Mae Jac wrth ei fodd yn yr ardal chwaraeon

Cafodd llywyddion anrhydeddus y Brifwyl eu cyflwyno yn swyddogol brynhawn Iau.

Neli Jones, Bethan Bryn, Ben Lake, Delyth Hopkins Evans, Elin Jones - Cadeirydd y Pwyllgor Gwaith - Owain Schiavone a Rhiannon Lewis.

Roedd y digwyddiad hefyd yn gyfle i gofio am Selwyn Jones, gŵr Neli, a oedd i fod yn llywydd anrhydeddus.

Mae staff 'Cadw' yn dod â hanes yn fyw i'r genhedlaeth nesaf...

Protestwyr newid hinsawdd grŵp Extinction Rebellion yn dynwared gwleidyddion ar y Maes.

Mae'r Cymry'n "licio meddwl" eu bod nhw'n gynhwysol tuag at bobl LHDTC+, ond mae "dal ffordd i fynd" i sicrhau bod pobl o fewn y gymuned yn gyfforddus yn mynegi eu hunain.

Wrth siarad ar faes yr Eisteddfod yn Nhregaron, dywedodd Iestyn Wyn o Stonewall Cymru fod agweddau yn y Brifwyl bellach yn "anhygoel" o groesawgar ar y cyfan.

Ond mae 'na dal rai pobl, meddai, sydd ag agweddau o "peidiwch rhoi o yn ein gwynebau ni", yn enwedig os ydy'n nhw'n ystyried rhywun yn "rhy queer neu'n rhy camp".

"'Dan ni angen derbyn pawb am bwy ydyn nhw, pa bynnag ffordd maen nhw'n gwisgo, yn siarad," meddai.

Roedd hi'n llawn yn Theatr y Maes wrth i sioe Arad Goch, Twm Siôn Cati, ddenu torf.

Y lleidr penffordd yw un o gymeriadau mwyaf eiconig Tregaron.

Wrth siarad â Cymru Fyw, fe wrthododd Gweinidog y Gymraeg ac Addysg, Jeremy Miles, sylwadau Ysgrifennydd Cymru, Robert Buckland, fod polisïau Llywodraeth Cymru ar drethi ail dai yn "rhy lawdrwm".

Fis diwethaf, fe gyhoeddodd Llywodraeth Cymru y bydd hawl gan gynghorau lleol reoli niferoedd ail gartrefi a thai gwyliau yn sgil cynlluniau newydd gan y llywodraeth.

"Dwi ddim yn cytuno gyda hynny," dywedodd Mr Miles ddydd Iau wrth ymateb i sylwadau Mr Buckland.

"Mae gyda ni ystod o opsiynau, ac mae gyda ni sefyllfa mae angen i ni fynd i'r afael â hi. Mae angen i bob cymuned allu defnyddio'r toolkit, os hoffech chi.

"Mae'n uchelgeisiol, mae'n ddewr, ond dyw e ddim yn llawdrwm."

Yn sgil yr "argyfwng" ail dai, mae Cymdeithas yr Iaith yn cynnal rali 'Nid yw Cymru ar Werth' ar y Maes.

Un o’r rheiny fu’n annerch y dorf oedd Cai Phillips o Geredigion, a siaradodd am yr heriau i bobl ifanc oedd yn ceisio prynu tŷ yn eu bro leol.

“Os bod perchnogion ail dai yn gadael oherwydd y trethiant uwch, gwynt teg ar eu hol nhw,” meddai.

Dywedodd Walis Wyn George, cyn-brif weithredwr Tai Eryri a Grŵp Cynefin, fod y camau diweddaraf i drethu ail dai ond am arafu’r twf, nid ei wyrdroi.

“Ni fydd hyn yn arwain at ostyngiad sylweddol yn y niferoedd, na chwaith mwy o dai i bobl leol,” meddai.

Mae'n cyd-fynd â chyhoeddiad Llywodraeth Cymru ddydd Iau am sefydlu comisiwn newydd i lunio argymhellion polisi i ddiogelu a chryfhau'r Gymraeg fel iaith gymunedol.

Tipyn o arbrawf ffrwydrol gyda TSE yn digwydd yn y Pentref Gwyddoniaeth a Thechnoleg...

Cyfle i Rhian ar un stondin gemwaith i gael hoe yn ystod prysurdeb amser cinio...

Dyw hi ddim yn haul i gyd ar y Maes... mae dal rhywfaint o fwd dan draed ond mae'n sych. Er, mae'r cymylau duon yn edrych braidd yn fygythiol!

Wrth drafod cyfraniad Kitchener Davies ym Mhabell y Cymdeithasau, dywedodd M Wynn Thomas ei bod hi’n "gywilydd" nad yw ei ddrama, Meini Gwagedd, yn cael ei pherfformio yn y Brifwyl eleni.

Mae'r ddrama yn "chwalu’r myth am y werin wledig," dywedodd, ac roedd Kitchener Davies yn enedigol o ardal Tregaron.

Cafodd sylw arbennig ei roi yn y ddarlith i gyfraniad Kitchener Davies yn sefydlu ysgolion Cymraeg yn y Rhondda hefyd.

Sgwrs rhwng Lewys Wyn, Gwyn Rosser, Mabli Gwynne a Tegwen Bruce-Deans yng Nghaffi Maes B.

Gwyn Rosser yn canu un o’i ganeuon cyn i un o linynnau’r gitâr dorri!