Warren Gatland yn gwneud 13 newid i'r tîm drechodd Fiji
Y blaenasgellwr Justin Tipuric yn arwain Cymruwrth i Alun Wyn Jones gael seibiant
Cymru'n ennill ac yn sicrhau eu lle ar frig Grwp D
Cymru i wynebu Ffrainc yn wyth olaf y gystadleuaeth ddydd Sul nesaf
BBC Cymru Fyw
Diolch am ddilyn y llif heddiw.
Er gwaethaf perfformiad rhwystredig gan Gymru, fe lwyddodd tîm Warren Gatland i ennill yn gyfforddus o 35-13.
Ffrainc fydd gwrthwynebwyr nesaf Cymru yn wyth olaf y gystadleuaeth.
Fe allwch ddarllen adroddiad y gêm heddiw yn erbyn uruguay yma.
Emyr Lewis
Cyn wythwr Cymru a sylwebydd BBC Radio Cymru
Wrth edrych ymlaen at gêm yn wyth olaf yn y gystadleuaeth "mae'n anodd gwybod pa dîm Ffrainc sydd am droi lan," medd Emyr Lewis
"Mae nhw 'n dim sy'n gallu creu sioc a chreu hanes, ond dwi ddim yn siwr os gallen nhw wneud hynny yn erbyn amddiffyn styfnig Cymru."
BBC Cymru Fyw
"Dwi ddim yn hapus efo sawl peth am heddiw, yn enwedig yn yr hanner cyntaf.
"Roedden ni'n colli'r bel yn rhu hawdd ac roedd y bêl yn cael ei throi drosodd ormod.
"Ond chwarae teg i'r bechgyn am gadw i fynd ac rydym yn edrych ymlaen at wynebu Ffrainc yr wythnos nesaf.
Ffynhonnell y llun, Getty ImagesBBC Cymru Fyw
Ymateb Rhys Patchell i berfformiad Cymru:
"Fe wnaethon ni greu lot yn y gêm ond fe wnaethon ni droi'r bêl rownd yn rhad.
"Doedden ni ddim yn gadarn gyda'r bêl ac rydym yn eithaf siomedig.
"Llongyfarchiadau i Uruguay, roedden nhw'n ystyfnig ac fe wnaethon nhw stopio ni chwarae ar brydiau."
Emyr Lewis
Cyn wythwr Cymru a sylwebydd BBC Radio Cymru
Cyn wythwr Cymru, Emyr Lewis yn disgrifio perfformiad Cymru'n "fratiog."
"Roedd hi'n brynhawn llawer anoddach na be oedd pawb yn disgwyl.
"Roedd gormod o gamgymeriadau ac roedd Cymru'n colli meddiant yn rhwydd."
BBC Cymru Fyw
Mae'r gêm ar ben.
Buddugoliaeth i Gymru wedi perfformiad rhwystredig ar brydiau.
Mae Cymru wedi llwyddo i ennill pob un o'i gemau grŵp ac maen nhw'r gorffen ar y brig.
Ffrainc fydd nesaf i dîm Warren Gatland ddydd Sul nesaf gyda'r gic gyntaf m 08:15.
Cymru 35-13 Uruguay
BBC Cymru Fyw
Wedi 84 munud mae Gareth Davies wedi sgorio pumed cais Cymru ar ôl rhediad wych o hanner ffordd.
Leigh Halfpenny yn gywir - 35-13 i Gymru.
Ffynhonnell y llun, Getty ImagesBBC Cymru Fyw
Am y drydedd tro mae'r dyfarnwr wedi gwrthod caniatáu cais i Hallam Amos.
Wrth iddo geisio tirio yn y gornel fe wnaeth ollwng y bêl fel yr oedd yn neidio drwy'r awyr.
Hallam Amos druan!!!
Ffynhonnell y llun, Getty ImagesCymru 28-13 Uruguay
BBC Cymru Fyw
Mae'r fuddugoliaeth yn ddiogel, Mae'r pwynt bonws yn ddiogel.
Tomos Williams yn croesi ar ôl gwaith da gan Rhys Patchell.
Cymru yn ail gylchu'r bêl yn sydyn ar ôl i Leigh Halfpenny gael ei daclo a Tomos Williams yn gweld y bwlch a chymryd ei gyfle i groesi am gais.
