golwg360

Mae Golwg360 yn sôn am ymdrechion Llywodraeth Cymru i gynorthwyo'r Swyddfa Dramor wrth i ddinasyddion geisio dychwelyd o dramor yn ystod argyfwng coronafeirws.

Dywedodd y Farwnes Eluned Morgan, Gweinidog Cysylltiadau Rhyngwladol, wrth Golwg360: "Mae ein rhwydwaith o 21 o swyddfeydd tramor yn gweithio gyda'r Swyddfa Dramor ac yn chwarae eu rhan yn ailwladoli dinasyddion o Gymru ledled y byd, gan gynnwys o Beriw, India, Fietnam, De Affrica, Awstralia a Seland Newydd."

Ffynhonnell y llun, Reuters

Mae trefnwyr Ras Ryngwladol yr Wyddfa wedi cyhoeddi fod y digwyddiad eleni, a oedd fod i ddigwydd ym mis Gorffennaf, wedi ei ohirio.

Maen nhw'n gobeithio dychwelyd yn 2021.

BBC Radio Wales

Mae gofalwyr yn cael eu "gadael yn ddiamddiffyn" a heb unrhyw gefnogaeth, yn ôl perchennog cartref gofal o Sir Fôn.

Dywedodd Glyn Williams, sy'n berchen Cartrefi Gwyddfor ym Modedern, ei bod yn gywilydd ei bod wedi gorfod dechau apêl i godi arian i ddelio gydag argyfwng coronafeirws - ac y dylai'r arian wedi dod o Lywodraeth Cymru.

"Mae'r gymuned leol wedi bod yn ffantastig ond ni ddylem orfod dibynnu ar elusen, mae'n gywilyddus beth mae awdurdodau lleol a Llywodraeth Cymru yn ei wneud i'r sector gofal - ein bod yn ddibynnol ar elusen," meddai wrth Radio Wales.

Dywedodd llefarydd ar ran Llywodraeth Cymru eu bod wedi cyhoeddi yn ddiweddar y byddai £40m yn ychwanegol ar gael ar gyfer gwasanaethau gofal i oedolion, gan gynnwys cartrefi gofal, yn ystod argyfwng coronafeirws.

BBC Radio Wales

Yn dilyn ei agoriad swyddogol ddoe, mae Victoria Le Grys, Cyfarwyddwr Rhaglen Ysbyty Calon y Ddraig yn Stadiwm Principality Caerdydd, wedi bod yn siarad â BBC Radio Wales Breakfast gyda Claire Summers.

Dywedodd: "Mae'n anodd credu mewn gwirionedd bod y cae yn dal i fod i lawr dair wythnos yn ôl ac roedd ein tîm gweithredol yn edrych drosto gyda'r realiti ofnadwy hwn y gallai fod angen i ni ddefnyddio'r stadiwm i gefnogi ein hysbytai yma yng Nghaerdydd.

"Mae cyflymder a graddfa hyn yn rhywbeth sy'n anodd iawn ei amgyffred.

"Mae dros 600 o staff wedi rhoi 100,000 awr o lafur i'w gael ar agor.

"Mae'n rhoi syniad i chi o'r raddfa, a'r cyflymder trylwyr rydyn ni wedi gorfod gweithio er mwyn cwrdd â'r deadline."

Cafodd yr ysbyty ei agor gan y Tywysog Charles ddydd Llun.

Ffynhonnell y llun, Getty Images

Bethan Lewis
Gohebydd Addysg a Theulu BBC Cymru

Mae nifer o'r bobl ifanc sydd ar gyrsiau elusen digartrefedd Llamau yn dod o gefndiroedd anodd ac wedi methu ymdopi gyda'r ysgol.

Dydy pob un ddim yn ddigartref ond mae rhai wedi bod mewn trafferth gyda'r heddlu, wedi cael problemau iechyd meddwl neu wedi camddefnyddio sylweddau.

Mae cyrsiau addysg yr elusen i bobl ifanc 16 i 24 oed fel arfer yn cael eu cynnal mewn canolfannau ar draws Cymru ond rhaid dysgu o bell ers iddyn nhw gau o ganlyniad i'r pandemig.

O ystyried y rhwystrau sydd eisoes yn wynebu'r bobl ifanc yma, mae gwneud hynny yn "heriol tu hwnt".

Darllenwch ymlaen yma.

Mae elusen anhwylderau bwyta Beat wedi gweld cynnydd o 35% yn nifer y bobl sy'n gofyn am gefnogaeth ers i'r cyfyngiadau cymdeithasol ddod i rym fis diwethaf.

Mae'r elusen wedi cynyddu'r lefel o gymorth mewn ymateb i'r galw drwy sefydlu mwy o grwpiau ar-lein i bobl sy'n dioddef.

Darllenwch y stori'n llawn yma.

Ffynhonnell y llun, Getty Images

Pwt o newyddion da i ddechrau! Asgellwr y Scarlets, Tom James yn rhannu fideo o'i fam yn gadael yr ysbyty ar ôl tair wythnos o driniaeth.

Diolch i chi am ymuno efo ni wrth i ni ddeffro i ddiwrnod arall o newyddion am y pandemig coronafeirws.