Cerdyn melyn i Chris Mephamwedi ei gyhoeddi 45+2 mun
Cerdyn melyn arall i Gymru - y tro hwn i Chris Mepham.
Un drosedd yn ormod gan amddiffynnwr canol Cymru, a bydd yn rhaid iddo fod yn ofalus trwy gydol yr ail hanner.
Crynodeb
Gêm agoriadol Cymru yng Nghwpan y Byd Qatar 2022
Tim Weah yn sgorio unig gôl yr hanner cyntaf i UDA
Gareth Bale yn sgorio o'r smotyn gyda 10 munud yn weddill
Bydd Cymru'n herio Iran ddydd Gwener, ac yna Lloegr nos Fawrth nesaf
Cerdyn melyn i Chris Mephamwedi ei gyhoeddi 45+2 mun
Yr ymateb i gôl UDA yn Neuadd Ogwenwedi ei gyhoeddi 19:48 Amser Safonol Greenwich 21 Tachwedd 2022
Torcalon i'r cefnogwyr yma ym Methesda!
Disgrifiad, Yr ymateb i gôl UDA yn Neuadd Ogwen
Diweddariadwedi ei gyhoeddi 45 mun
Cic gornel i Gymru ar ddiwedd yr hanner cyntaf - eu cyntaf o'r gêm.
Cymru sy'n cael pen iddi, ond dyw hi'n dod i ddim - cic gôl i UDA.
Cerdyn melyn i'r capten...wedi ei gyhoeddi 40 mun
I roi halen yn y briw ar bum munud gwael, mae'r capten Gareth Bale newydd gael y cerdyn melyn cyntaf i Gymru...
Ffynhonnell y llun, Getty Images'Rhaid dilyn y rhediad'wedi ei gyhoeddi 19:40 Amser Safonol Greenwich 21 Tachwedd 2022
Gwennan Harries
Cyn-ymosodwr Cymru ar S4CRhaid dilyn y rhediad yna. Mae 'na ormod o le i rhywun ar y safon yma. Gormod o amser.
Mae hwnna’n gôl siomedig iawn i ildio.
'Cymru unwaith eto, yn cysgu'wedi ei gyhoeddi 19:39 Amser Safonol Greenwich 21 Tachwedd 2022
Iwan Roberts
Cyn-ymosodwr Cymru ar BBC Radio Cymru'Dan ni'n rhy ara' deg, 'dan ni heb ddod i gyflymdra'r gêm.
Mae UDA yn haeddu bod ar y blaen achos 'dan ni wedi bod yn ofnadwy.
Gôl i UDA!wedi ei gyhoeddi 36 mun
Newydd dorriTorcalon i Gymru!
Tim Weah yn rhwydo wedi pas dda i'w lwybr gan Pulisic!
Mae'n deg dweud, roedd y gôl yn dod...
Ffynhonnell y llun, Getty ImagesUDA eisiau cerdyn melyn i Mephamwedi ei gyhoeddi 33 mun
mae cefnogwyr a chwaraewyr yr Unol Daleithiau yn galw am gerdyn melyn i Chris Mepham.
Fe aeth yr amddiffynnwr i mewn yn drwm ar Christian Pulisic, ond trosedd yn unig oedd hi yn ôl y dyfarnwr.
Efallai yn ffodus o ystyried bod UDA eisoes wedi cael dau gerdyn melyn!
Ble mae Bale?wedi ei gyhoeddi 19:35 Amser Safonol Greenwich 21 Tachwedd 2022
Kath Morgan
Cyn-gapten Cymru ar BBC Radio CymruOs y'n ni'n edrych ar gyfraniad Bale ar hyn o bryd, dyw e heb gyfrannu unrhyw beth.
Dyw Bale ddim yn medru cadw rheolaeth o'r bêl a dyw Dan James ddim yn gallu brwydro am y bêl.
Dim ond chwech neu saith chwaraewr ni'n gweld. Does dim gwasanaeth o'u blaen nhw, dyw nhw ddim yn gallu creu unrhyw beth.
Ffynhonnell y llun, Getty Images'Y Wal Goch yn cadw mwy o sŵn!'wedi ei gyhoeddi 19:33 Amser Safonol Greenwich 21 Tachwedd 2022
Iolo Cheung
Gohebydd BBC Cymru Fyw yn QatarMae’r awyrgylch ychydig yn nerfus yn y stadiwm, gyda’r UDA wedi dechrau’n gryfach.
Roedd yr eiliad ble bu bron iddyn nhw sgorio o flaen cefnogwyr Cymru’n sicr yn foment o bryder!
Ond mae’r Wal Goch yn cadw mwy o sŵn hyd yma - ‘USA, USA’ ydy unig gri y gwrthwynebwyr!
