Cefnogwyr Wcráin law yn llawwedi ei gyhoeddi 16:46 Amser Safonol Greenwich+1 5 Mehefin 2022
Mae cefnogwyr Wcráin wedi cyrraedd Stadiwm Dinas Caerdydd ac yn barod am y gêm fawr.
Ffynhonnell y llun, Getty ImagesCrynodeb
Cyffro ar draws Cymru wrth i'r tîm cenedlaethol drechu Wcráin yn Stadiwm Dinas Caerdydd
Bydd Cymru yn yr un grŵp â Lloegr, UDA ac Iran
Mae trechu Wcráin yn golygu "mwy i Gymru 'na dim ond pêl-droed"
Cic rydd gan Bale a pheniad i'w rwyd ei hun gan Yarmolenko yn rhoi Cymru ar y blaen
100 tocyn am ddim i ffoaduriaid Wcráin
Cefnogwyr Wcráin law yn llawwedi ei gyhoeddi 16:46 Amser Safonol Greenwich+1 5 Mehefin 2022
Ffynhonnell y llun, Getty Images'Rydym eisiau cyrraedd Cwpan Y Byd'wedi ei gyhoeddi 16:41 Amser Safonol Greenwich+1 5 Mehefin 2022
Dywedodd Rob Page ychydig cyn y gêm.
"Rydym yn barod, a fedrwn ni ddim aros i ddechrau’r gêm.
"Mae gennym ni waith i'w neud. Mae Wcráin yn dîm da, rydym yn eu parchu nhw.
"Rydym eisiau cyrraedd Cwpan y Byd ac mae'n rhaid i ni wneud popeth posib i wireddu hynny."
Ffynhonnell y llun, Getty ImagesY cefnogwyr yn ymgynnullwedi ei gyhoeddi 16:39 Amser Safonol Greenwich+1 5 Mehefin 2022
Dyma rai lluniau o du allan Stadiwm Dinas Caerdydd, wrth i gefnogwyr Cymru ac Wcráin gyrraedd.
Ffynhonnell y llun, Getty Images
Ffynhonnell y llun, GettyYstadegau cadarnhaol!wedi ei gyhoeddi 16:35 Amser Safonol Greenwich+1 5 Mehefin 2022
Dyw Cymru heb golli gartref mewn 18 gêm gystadleuol (ennill 12, 6 cyfartal).
Dyma'r rhediad hiraf o beidio colli gartref yn hanes y tîm cenedlaethol.
Dim ond saith gôl mae Cymru wedi ildio yn yr 18 gêm, drwy gadw 11 llechen lân.
Ffynhonnell y llun, Getty Images'Gweddill y byd eisiau i Wcráin ennill - ni'n deall hynna!'wedi ei gyhoeddi 16:29 Amser Safonol Greenwich+1 5 Mehefin 2022
Mae cyn-ymosodwr Cymru, Iwan Roberts, yn dweud bod Wcráin yn haeddu "pob clod" am fynd i Barc Hampden ac ennill yn erbyn Yr Alban ganol wythnos - yn enwedig o ystyried amgylchiadau'r misoedd diwethaf.
"Fydd gweddill y byd eisiau i Wcráin ennill nos Sul, wrth gwrs, 'dan ni'n deall hynny," meddai.
Disgrifiad, Iwan Roberts: Wcráin wedi sicrhau buddugoliaeth dda yn erbyn Yr Alban
Disgrifiad o’r llun, Phil Harris o Fachynlleth: “Dwi’n edrych ymlaen at y gêm ond fyddai ddim yn siomedig os fyddwn ni’n colli achos yr ymdeimlad tuag at Wcráin”
Mae'r stadiwm yn llenwi!wedi ei gyhoeddi 16:24 Amser Safonol Greenwich+1 5 Mehefin 2022
TwitterGydag ychydig dros hanner awr i fynd tan y gic gyntaf, mae Stadiwm Dinas Caerdydd yn dechrau llenwi!
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitterBale a Ramsey i gyflawni rhyfeddodau heddiw?wedi ei gyhoeddi 16:22 Amser Safonol Greenwich+1 5 Mehefin 2022
Wrth siarad â’r wasg fe wnaeth Gareth Bale bwysleisio bod angen trin gêm heddiw fel unrhyw gêm arall.
Yn chwarae yn Stadiwm Dinas Caerdydd y prynhawn yma fe fydd tîm sydd wedi arfer chwarae ac ennill y gemau mawr yn gyson.
Mae Gareth Bale ac Aaron Ramsey wedi cyflawni rhyfeddodau pan fo Cymru eu hangen – allan nhw wneud hynny unwaith eto heno?