Halfpenny yn sicrhau'r ddau bwynt ychwanegol gyda'i gic.
Ffynhonnell y llun, Getty ImagesCymru 21-13 Uruguay
BBC Cymru Fyw
Y bachwr, German Kessler yn croesi yn dilyn dau i dri munud o bwysau gan Uruguay ac amddiffyn Cymru ar chwâl ar ôl i Moriaty methu gyda'r dacl ar y lein.
Berchesi yn llwyddo gyda'i gic.
Llai na 10 munud i fynd.
Ffynhonnell y llun, Getty ImagesCymru 21-6 Uruguay
BBC Cymru Fyw
Uruguay yn parhau i droseddu a'r tro hwn y dyfarnwr, Angus Gardener o Awstralia yn rhoi cais gosb i Gymru.
Ffynhonnell y llun, Getty Images
Cerdyn Melyn
O'r diwedd mae'r dyfarnwr wedi mynd i'w boced a dangos cerdyn melyn i Uruguay am droseddu'n gyson.
Santiago Civetta sydd ar y ffordd i'r gell gosb.
Cymru 14-6 Uruguay
Dafydd Pritchard
Gohebydd chwaraeon yn Stadiwm Kumamoto
Roedd Ross Moriarty a chapten Uruguay, Juan Manuel Gaminara, bron yn ymladd yn y twnel yn ystod hanner amser ar ol i Gaminara wawdio Aled Davies a Hadleigh Parkes.
Diddorol i weld be fydd yn digwydd os ma' Moriarty a Gaminara yn cwrdd ar y cae.
Cymru 14-6 Uruguay
BBC Cymru Fyw
Tri newid i Gymru:
Ross Moriaty ymlaen yn lle'r capten Justin Tipuric
James Davies ymlaen yn lle Aaron Wainwright
Tomos Williams ymlaen yn lle Aled Davies
20 munud yn weddill.
BBC Cymru Fyw
Hallam Amos y tro hwn yn croesi am gais, ond unwaith eto, Rhys Patchell yn pasio ymlaen felly ni fydd y cais yn cael ei chaniatáu.
Cymru unwaith eto'n wastraffus.
Emyr Lewis
Cyn wythwr Cymru a sylwebydd BBC Radio Cymru
Mae CYmru'n rhedeg llawer mwy uniongyrchol, dwi'n siŵr fod Cymru wedi cael pryd o dafod gan Warren Gatland hanner amser.
"Mae'n rhaid i Gymru fod yn fwy cywir. Maen nhw dal i wneud camgymeriadau ond o hyn allan dwi'n disgwyl i Gymru sgorio sawl cais gyn diwedd y gêm.
Cymru 14-6 Uruguay
BBC Cymru Fyw
O'r diwedd mae'r ail gais wedi dod.
Does dim amheuaeth am hon. Josh Adams yn croesi yn dilyn pas gan Rhys Patchell.
Leigh Halfpenny'n cicio rhwng y pyst ac mae Cymru yn ymestyn eu mantais wedi 50 o funudau.
Ffynhonnell y llun, Getty ImagesBBC Cymru Fyw
Munudau fewn i'r ail hanner mae Leigh Halfpenny wedi methu gyda chic gosb.
Fe darodd ei gic y postyn. Dyw pethau ddim yn mynd ffordd Cymru hyd yma.
Mae'r gêm wedi ail ddechrau. Gawni weld os allai Cymru ymestyn eu mantais yn yr ail hanner.
Catrin Heledd
Gohebydd chwaraeon yn Japan
Mae’n siŵr fydde Warren Gatland a’r tîm hyfforddi wedi hoffi dechrau meddwl am eilyddion erbyn hyn gyda’r fuddugoliaeth wedi ei sicrhau a’r gêm o dan reolaeth ond yn anffodus, nid felly mae hi.
Mae’r prif hyfforddwr ‘di bod yn eistedd o dan y pwynt sylwebu gyda’i freichiau wedi croesi, ac mae’n edrych yn rhwystredig iawn.
Fydd digon ganddo i ddweud yn y ‘stafell newid gydag Uruguay a’r fuddugoliaeth seicolegol wedi 40 munud.
Y gobaith yw y bydd ymdrech amddiffynnol y gwŷr mewn glas yn eu blino nhw 60 munud i mewn i’r gêm.