Edrych yn ôl ar effaith Storm Éowyn wrth i wyntoedd o hyd at 93mya daro

Crynodeb

Rhybudd oren am wyntoedd cryfion mewn grym ar gyfer gogledd Cymru
Miloedd heb drydan yn y gogledd a rhannau o Bowys a Sir Gâr
Nifer o ysgolion ar gau yng Ngwynedd ac Ynys Môn
Cyfoeth Naturiol Cymru wedi cau nifer o ganolfannau ymwelwyr
Rhybudd i yrwyr fod yn ofalus wedi i nifer o goed ddisgyn
Mae rhybudd melyn am wynt hefyd mewn grym ar gyfer gweddill y wlad

Y diweddaraf yn fyw

Cau Pont Britannia i bob cerbydwedi ei gyhoeddi 11:04 Amser Safonol Greenwich
Newydd dorri
Traffig Cymru
Mae Traffig Cymru wedi cadarnhau fod Pont Britannia wedi cau i bob cerbyd erbyn hyn oherwydd y gwyntoedd cryfion.
Mae posib croesi ar Bont Menai ond mae disgwyl y bydd tagfeydd hir.
Disgrifiad o’r llun,
Pont Britannia
Coed wedi rhwystro ffyrdd yn ardal Rhuthunwedi ei gyhoeddi 10:58 Amser Safonol Greenwich
Ffynhonnell y llun, Lu M Williams
Disgrifiad o’r llun,
Mae'r A525 bellach yn glir i gerbydau
Mae sawl coeden wedi dod i lawr yn ardal Rhuthun fore Gwener, gan gynnwys yma ar yr A525 i gyfeiriad Llanfair, ac ar Ffordd Llanrhydd.
Mae'n ymddangos bod y ffordd i Lanfair bellach wedi ei chlirio ac mae modd i gerbydau basio.
Ffynhonnell y llun, Connor Edwards
Disgrifiad o’r llun,
Mae coeden yn rhwystro Ffordd Llanrhydd hefyd
Cyngor i yrwyr wedi i fwy o goed ddisgynwedi ei gyhoeddi 10:45 Amser Safonol Greenwich
X (Twitter gynt)
Ar gyfrif X mae Traffig Cymru ar gyfer y gogledd a'r canolbarth yn rhybuddio bod coed wedi disgyn ar y ffyrdd canlynol ac maen nhw'n annog gyrwyr i fod yn ofalus:
A470 Ganllwyd
A470 Aberhonddu-Llyswen
A487 Blaenplwyf-Llanfarian
A40 Trecastell-Halfway
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
Nid yw'r BBC yn gyfrifol am gynnwys safleoedd allanol
I osgoi neges twitter
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Nid yw'r BBC yn gyfrifol am gynnwys safleoedd allanol
Diwedd neges twitter
Rhybudd am rew yn y de a'r canolbarthwedi ei gyhoeddi 10:37 Amser Safonol Greenwich
Yn y cyfamser mae'r Swyddfa Dywydd wedi cyhoeddi rhybudd melyn am rew ar gyfer rhannau o'r canolbarth a'r de fore Sadwrn.
Fe fydd y rhybudd yn dod i rym am 03:00 ac yn dod i ben am 10:00.
Mae'r Swyddfa Dywydd yn rhybuddio y gallai pobl gael eu hanafu wrth lithro ar rew, ac mae 'na gyngor i gymryd gofal ar ffyrdd, palmentydd a llwybrau seiclo.
Fe fydd y rhybudd mewn grym yn siroedd Blaenau Gwent, Pen-y-bont ar Ogwr, Caerffili, Caerdydd, Caerfyrddin, Ceredigion, Merthyr Tudful, Mynwy, Castell-nedd Port Talbot, Casnewydd, Penfro, Powys, Rhondda Cynon Taf, Abertawe, Torfaen, Bro Morgannwg.
Clirio coeden rhwng Llangynnwr a Chapel Dewi yn Sir Gârwedi ei gyhoeddi 10:28 Amser Safonol Greenwich
Roedd y gwyntoedd ar eu cryfaf yng ngogledd Cymru ond mae yna wyntoedd cryfion hefyd wedi bod yn y de a'r canolbarth.
Y bore 'ma roedd gweithwyr Cyngor Sir Caerfyrddin wrthi'n ddiwyd yn clirio coeden oedd wedi disgyn rhwng Llangynnwr a Chapel Dewi.
5,000 heb drydan yn y gogledd a'r canolbarthwedi ei gyhoeddi 10:21 Amser Safonol Greenwich
Dywed cwmni Scottish Power bod 5,000 o gwsmeriaid heb drydan yn rhanbarth Manweb ar hyn o bryd - sef ardaloedd yn y gogledd a'r canolbarth ynghyd â rhannau o lannau Mersi a Sir Caer.