Ffynhonnell y llun, Getty ImagesCefnogwyr o fro Eisteddfodau yr Urdd a'r Genedlaetholwedi ei gyhoeddi 16:17 Amser Safonol Greenwich+1 5 Mehefin 2022
Disgrifiad o’r llun, Mae Chris a Bob o Ddyffryn Clwyd yma “i gefnogi Cymru ac yn edrych 'mlaen”
Eisteddfod yr Urdd sydd wedi bod yn hawlio'r sylw yn Nyffryn Clwyd gydol yr wythnos ond mae 'na rai cefnogwyr pêl-droed wedi dianc!
Cyn hir fe fydd y sylw yn troi i Eisteddfod Genedlaethol Ceredigon yn Nhregaron - gobeithio bydd sylw i bêl-droed ar y maes i blesio'r cefnogywr yma!
Disgrifiad o’r llun, Mae Rhodri Lewis, Rhydian Jones, Ben Jones, Aled Jones o Dregaron yn “obeithiol iawn”
Melyn a glas yn y brifddinas hefydwedi ei gyhoeddi 16:12 Amser Safonol Greenwich+1 5 Mehefin 2022
Disgrifiad o’r llun, Mae Serhiy Stullivskyy 23, Tymofii Savitskyy, 9 ac Andriy Shadyuk, 24, wedi dod o Lundain heddiw i weld y gêm
Credir bod 100 o docynnau ar gyfer ffeinal y gemau ail gyfle ddydd Sul wedi eu rhyddhau am ddim i ffoaduriaid o Wcráin.
Mae'r holl docynnau i gefnogwyr cartref ar gyfer y gêm yn Stadiwm Dinas Caerdydd - sy'n dal 33,000 o bobl - wedi eu gwerthu.
Mae 5% o'r tocynnau wedi eu neilltuo i Gymdeithas Bêl-droed Wcráin.
Y gred yw y bydd y tocynnau i ffoaduriaid yn dod ar ben y nifer sydd eisoes wedi eu neilltuo ar gyfer yr ymwelwyr.
Disgrifiad o’r llun, Mae'r cefnogwyr yma wedi teithio o Lundain
Hanes Wcráin yng Nghwpan y Bydwedi ei gyhoeddi 16:08 Amser Safonol Greenwich+1 5 Mehefin 2022
Dim ond unwaith mae Wcráin erioed wedi cyrraedd rowndiau terfynol Cwpan y Byd.
Fe lwyddon nhw i gyrraedd yr wyth olaf yn 2006 yn yr Almaen.
Colli oedd eu hanes nhw bryd hynny o 3-0 yn erbyn yr Eidal yn Hamburg.
Ffynhonnell y llun, Getty ImagesBloeddio canu ar Stryd Womanbywedi ei gyhoeddi 16:04 Amser Safonol Greenwich+1 5 Mehefin 2022
Mae Stryd Womanby yn enwog am fod yn gartref i gigs bywiog a swnllyd.
Ond cefnogwyr Cymru sy'n codi canu heddiw!
Disgrifiad, Canu Stryd Womanby
Dim newid i Wcráin!wedi ei gyhoeddi 16:01 Amser Safonol Greenwich+1 5 Mehefin 2022
BBC Cymru FywMae Wcráin yn enwi yr un 11 chwaraewr lwyddodd i ennill yn erbyn yr Alban:
Bushchan, Karavaev, Zabarnyi, Matviienko, Mykolenko, Stepanenko, Zinchenko, Malinovsky, Yarmolenko, Tsygankov, Yaremchuk.
Ffynhonnell y llun, Getty ImagesY gŵr yn y canolwedi ei gyhoeddi 15:58 Amser Safonol Greenwich+1 5 Mehefin 2022
Y dyfarnwr heddiw yw Antonio Miguel Mateu Lahoz o Sbaen.
Dyfarnwr hynod brofiadol sydd eisoes wedi cael ei ddewis i fynd i Qatar fel un o ddyfarnwyr FIFA ar gyfer Cwpan y Byd eleni.
Ffynhonnell y llun, Getty ImagesY cefnogwyr yn edrych ymlaen... ond mae 'na nerfauwedi ei gyhoeddi 15:53 Amser Safonol Greenwich+1 5 Mehefin 2022
Disgrifiad o’r llun, Dywed Owen Porter (yn y canol) ei fod e'n "hynod o nerfus"
Dyw hi ddim yn syndod bod y brifddinas yn fôr o goch ac mae'n ddiwrnod mawr i'r cefnogwyr.
