Y tymheredd yn cyrraedd 37.1C ym Mhenarlâg - y record flaenorol yng Nghymru oedd 35.2C, a osodwyd yn 1990
System awyru newydd ar waith yn y Sioe yn Llanelwedd
Pobl yn heidio i lan môr wrth i'r haul dywynnu
Rhybudd ambr am dywydd poeth eithriadol mewn grym ar gyfer Cymru gyfan ddydd Llun a ddydd Mawrth
Llywodraeth y DU wedi datgan argyfwng cenedlaethol yn sgil y tywydd llethol
Wrth i arbenigwyr ragweld tywydd eithriadol o dwym yng Nghymru dros y ddeuddydd nesaf, dywed y Gweinidog Iechyd ei bod hi'n hynod o bwysig i bobl gymryd y tywydd o ddifri'.
Mae'r Gwasanaeth Iechyd eisoes o dan bwysau, medd Eluned Morgan, ac felly mae'n hynod bwysig fod pobl yn yfed digon o ddŵr ac yn aros yn y cysgod, pan yn bosib.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Un o'r cynghorion yw cael cawod oer os yn poethi - ac mae'r gwartheg ar faes y Sioe wedi cael sawl cawod ddydd Llun.
Ffynhonnell y llun, Swyddfa Dywydd
Braidd yn wacach nag arfer yw traeth Llandudno ar hyn o bryd ac y mae'r rhai sydd wedi dod i fwynhau'r heulwen wedi dod â chysgod pwrpasol - pabell neu ymbarel.
Mae un teulu o Uttoxeter yn Sir Stafford wedi teithio yma am y diwrnod gan bod disgwyl i Gymru fod ychydig yn oerach na rhannau o Loegr, medd Chris.
"Mae'n hyfryd yma gydag awel ysgafn o'r môr."
Os ydych chi’n teimlo'n gynnes, meddyliwch am Hulk y faharen Valais Blacknose 14 mis oed – yma’n cael ei dywys gan Steve Dace sy’n ffermio’r brid ger Caer.
Tywydd
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae yna rybudd i ymwelwyr sy'n ymweld â Llyn Tegid i fod yn hynod o ofalus wedi i algae gwyrddlas gael ei ganfod yn y dŵr.
Fore Llun roedd y llyn yn atyniad poblogaidd wrth i'r tywydd boethi ar draws Cymru.
Mae yna neges gan staff Rheilffordd y Graig yn Aberystwyth ar y cyfryngau cymdeithasol yn dweud na fydd y trên yn weithredol heddiw oherwydd y tywydd poeth.
"Fe allai'r traciau orboethi," medd y neges ond mae'r caffi ar agor ac mae 'na rybudd i gerddwyr yfed digon o ddŵr.
Mae Harm, 8, o’r Iseldiroedd sy’n ymweld efo’i deulu yn gwneud y mwya' o’r cyfle i osgoi’r gwres
Mae Hedd, 2, o Grymych yn cael seibiant yng nghysgod y sied ddefaid
Un o'r cynghorion yw gwisgo het os yn mynd allan ac yn amlwg mae'r ymwelwyr â'r Sioe Fawr wedi gwrando.
Ffynhonnell y llun, bbc
Yr olygfa ar Ynys Llanddwyn fore Llun
Mae gofyn i bobl beidio â theithio os nad yw'n hanfodol ac mae rhai ysgolion, sy'n parhau ar agor, yn cynghori disgyblion i wisgo dillad ysgafn a llac.
Mae rhai gwasanaethau trên wedi cael eu canslo, wrth i Network Rail rybuddio y gallai'r gwres achosi difrod i'r cledrau mewn achosion difrifol.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Wrth siarad â Cymru Fyw wythnos diwethaf roedd prif filfeddyg y sioe yn dweud bod Llanelwedd yn llygad y gwres - ac mae hynny'n hollol wir ond mae pawb â'u ffordd o ymdopi.
Ar ddiwrnod cyntaf y sioe mae system awyru newydd i ddefaid yn cael ei ddefnyddio am y tro cyntaf ac mae drefniadau ar gyfer anifeiliaid eraill hefyd.
"Ry' ni wedi buddsoddi £50,000 mewn ffaniau mawr yn y sied ddefaid i 'neud siŵr fod popeth yn ddiogel," meddai Mared Jones, pennaeth gweithrediadau'r Sioe Fawr.