Dim trenau yn teithio i'r gorllewin o Abertawewedi ei gyhoeddi 10:12 Amser Safonol Greenwich
Newydd dorri
Dywed Trafnidiaeth Cymru nad oes trenau yn teithio o Abertawe i Harbwr Abergwaun, Doc Penfro nac i Aberdaugleddau.
Mae Network Rail wedi cyhoeddi nad oes yr un trên yn teithio i'r gorllewin o Abertawe gan bod coeden wedi disgyn ar y trac.
Gwyntoedd cryfion ym Mae Trearddurwedi ei gyhoeddi 10:00 Amser Safonol Greenwich
Roedd yr olygfa yn un wyllt ym Mae Trearddur bore 'ma wrth i'r gwynt hyrddio ar arfordir Ynys Môn.
Mae pob ysgol yn y sir ar gau heddiw er mwyn sicrhau diogelwch staff a disgyblion.
Disgrifiad,
Bae Trearddur fore Gwener
Nifer o goed wedi disgyn ar draws Cymruwedi ei gyhoeddi 09:52 Amser Safonol Greenwich
Does dim adroddiadau o ddifrod ond dywed swyddogion priffyrdd bod nifer o goed wedi disgyn ar draws Cymru ac maen nhw'n rhybuddio gyrwyr i fod yn ofalus.
Mae ffordd Biwmares - yr A545 ar gau i'r ddau gyfeiriad ar Ynys Môn.
Mae coeden ar y ffordd yn achosi trafferthion yn Sir Benfro ar y B4332 rhwng tafarn y Ffynnone Arms (Capel Newydd) a'r troad i Lechryd ond dywed y cyngor sir bod modd pasio gyda gofal.
Dywed Heddlu'r Gogledd eu bod yn delio gyda nifer o alwadau o ganlyniad i Storm Éowyn.
Yn y de mae 'na rybudd bod cryn dipyn o ddŵr ar gylchfan Coryton yng Nghaerdydd - Cyffordd 32 yr M4.
Ffynhonnell y llun, Gwr Glaw/BBC Weather Watchers
Disgrifiad o’r llun,
Yr Afon Taf ym Mhontcanna fore Gwener
Bysiau yn lle trenau mewn mannauwedi ei gyhoeddi 09:44 Amser Safonol Greenwich
Trafnidiaeth Cymru
Mae Trafnidiaeth Cymru wedi cadarnhau mai bysiau sydd yn cludo teithwyr sydd fel arfer yn teithio ar drenau Llinell Dyffryn Conwy a lein Canol Cymru.
Mae yna gyfyngiadau cyflymder o 50mya i drenau mewn sawl ardal yn ystod y dydd:
- Tan 15:00 rhwng Bodorgan a Chyffordd Llandudno;
- Tan 12:00 rhwng Caerfyrddin a Chydweli, a rhwng Castell-nedd ac Abertawe; a
- Than 08:00 rhwng Casnewydd a Llanwern.
Dywed y cwmnïau y bydd "bysiau wrth gefn mewn lleoliadau allweddol o amgylch y rhwydwaith os bydd tarfu ychwanegol".
Nifer o ganghennau ar rai ffyrddwedi ei gyhoeddi 09:29 Amser Safonol Greenwich
Mae dwy ysgol wedi cau yn Sir Ddinbych ddydd Gwener.
Yng Nglyndyfrdwy roedd cyflymder y gwynt yn 46 mya ar un adeg - a dyma'r olygfa yno ben bore.
Ffynhonnell y llun, BEZZA/BBC WEATHER WATCHERS
Cyflymder y gwynt hyd yma mewn rhannau o Gymruwedi ei gyhoeddi 09:20 Amser Safonol Greenwich
93 mya - Aberdaron
87 mya - Capel Curig
86 mya - Llyn Efyrnwy/Llanwddyn
75 mya - Mona
75 mya - Aberdaugleddau
74 mya - Y Fali
71 mya - Pen-bre yn Sir Gaerfyrddin
124 mya yw'r cyflymder uchaf sydd wedi cael ei gofnodi yng Nghymru a hynny yn Y Rhws ym Mro Morgannwg ym mis Hydref 1989.
Dim ond ceir a faniau dros Bont Britanniawedi ei gyhoeddi 09:11 Amser Safonol Greenwich
Dim ond ceir a faniau sydd bellach yn cael croesi Pont Britannia oherwydd y gwyntoedd cryfion.
Mae pob cerbyd arall yn cael eu cyfeirio at Bont y Borth.
Ffynhonnell y llun, Getty Images
Y diweddaraf o Ynys Môn wrth i holl ysgolion y sir gauwedi ei gyhoeddi 09:05 Amser Safonol Greenwich
Mae'n gohebydd Gareth Wyn Williams wedi treulio'r bore ar Ynys Môn wrth i ysgolion gau a nifer o ardaloedd golli eu cyflenwad trydan.
