Tudur Hallam yn ennill Cadair Eisteddfod Genedlaethol Wrecsam 2025
Urddo i'r Orsedd yn 'anrhydedd enfawr a phrofiad anhygoel'
Gwyliwch gystadlu'r Pafiliwn yn ddi-dor
Mae llywydd nesaf y corff sy'n llywodraethu'r Eisteddfod Genedlaethol yn dweud nad yw am adael i straeon negyddol sy'n codi o gylch yr ŵyl a'r sefydliad danseilio'r holl waith caled sydd ynghlwm â'r brifwyl.
Dywed Nic Parry ei fod yn awyddus i'r Eisteddfod fod mor dryloyw â phosib, ond bod adegau'n codi pan nad yw'n bosib i rannu gwybodaeth.
Mwy yma.
Cafodd meddyg ifanc dipyn o sioc yr wythnos hon ar ôl iddo gipio gwobr goffa Osborne Roberts am ganu yn yr Eisteddfod.
Dim ond chwe blynedd yn ôl gychwynnodd Caleb Nicholas, o Sir Benfro, gael gwersi canu.
Bellach mae Caleb, 24, yn gweithio fel meddyg yng Ngholeg Brenhinol Morgannwg ac yn dweud bod canu yn "ddihangfa" iddo.
Nid oedd wedi rhagweld y byddai'n cyrraedd y gystadleuaeth - doedd ganddo ddim siwt yn barod, a doedd heb ofyn am ddiwrnod i ffwrdd o'r gwaith.
Darllenwch yr erthygl yn llawn yma.
Ffynhonnell y llun, Llun cyfrannyddCaleb a'i deulu
Emma Roberts
Ym Mhabell y Cymdeithasau ar hyn o bryd mae sgwrs yn cael ei chynnal am waith caplaniaid mewn carchardai.
Mae Emma Roberts yn gaplan gwirfoddol yng Ngharchar Abertawe. "Mae gan bawb dawelwch mewnol," meddai yn ystod y sesiwn.
Yn siarad hefyd mae’r actores Rhian Morgan, sydd wedi bod yn cysgodi Emma a'r gwaith.
Mae'r torfeydd yn gwneud y mwyaf o'r tywydd braf ar y Maes.
Roedd y gynulleidfa yma yn mwynhau perfformiad Mari Ha!, sef dawns gyfoes sy’n cyfuno'r Cadi Ha a'r Fari Lwyd gyda hen ddefodau ac arferion gwerin eraill Cymru.
Comisiwn ar y cyd gan Fenter Bro Morgannwg, Eisteddfod Genedlaethol Cymru a Gŵyl y Dyn Gwyrdd gyda chefnogaeth Cwmni Dawns Cenedlaethol Cymru yw'r cynhyrchiad.
Y perfformwyr yw Alex Marshall Parsons, Cêt Haf, Elan Elidyr ac Osian Meilir.
Ac yng Nghaffi Maes B, mae torf fawr yn gwylio'r awr gomedi gyda Siôn Owens yn cyflwyno Gethin Evans, Carwyn Blayney a Hywel Pitts
Yn wir, doedd dim mwy o le yng Nghaffi Maes B ar gyfer y digwyddiad poblogaidd.
Dyma Idris, sy'n mynychu ei Eisteddfod gyntaf un gyda'i dad a’i fam Geraint a Branwen Dafis.
Roedd Geraint yn rhan o banel am gemau fideo yn Sinemaes ddoe.
Maen nhw yma fel teulu heddiw i fwynhau’r Eisteddfod ac yn gobethio gallu gweld dipyn o Lwyfan y Maes cyn amser gwely Idris bach!
Mae Gwenan, Erin, Menna a Magi o Gaerfyrddin yn profi Eisteddfod gofiadwy.
Ar ôl ennill yn y Pafiliwn gyda Dawnswyr Talog yn gynharach yn yr wythnos, bu'r tair ym Maes B neithiwr i wylio Gwilym a oedd “yn bril, as per!”
Tra nad ydyn nhw wedi bod i ddinas Wrecsam ei hun, dywedon nhw fod y Maes yn “neis, mae’r layout yn dda ac yn gyfleus.”
