Oriel: Ras fynydd 'anoddaf yn y byd'

12 Medi 2021

Rhedwr ar Crib Goch — Disgrifiad o’r llun,
Enillydd y ras Simon Roberts - y Cymro cyntaf i fod yn fuddugol - yn canolbwyntio wrth groesi Crib Goch ar y diwrnod cyntaf

Rhedeg o Gonwy i Gaerdydd ar hyd mynyddoedd uchaf Cymru mewn chwe diwrnod gan ddringo dwywaith maint Everest - does ryfedd ei bod yn cael ei adnabod fel un o'r rasys mynydd caletaf yn y byd.

Eleni fe wnaeth 367 rhedwr ddechrau Ras Cefn y Ddraig a dim ond 91 oedd yn dal i gystadlu ar y diwrnod olaf, ar ddydd Sadwrn 11 Medi.

A does 'na ddim syndod chwaith gyda thirwedd a thywydd mor ddidrugaredd, fel mae'r oriel luniau yma yn dangos.

Cychwyn y ras yng nghastell Conwy — Disgrifiad o’r llun,
Castell Conwy oedd man cychwyn y ras wrth i 367 o redwyr o 24 gwlad wahanol ddechrau ar eu taith

Rhedwr yn dringo mynydd caregog ar y diwrnod cyntaf — Disgrifiad o’r llun,
Ar ôl gadael Conwy, roedd y rhedwyr yn teithio ar draws y Carneddau a'r Glyderau cyn mynd am Yr Wyddfa a'i chriw...

Rhedwr ar Crib Goch — Disgrifiad o’r llun,
Ond cyn yr Wyddfa roedd yn rhaid croesi Crib Goch

Rhedwr ar Crib Goch — Disgrifiad o’r llun,
Katie Mills, enillydd ras y merched, ar Crib Goch

Rhedwr wedi blino'n lan ar y diwrnod cyntaf — Disgrifiad o’r llun,
Roedd rhedeg yn y gwres yn anodd i'r cystadleuwyr

NO LIMITS — Disgrifiad o’r llun,
O Nant Gwynant i Ddolgellau oedd diwrnod dau: 59 cilomedr, a 3400m o ddringo, yn cynnwys Y Cnicht a'r Rhinogydd, gan gofio cael stamp i brofi bod y copaon wedi eu cyrraedd

Rhedwraig — Disgrifiad o’r llun,
Allan o'r 367 gychwynnodd dim ond 125 oedd dal yn y ras erbyn diwedd yr ail ddiwrnod. Un ohonyn nhw oedd Elaine Bison oedd ar y blaen yn ras y merched ar y pryd

Criw o redwyr yn cael sgwrs diogelwch cyn dechrau'r ras — Disgrifiad o’r llun,
Diwrnod tri, a chyfarwyddiadau yn cael eu rhoi cyn i'r rhedwyr gychwyn ben bore

Rhedwyr yn mynd lawr mynydd — Disgrifiad o’r llun,
Y sialens gyntaf ar ôl gadael Dolgellau oedd taclo Cadair Idris

Rhedwr yn nol bwyd a diod o siop — Disgrifiad o’r llun,
Cyfle hanner ffordd i gael bwyd a diod ym Machynlleth

Dau redwr ar ddiwrnod pedwar yn gadael y gwersyll lle mae'r cystadleuwyr yn aros dros nos — Disgrifiad o’r llun,
Diwrnod pedwar, a'r rhedwyr yn gadael y gwersyll lle roedden nhw'n aros dros nos

Rhedwr yn mynd lawr y bryn trwy'r glaw — Disgrifiad o’r llun,
Roedd 69 cilomedr o redeg drwy Ddyffryn Elan a chanolbarth Cymru ar ddiwrnod pedwar, a phawb yn falch o gymylau a glaw am y tro cyntaf ers gadael Conwy

Rhedwr yn yfed o afon — Disgrifiad o’r llun,
Ond doedd y glaw dim yn ddigon i rai...

Rhedwr yn edrych ar ei fap — Disgrifiad o’r llun,
Mae'n rhaid i'r rhedwyr, fel Lewis Burrowes, o'r Unol Daleithiau, ddefnyddio map a chwmpawd i fynd o un lleoliad i'r llall

Rhedwr yn y niwl diwrnod pump — Disgrifiad o’r llun,
Roedd angen sgiliau map gwych ar y pumed diwrnod

Simon Roberts yn gorffen y ras — Disgrifiad o’r llun,
Ar ôl chwe diwrnod o redeg, cyrraedd Castell Caerdydd o'r diwedd. Y Cymro Simon Roberts yn ennill y ras a Russell Bentley, o Flaenau Ffestiniog, yn ail

Simon Roberts gyda baner Cymru — Disgrifiad o’r llun,
Y ddraig ar gefn enillydd Cefn y Ddraig

Katie Mills a Simon Roberts gyda'u tlysau am ennill y ras — Disgrifiad o’r llun,
Simon Roberts yn dathlu gydag enillydd ras y merched Katie Mills, sy'n byw yng Nghanada

Hefyd o ddiddordeb:

Pynciau cysylltiedig

Chwaraeon