Disgrifiad,
Gareth Williams ar Ynys Môn
🚌 🚄 Rhybudd y gall teithwyr wynebu oedi a theithiau hwywedi ei gyhoeddi 08:56 Amser Safonol Greenwich
Mae cwmni Stena Line wedi cadarnhau bod teithiau fferi o Gaergybi i Ddulyn wedi eu canslo tan 13:45 brynhawn Gwener.
Mae Trafnidiaeth Cymru a Network Rail yn annog y cyhoedd "yn gryf" i wirio cyn teithio ar drên neu fws ddydd Gwener a dechrau'r penwythnos, gan rybuddio pobl i "ddisgwyl tarfu".
Fe allai newidiadau i wasanaethau wrth iddyn nhw ymateb i'r tywydd garw arwain at deithiau hirach na'r arfer.
Coeden wedi disgyn ym Mhenmonwedi ei gyhoeddi 08:52 Amser Safonol Greenwich
Yn Aberdaron mae'r gwynt wedi bod ar ei gryfaf hyd yma (93mya) ond mae gwyntoedd cryfion wedi bod mewn rhannau eraill o'r gogledd hefyd.
Dyma'r olygfa ym Mhenmon ar Ynys Môn bore 'ma.
Ffynhonnell y llun, Ani-Caul/Weather Watchers
Disgrifiad o’r llun,
Coeden wedi disgyn ym Mhenmon
Ysgolion ar gau yn Sir Ddinbychwedi ei gyhoeddi 08:48 Amser Safonol Greenwich
Cyngor Sir Ddinbych
Mae Cyngor Sir Ddinbych wedi cadarnhau bod ysgolion ar gau am resymau diogelwch.
Mae Ysgol Uwchradd Y Rhyl ac Ysgol Tir Morfa (safle Ffordd Grange) hefyd yn Y Rhyl ar gau.
Yn ogystal mae Ysgol Carrog ac Ysgol Gatholig Crist y Gair ar gau.
Y tywydd diweddaraf gan Robin Owain Jones, Radio Cymruwedi ei gyhoeddi 08:41 Amser Safonol Greenwich
Tywydd
"Yn ddiwrnod gwyntog iawn wrth i Storm Éowyn daro. Rhybudd oren am wyntoedd cryfion yn y gogledd - hyrddiadau o 93milltir yr awr wedi eu cofnodi yn Aberdaron, 88 milltir yr awr yng Nghapel Curig ac 86 milltir yr awr yn Llanwddyn.
"Problemau i deithwyr a thoriadau i gyflenwadau trydan yn debygol, a difrod i eiddo a pherygl i fywyd yn bosib - ac mae 'na rybudd melyn i weddill y wlad, gyda hyrddiadau o hyd at 70 milltir yr awr.
"Yn sych ar y cyfan, er y gall fod ambell gawod ynysig yn y gorllewin, a'r tymheredd uchaf yn unarddeg selsiws."
Rhybudd i beidio mynd yn agos i'r môrwedi ei gyhoeddi 08:37 Amser Safonol Greenwich
Mae'r RNLI wedi annog unrhyw un sy'n ymweld â'r arfordir dros y dyddiau nesaf i sicrhau eu bod yn cadw eu pellter o'r môr.
"Gall nerth y tonnau fod yn hynod beryglus," medd llefarydd.
Ffynhonnell y llun, Getty Images
'Cymuned glos' Botwnnog yn dod at ei gilyddwedi ei gyhoeddi 08:30 Amser Safonol Greenwich
BBC Radio Cymru
Gyda gwyntoedd o 93mya wedi'u cofnodi yn Aberdaron dros nos, mae hwb cynnes wedi cael ei drefnu ym mhentref Botwnnog. Dyma oedd gan y cynghorydd lleol, Gareth Williams i'w ddweud ar Dros Frecwast:
“Doedden ni ddim wedi rhagweld bydda 'na ddim trydan yn yr hwb bore 'ma. Yn anffodus mae trydan hanner pentref Botwnnog lle mae’r ysgol gynradd a’r hwb i ffwrdd.
"Mae rheolwr y ganolfan yma yn gweithio yn galed ac yn gwneud popeth fedra hi. Ond fe fydd yr hwb yn agored i unrhyw un – fe newn ni be fedrwn ni. Mi fydd yna fflasgiau dŵr poeth ar gael a dwi'n siŵr y ceith pobl hwyl yn cymdeithasu gyda'i gilydd.
“Mewn cymunedau gwledig megis Botwnnog ac Aberdaron pan mae 'na ddigwyddiadau fel yma chi yn sylweddoli pa mor glos mae’r gymuned go iawn. Mae 'na lawer yn dod at ei gilydd i helpu a gwneud be fedran nhw," ychwanegodd.