gan George North lawr yr asgell dde.
Y cawr o Fôn yn cicio'r bêl yn ei blaen, yr eilydd, Williams, yn carlamu ar ei hôl ac yn tirio'n ddiogel.
Ffynhonnell y llun, Getty Images64' Cymru 29-7 Georgia
Dafydd Pritchard
Gohebydd chwaraeon yn Stadiwm Toyota
Yn yr ail hanner, mae'r gêm wedi bod mwy fel yr ornest gorfforol roedd pawb yn disgwyl cyn y gic gyntaf.
Ma' Georgia yn amddiffyn yn benderfynol ac yn gorfodi Cymru i weithio'n galed am eu meddiant a'u tir.
62' Cymru 29-7 Georgia
BBC Cymru Fyw
Leigh Halfpenny yn dod ymlaen fel cefnwr yn lle Liam Williams.
Bydd yn rhaid gorchuddio Liam mewn gwlân cotwm cyn y gêm fawr ddydd Sul yn erbyn Awstralia!
60' Cymru 29-7 Georgia
BBC Cymru Fyw
Awr wedi mynd. Mae Cymru eto i sgorio yn yr ail hanner, yn rhannol o achos amddiffyn dewr Georgia, sydd wedi ymdopi'n dda iawn gyda 14 dyn ar y cae.
Ffynhonnell y llun, Getty ImagesDan Biggar yn ceisio torri trwy'r amddiffyn cadarn
57' Cymru 29-7 Georgia
Andrew Coombs
Cyn-glo Cymru a sylwebydd Radio Cymru
Bydd Georgia'n hapus iawn gyda'u perfformiad yn yr ail hanner. Mae nhw'n edrych yn gryf.
56' Cymru 29-7 Georgia
Dafydd Pritchard
Gohebydd chwaraeon yn Stadiwm Toyota
Ma' taclo Georgia yn yr ail hanner wedi bod yn ffyrnig.
Dyw hi ddim yn hawdd taro Alun Wyn Jones yn ôl - ond ma' amddiffynwyr Georgia wedi gwneud hynny ar fwy nag un achlysur.
55' Cymru 29-7 Georgia
Andrew Coombs
Cyn-glo Cymru a sylwebydd Radio Cymru
Mae Georgia yn tyfu fewn i'r gêm. Yn edrych lot gwell yn amddiffynnol ac yn lledaenu'r bêl.
50' Cymru 29-7 Georgia
BBC Cymru Fyw
Mae Tomos Williams ymlaen am Gareth Davies yn safle'r mewnwr; Dillon Lewis ymlaen yn lle'r prop Tomas Francis; Ross Moriarty ymlaen hefyd.
48' Cymru 29-7 Georgia
BBC Cymru Fyw
Cerdyn melyn i Georgia ar ôl iddyn nhw ddymchwel sgarmes symudol y Cymry reit ar y linell gais.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cymru 29-7 Georgia
Dafydd Pritchard
Gohebydd chwaraeon yn Stadiwm Toyota
Roedd y cais yna i Georgia yn boblogaidd yn Stadiwm Toyota.
Er bod y trigolion lleol wedi rhoi croeso cynnes i chwaraewyr Cymru, ma' nhw'n awyddus i wylio gêm gystadleuol heno - ac ma'r cais yna'n rhoi llygedyn o obaith i Georgia.
44' Cymru 29-7 Georgia
BBC Cymru Fyw
Cic wych gan y maswr Tedo Abzhandadze i ychwanegu'r pwyntiau.
Georgia ar eu ffordd yn ôl o bosib??
43' Cymru 29-5 Georgia
BBC Cymru Fyw
Dechrau gwych i'r ail hanner i Georgia.
Y bachwr Shalva Mamukashvili sy'n taflu o'r lein, ac yna'n dilyn y bêl cyn tirio ar ôl sgarmes symudol.
Ffynhonnell y llun, Getty ImagesShalva Mamukashvili ar garlam!