Swigod!wedi ei gyhoeddi 14:33
Eisteddfod Genedlaethol Cymru
Joseph o'r Fenni yn creu swigod
Crynodeb
Bydd y cystadlu yn dechrau am 10:00, yn cynnwys cystadlaethau i 12-16 oed a'r Rhuban Glas Offerynnol o dan 16 oed
Wedi'r cystadlu yn y Pafiliwn heddiw prif seremoni'r dydd yw defod Coroni'r bardd am 16:30
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol
Swigod!wedi ei gyhoeddi 14:33
Disgrifiad o’r llun, Bygwth diswyddo Gillwedi ei gyhoeddi 14:22
BBC Cymru FywMae arweinydd UKIP yng Nghymru yn wynebu cael ei ddiarddel oherwydd bod yn dal dwy swydd.
Penderfynodd Pwyllgor Gweithredol y blaid i gael gwared arno oni bai ei fod yn ymddiswyddo o un o'i swyddi etholedig.
Mae Mr Gill wedi cynrychioli Cymru yn Senedd Ewrop ers 2014, ac enillodd sedd yn y cynulliad yn etholiad mis Mai.
Cartref newydd i lyfrgell Llanidloeswedi ei gyhoeddi 14:16
Powys County TimesMae cyngor Llanidloes wedi penderfynu rhoi cartre’ newydd i'r llyfrgell lleol , dolen allanolyn Neuadd y Dre, gan sicrhau ei ddyfodol am o leiaf pum mlynedd, medd y County Times.
Roedd Cyngor Powys yn dweud pe na bai cynghorau cymuned yn gallu gwarantu 50% o gostau cynnal y gwasanaeth, yna'r opsiwn nesaf fyddai cau.
Mae dyfodol 11 o lyfrgelloedd y sir yn y fantol.
Picnic yn y glawwedi ei gyhoeddi 14:02
Eisteddfod Genedlaethol CymruEr gwaetha'r glaw, mae'r teulu Morton o Gefneithin yn mwynhau picnic ar y Maes, cyn rhuthro i gysgodi ym mhabell S4C i wylio sioe Cyw.
Disgrifiad o’r llun, Joio picnic yn y glaw
Darn o hanes lleolwedi ei gyhoeddi 13:48
Eisteddfod Genedlaethol CymruMae'r delyn deires gafodd ei roi'n wobr gan Arglwyddes Llanofer yn Eisteddfod 1848 yn cael ei harddangos yn y Lle Hanes heddiw ar y Maes, ond am heddiw'n unig.
Hefyd yn cael ei arddangos mae gwisg Thomas Gruffydd, telynor personol yr Arglwyddes.
Carcharu mam am droseddau rhywwedi ei gyhoeddi 13:44
BBC Cymru FywMae mam o Gaerdydd wedi cael ei charcharu am bum mlynedd am ffilmio fideos anweddus gyda'i mab oedd yn ei arddegau.
Roedd hi wedi ffilmio'r ddau yn cael rhyw ac wedi anfon y fideo ar ffôn symudol i berthynas agos.
Bydd enw'r fam i bedwar yn cael ei roi ar y gofrestr troseddwyr rhyw am oes.
Siarc yn llwyddo i ddiancwedi ei gyhoeddi 13:33
The Daily StarYn y diwedd ar ôl brwydro am awr bu'n rhaid iddynt adael i'r siarc Porbeagle fynd yn rhydd.
Enillwyr gwobrau llyfr y flwyddynwedi ei gyhoeddi 13:26
Eisteddfod Genedlaethol CymruMi fuodd Gruffydd Aled Williams, Caryl Lewis a Mererid Hopwood yn cynnal sesiwn drafod ac yn darllen darnau o'u cyfrolau oedd yn fuddugol yng Nghystadleuaeth Llyfr y Flwyddyn eleni yn y Lolfa Lên.
Cais am gynllun hydrowedi ei gyhoeddi 13:21
BBC Cymru FywMae'r cwmni sydd am godi cynllun ynni hydro yng Nglyn Rhonwy ger Llanberis wedi cyflwyno eu cais cynllunio i Gyngor Gwynedd.
Dywed y cwmni na fyddant yn defnyddio peilonau er mwyn cysylltu'r cyflenwad ynni gyda'r Grid Cenedlaethol.
Dywed y cwmni y byddai'r cynllun terfynol yn creu hyd at 30 o swyddi llawn amser.
Telyn yng nghefn y carwedi ei gyhoeddi 13:08
Eisteddfod Genedlaethol CymruUn o ddelweddau mwyaf nodweddiadol y Steddfod... llwytho telyn i gefn y car, ond nid Volvo estate tro yma!
Disgrifiad o’r llun, Arfon Gwilym yn nôl telyn deires ar ran ei wraig, y cerddor Sioned Webb
Oedi cyn dedfrydu John Arthur Joneswedi ei gyhoeddi 13:02
BBC Cymru FywFe fydd cyn gynghorydd sir ar Ynys Môn, John Arthur Jones, yn cael ei ddedfrydu ym mis Medi.