Hanner awr wedi mynd...wedi ei gyhoeddi 30 mun
Hanner awr ar y cloc, a'r UDA yn bendant fydd hapusaf hyd yma.
Maen nhw'n edrych yn fwy peryglus na Chymru, ac mae Cymru'n ei chael hi'n anodd cadw'r bêl yn hanner yr Americanwyr.
Ond mae un peth da - mae hi'n parhau'n ddi-sgôr!
Ffynhonnell y llun, Getty Images'Ni'n edrych fel tîm sydd heb brofiad'wedi ei gyhoeddi 19:27 Amser Safonol Greenwich 21 Tachwedd 2022
Kath Morgan
Cyn-gapten Cymru ar BBC Radio CymruBydd yn rhaid i Rob Page ymateb hanner amser i'r diffyg patrwm pasio ac ymosod, yn ôl Kath Morgan.
Mae'r tîm yn edrych yn ddi-brofiad, meddai.
Diweddariadwedi ei gyhoeddi 25 mun
Mae Cymru'n dechrau cael ychydig o'r bêl o'r diwedd, ond dydyn nhw ddim yn gallu gwneud unrhywbeth gyda hi.
Fyddai cael Kieffer Moore i fyny'r cae yn ei gwneud yn haws i gael mwy o'r bêl yn hanner y gwrthwynebwyr?
'Cymru methu cael unrhyw sylfaen'wedi ei gyhoeddi 19:25 Amser Safonol Greenwich 21 Tachwedd 2022
Gwennan Harries
Cyn-ymosodwr Cymru ar S4C“Mae Cymru methu cael unrhyw sylfaen yn y gêm yma - mae America yn ennill pob pêl.
"Ampadu yw’r unig un sy’n symud i greu gwagle. Rhaid i’r chwaraewyr eraill 'neud rhyw fath o symudiad“
Yma o Hyd gan gefnogwr Cymru yn Depot, Caerdydd!wedi ei gyhoeddi 19:22 Amser Safonol Greenwich 21 Tachwedd 2022
Disgrifiad, Yma o Hyd gan gefnogwr Cymru yn Depot, Caerdydd!
'Cymru'n dal heb setlo'wedi ei gyhoeddi 19:21 Amser Safonol Greenwich 21 Tachwedd 2022
Dylan Griffiths
Sylwebydd BBC Radio Cymru yn QatarMae Cymru'n dal i'w chael hi'n anodd i ddod o hyd i batrwm pasio yn ôl y sylwebydd Dylan Griffiths.
"Pan 'dan ni'n dechrau chwarae efo tempo uchel, 'dan ni'n dîm da, ond ar y funud dydy'r pasio ddim yn ddigon da," ychwanegodd Iwan Roberts.
Dau gerdyn melyn cynnar i UDAwedi ei gyhoeddi 16 mun
Mae Cymru'n dechrau cael mwy o argraff, er heb gael unrhyw gyfleoedd o bwys hyd yma.
Ond mae UDA wedi cael dau gerdyn melyn - Serginio Dest a Weston McKennie yn llyfr y dyfarnwr.
Ffynhonnell y llun, Getty Images
Ffynhonnell y llun, Getty ImagesArbediad da gan Hennessey!wedi ei gyhoeddi 10 mun
Cyfleoedd gwirioneddol cynta'r gêm i'r Unol Daleithiau!
Fe wnaeth Joe Rodon benio croesiad yn syth at ei golwr ei hun - ond yn ffodus i Gymru roedd hi'n syth at Wayne Hennessey!
Eiliadau'n unig yn ddiweddarach roedd cyfle arall o groesiad o'r ochr arall, ond fe wnaeth ergyd Josh Sargent daro ochr y rhwyd.
UDA sydd wedi rheoli'r 10 munud agoriadol!
Ffynhonnell y llun, Getty Images'Angen i'r chwaraewyr gael teimlad o'r bêl'wedi ei gyhoeddi 19:09 Amser Safonol Greenwich 21 Tachwedd 2022
Iwan Roberts
Cyn-ymosodwr Cymru ar BBC Radio CymruYchydig funudau wedi'r chwiban gyntaf ac mae'r sylwebydd Iwan Roberts yn teimlo bod angen ychydig o batrwm ar y chwaraewyr.
"Dwi'n meddwl os allwn ni gael rhyw feddiant, rhyw batrwm o basio, jyst i'r chwaraewyr gael teimlad o'r bêl.
Ond dywedodd nad yw'r chwaraewyr ifanc wedi ei siomi ar ddechrau'r gêm.
"Maen nhw'n dangos egni."
Ffynhonnell y llun, Getty ImagesYr anthem yn Neuadd Goffa Y Felinheli!wedi ei gyhoeddi 19:08 Amser Safonol Greenwich 21 Tachwedd 2022
Disgrifiad, Yr anthem yn Neuadd Goffa Y Felinheli!