Gwenan, Erin, Menna a Magi o Gaerfyrddin
Un o draddodiadau wythnos yr Eisteddfod ers degawdau yw cyhoeddi'r cylchgrawn dychanol LOL.
Cafodd y rhifyn cyntaf ei gyhoeddi 60 o flynyddoedd yn ôl, ac ar raglen Dros Ginio heddiw bu Robat Gruffudd, a sefydlodd LOL gyda'r diweddar Penri Jones yn hel atgofion.
"Roedd yna fwlch yna, o edrych yn ôl dwi yn credu byddai rhywun arall wedi dechrau cylchgrawn tebyg pe bai ni ddim.
"Be 'dyn ni wedi bod yn ei wneud yw danfon allan cylchlythyr bob Mehefin yn gofyn am gyfraniadau i ryw ddau ddwsin o bobl, ac maen nhw yn wych a'r cylchgrawn yn cyhoeddi ei hunan i ryw raddau."
Mae LOL wedi tynnu blewyn o drwyn sawl un dros y blynyddoedd, ac fe soniodd Robat fod y cyhoeddwyr wedi ceisio manteisio ar yr ymateb.
"Ro'n i yn aml iawn yn cael sylw da i'r cylchgrawn yn sgil y bygythiadau yma. Pan ddaeth pethau yn wael rhyngon ni a Alun Talfan, nes i logi clwb mwya' Abertawe y Townsman a cael yffach o sioe cabaret gyda Hywel Ffiaidd a Dewi Pws."
Gwrandewch ar y sgwrs isod.
Robat Gruffudd, un o sylfaenwyr y cylchgrawn dychan yn trafod y dyddiau cynnar
Mae cyn-enillydd prif wobrau llenyddol yr Eisteddfod Genedlaethol yn dweud fod angen newid trefn cyfarfodydd y corff llywodraethol, Llys yr Eisteddfod.
Dywedodd Dylan Iorwerth bod cyfarfod o'r llys ddydd Iau ar y maes yn "anfoddhaol", a bod angen ei gwneud hi'n "haws i aelodau cyffredin ddod â chynigion gerbron".
Mwy gan Garry Owen o Faes yr Eisteddfod yma.
A draw yn y Tŷ Gwerin, mae sawl un yn aros yn eiddgar i glywed sgwrs yn hel atgofion am Aled Lloyd Davies a’i gyfraniad i ddiwylliant Cymru.
Nic Parry fydd yn arwain y trafod.
Yn y Lle Celf mae torf yn gwylio sgwrs am adeilad newydd ecogyfeillgar Theatr Clwyd a fydd yn agor yr haf hwn. Mae swyddogion y theatr, y dylunydd Lois Prys a'r cogydd Bryn Williams yn rhan o'r panel.
Yn cadeirio mae Leusa Llewelyn.
Yn gynharach fe ofynnon ni'r cwestiwn yma ar y llif byw:
Ar y dyddiad yma yn 1973, pa fand wnaeth berfformio'n gyhoeddus am y tro cyntaf mewn noson Tafodau Tân ym Mhafiliwn Corwen?
A'r ateb? Edward H Dafis
Fe chwaraeodd y band gyda'i gilydd am y tro olaf ar Faes Eisteddfod Dinbych, 2013.
Mae mwy o gwestiynau yn ymwneud â'r dyddiad yn ein Cwis Dyddiol cyflym.
Mae Sion Peter Davies yn athro hanes yn Ysgol Uwchradd Morgan Llwyd, Wrecsam.
Meddai wrth Cymru Fyw: "Dwi’n falch iawn o fod yn rhan o’r orsedd yn fy ardal lleol gyda fy ffrindiau, fy nghariad - Mari ac ein ffrind newydd Gwyn!
"Mae wedi bod yn bleser cludo’r faner yn y Pafiliwn ac allan ar y maes, mae hefyd yn fy llenwi gyda balchder gweld gymaint o ddisgyblion a chyn-disgyblion Ysgol Morgan Llwyd o gwmpas y maes.
"Fy ngobaith nawr yw gweld yr iaith Gymraeg yn parhau i dyfu yn Wrecsam ac efallai disgyblion yr ysgol yn cymryd rhan yn yr orsedd y tro nesaf mae’r Eisteddfod yn Wrecsam!"