Ym mis Mehefin fe wnaeth llys benderfynu fod Jones 66 oed o Fodffordd yn euog o ddisgleirio golau ar awyrennau'r Awyrlu.
Heddiw penderfynodd barnwr yn Llys y Goron Caernarfon fod yna resymau meddygol dilys i oedi cyn ei ddedfrydu.
Disgrifiad o’r llun, John Arthur Jones
Wrecsam wedi eu rhifowedi ei gyhoeddi 12:49 Amser Safonol Greenwich+1 1 Awst 2016
FacebookMae Clwb Pêl-droed Wrecsam newydd gyhoeddi pa rifau fydd ar gefnau'r garfan ar gyfer y tymor newydd. Bydd y Dreigiau yn dechrau eu hymgyrch yng Nghynghrair Genedlaethol Vanarama yn erbyn Dover ar y Cae Ras y Sadwrn nesaf.
Ffynhonnell y llun, CPD WrecsamA oes heddwch?wedi ei gyhoeddi 12:38 Amser Safonol Greenwich+1 1 Awst 2016
Eisteddfod Genedlaethol CymruWrth agor yr Orsedd yn swyddogol, yn y seremoni sy'n cael ei chynnal yn Y Babell Lên oherwydd y glaw, fe ddywedodd yr Archdderwydd Geraint Llifon, ar nodyn ysgafn: "Mae 'na bafiliwn newydd del, ac mae 'na Archdderwydd newydd, delach!"
Ac ar nodyn mwy difrifol, wrth i'r gynulleidfa godi ei llais i floeddio "Heddwch", fe ddywedodd, "mae cymaint o ryfeloedd yn y byd, mae eisiau i bobl o ben draw'r byd glywed be sy' gan y Fenni i'w ddweud."
Disgrifiad o’r llun, Yr Archdderwydd Geraint Llifon yn agor yr Orsedd yn swyddogol fore Llun
Miliwn o siaradwyr: 'Angen mynd tu hwnt i'r Eisteddfod'wedi ei gyhoeddi 12:17 Amser Safonol Greenwich+1 1 Awst 2016
BBC Cymru FywMae Gweinidog Llywodraeth Cymru â chyfrifoldeb dros y Gymraeg, Alun Davies, ar y maes heddiw ar gyfer lansiad ymgyrch miliwn o siaradwyr Cymraeg erbyn 2050.
Ond mae'n bwysig nad Eisteddfodwyr yn unig sy'n clywed y neges, meddai.
"Er ein bod ni'n ei lansio yn yr Eisteddfod, dydyn ni ddim jyst yn siarad â Cymry Cymraeg," meddai Alun Davies.
"Gormod o weithiau yn ystod y blynyddoedd diwethaf rydyn ni fel Cymry wedi bod yn siarad gyda'n gilydd am y Gymraeg. Mae hyn yn fater o siarad gyda'r genedl yn ei gyfanrwydd."
Cais i godi ysgol Gymraegwedi ei gyhoeddi 11:57
Cyngor Sir PenfroMae'r cynlluniau ar gyfer dwy ysgol newydd, gan gynnwys ysgol cyfrwng Cymraeg, wedi eu cyflwyno i Gyngor Sir Penfro.
Bydd yr ysgol Gymraeg newydd yn Hwlffordd yn darparu ar gyfer disgyblion rhwng 3-16 oed.
Mae cynlluniau hefyd ar gyfer ysgol gynradd newydd yn Hundleton yn ne'r sir.
Ble mae'r Maes?wedi ei gyhoeddi 11:51
BBC Cymru FywYdych chi ar fin pwyntio'r car i gyfeiriad Y Fenni? Awydd gwybod sut i gyrraedd y Maes? Dyma i chi fideo i'ch helpu rhag ofn i'r satnav 'na eich anfon chi ar gyfeiliorn!
Disgrifiad, Bro'r Eisteddfod
Problem trenau gorlawnwedi ei gyhoeddi 11:47
Wales OnlineYn ôl WalesOnline mae trenau gorlawn yn fwy o broblem yn ne Cymru nag yn y rhan fwyaf o lefydd eraill y tu allan i Lundain., dolen allanol
Yn ôl data'r Adran Drafnidiaeth, roedd teithwyr yn gorfod sefyll ar ddwy ran o bump o wasanaethau oedd yn cyrraedd Caerdydd rhwng 08:00 a 09:00 yn 2015.
Wedi colli beth??!wedi ei gyhoeddi 11:33
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitterBeth yw'r Orsedd?wedi ei gyhoeddi 11:29
Eisteddfod Genedlaethol CymruFalle bod 'na rai ohonoch chi sy'n anghyfarwydd a'r Steddfod a'r criw o bobl mewn gwisgoedd amryliw. Pam? Pwy ydyn nhw? Gadewch i Aneirin Karadog geisio esbonio!
Disgrifiad, Beth yw'r Orsedd? Aneirin Karadog sy'n esbonio
Gefn llwyfan.....wedi ei gyhoeddi 11:19
Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.Nid yw'r BBC yn gyfrifol am gynnwys safleoedd allanolI osgoi neges twitterNid yw'r BBC yn gyfrifol am gynnwys safleoedd allanolCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges twitter