Disgrifiad o’r llun, Mae Issah Bartlett, Ed Upton, Harry Car “wir yn edrych mlaen at y gêm”
Newid rhwng y pyst!wedi ei gyhoeddi 15:50 Amser Safonol Greenwich+1 5 Mehefin 2022
Un syndod efallai wrth edrych ar y tîm sy'n dechrau'r gêm yw bod Wayne Hennessey yn camu i mewn rhwng y pyst yn lle Danny Ward, sydd wedi chwarae'n gyson yn y gôl yn ddiweddar.
Be newch chi o'r newid yma?
Ffynhonnell y llun, Getty ImagesY Prif Weinidog ac arweinwyr eraill yn anfon eu dymuniadau dawedi ei gyhoeddi 15:46 Amser Safonol Greenwich+1 5 Mehefin 2022
Ar draws y cyfryngau cymdeithasol mae degau ar hyd y dydd wedi bod yn anfon eu dymuniadau da i'r tîm cenedlaethol ac mae neges arbennig gan y Prif Weinidog, Mark Drakeford hefyd:
Disgrifiad, Y Prif Weinidog yn anfon ei ddymuniadau da
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitterTîm Cymru wedi'i gyhoeddiwedi ei gyhoeddi 15:42 Amser Safonol Greenwich+1 5 Mehefin 2022
Cymdeithas Bêl-droed CymruDyma'r 11 fydd yn dechrau'r gêm heddiw!
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitterDafydd Iwan ac 'Yma o Hyd' yn rhan o'r paratoadauwedi ei gyhoeddi 15:41 Amser Safonol Greenwich+1 5 Mehefin 2022
Fe fydd Dafydd Iwan yng nghanol y paratoadau yn Stadiwm y Ddinas cyn y gic gyntaf eto heddiw, gydag Yma o Hyd wedi tyfu yn anthem i dîm Cymru.
Fe wnaeth y cerddor rannu'r stori am hanes y gân gyda Cymru Fyw yn 2020.
"Roedd y refferendwm wedi methu yn '79 ac roedd llawer ohona ni yn ddigalon braidd ac mi chwaraeodd y canu ran i godi ysbryd yn ôl," meddai.
"Mi es i ar daith drwy Gymru efo Ar Log yn 1982 i gofio marw Llywelyn ap Gruffudd yn 1282, ac mi gyfansoddais i rai caneuon ar gyfer y daith honno, fel Cerddwn Ymlaen ac mi roedd hi'n daith arbennig o lwyddiannus.
"Dwi'n cofio eistedd lawr yn y tŷ yn Waunfawr yn meddwl am y syniad yna ein bod wedi para 1600 o flynyddoedd ac wrth gwrs mi ddaeth yr ymadrodd 'yma o hyd' i'r meddwl a'r ymadrodd 'er gwaethaf pawb a phopeth'.
"Mae pob cân yn gorfod cael un syniad canolog, un bachyn, ac roedd y syniad yma o'r cychwyn mae'n debyg yn un oedd yn cydio."
Yr wythnos hon fe gafodd fersiwn newydd o’r gân ei rhyddhau gan Sage Todz. Gallwch wylio y fideo fan yma, dolen allanol.
Ffynhonnell y llun, Huw Fairclough/Getty ImagesY llwybr i'r Ffeinalwedi ei gyhoeddi 15:36 Amser Safonol Greenwich+1 5 Mehefin 2022
Dyma lwybr y ddwy wlad i gyrraedd y gêm allweddol hon heddiw.
Fe wnaeth y ddwy wlad orffen yn ail yn eu grwpiau rhagbrofol gan sicrhau eu lle yn y gemau ail gyfle.
Dim ond unwaith wnaeth Gymru golli yn y grwpiau a hynny yn erbyn Gwlad Belg.
Diolch i ddwy gôl wych gan Gareth Bale yn y rownd gyn-derfynol yn erbyn Awstria, mae gan Gymru gyfle i gamu ymlaen i Qatar gyda buddugoliaeth heddiw.
Fe orffennodd Wcráin yn ail y tu ôl i Ffrainc yn Grŵp D, cyn ennill yn erbyn yr Alban o 3-1 yn y gemau ail gyfle.
Ffynhonnell y llun, Getty ImagesMae'n prysuro wrth i'r gic gyntaf ddod yn nes ...wedi ei gyhoeddi 15:31 Amser Safonol Greenwich+1 5 Mehefin 2022
Disgrifiad o’r llun, Mae Glesni, Gruff, Niamph, Betsan ac Elgan o Lanelli yn barod amdani