Mae'r Babell Lên yn llawn ar gyfer rownd derfynol Ymryson y Beirdd, Barddas.Twm Morus yw'r Meuryn, a bydd £200 a Thlws Rolant o Fôn yn cael ei chyflwyno i'r tîm buddugol.
Bydd y tlysau yma hefyd yn cael eu gwobrwyo:
Mae trydydd cit tîm pêl-droed Wrecsam wedi bod yn boblogaidd iawn yn yr Eisteddfod yn ôl Huw Birkhead, un o swyddogion y clwb.
Mae'r crys glas golau a gwyn yn dathlu cysylltiad Cymru â Phatagonia.
Dywedodd Huw fod yr Eisteddfod "wedi bod yn gyfle gwych i staff y clwb ddod draw i'r Maes a dysgu am y Gymraeg".
Fe soniodd Huw hefyd am ei falchder o fod yn gysylltiedig gyda'r clwb yr wythnos hon: "'Dyw hyn ddim yn digwydd yma pob blwyddyn.
"Mae cael cyfle i ddod at ein gilydd a dathlu Cymru a'r Gymraeg wedi bod yn arbennig."
Mae'n addo bod yn ddiwrnod prysur yn ardal Llwyfan y Maes. Anweledig fydd yn cloi'r arlwy yno heno.
Ar hyn o bryd mae Cor Ni yn diddanu'r dorf yn ystod amser cinio:
...ac roedd Cadi, Ania a Iago yn cael picnic wrth wrando.
Tra bo Ben a Cadi yn mwynhau crempog ar y Maes.
Ar y dyddiad yma yn 1973, pa fand wnaeth berfformio'n gyhoeddus am y tro cyntaf mewn noson Tafodau Tân ym Mhafiliwn Corwen?
Byddwn yn datgelu'r ateb ar y llif byw yn hwyrach, ond yn y cyfamser rhowch gynnig ar fwy o gwestiynau sy'n ymwneud â'r dyddiad yn ein Cwis Dyddiol cyflym!
Aleighcia Scott a Ffion Dafis
Mae criw BBC Radio Cymru mwynhau bore prysur arall yn crwydro'r Maes.
Fe ddywedodd y cerddor a chyflwynydd Aleighcia Scott wrth Ffion Dafis:
"Dwi'n teimlo fel bod dysgu Cymraeg wedi newid fy mywyd. Doeddwn i ddim yn gwybod sut oedd yn mynd i fod - wastad eisiau dysgu Cymraeg ond byth yn gwybod ble i ddechrau.
"Dwi mor hapus i siarad Cymraeg gyda pobl nawr, a'n gyffrous wybod mwy hefyd.
Nos yfory fe fydd Aleighcia yn perfformio ar Lwyfan y Maes gyda Morgan Elwy.
Gallwch wrando ar Radio Cymru yn fyw ar frig y dudalen hon.
Ffynhonnell y llun, Ffion DafisGerwyn, y tiwniwr piano sydd hefyd yn aelod o fand Swnami fu hefyd yn sgwrsio gyda Ffion Dafis ar y Maes
Bob dydd Gwener ers blynyddoedd lawer mae cyn-ddisgyblion Ysgol Uwchradd Tregaron yn dod at ei gilydd i hel atgofion ar Faes yr Eisteddfod.
Unwaith eto eleni mae criw mawr wedi cyfarfod ym Mhabell y Cymdeithasau.
Bu Cymru Fyw yn sgwrsio â rhai o aelodau newydd Gorsedd Cymru yn dilyn seremoni'r bore ar y Maes.
Roedd Maxine Hughes, Lili Jones, Dewi Llwyd a Stephen Owen Rule ar ben eu digon ar ôl cael eu anrhydeddu.
Mwy yma.
Mae gwella ôl troed carbon y Brifwyl a'r Maes yn her ond mae'r Eisteddfod yn cychwyn ar y gwaith eleni.
Y bwriad yw gosod safon newydd o ran cynaliadwyedd nid yn unig ar y Maes ond hefyd mewn gwyliau diwylliannol mawr eraill yng Nghymru.
Mwy gan Garry Owen yma.
