Shropshire Star

Yn ôl y Shropshire Star, mae cwmni peirianyddol Control Techniques, sy'n cyflogi tua 360 o bobl yn ei bencadlys yn y Drenewydd, wedi ei werthu. 

Cwmni Nidec Corporation o Japan sydd wedi prynu Control Techniques, a'i chwaer gwmni Leroy-Somer o Ffrainc.

Daily Post

Mae gan y Daily Post fideo o'r foment pan ddechreuodd eisteddfodwyr gyd-ganu ar un o fysus gwennol y Brifwyl, dolen allanol.

Ar ôl efelychu'r clapio a welwyd gan gefnogwyr Glwad yr Iâ yn Euro 2016 mae'r teithwyr yn rhoi perfformiad o Calon Lân ar eu ffordd 'nôl i'r maes carafanau. 

Eisteddfod Genedlaethol Cymru

Dawnswyr Gwerin Pen-y-bont yn crwydro'r maes cyn perffomio y prynhawn 'ma.

Eisteddfod Genedlaethol Cymru

Mae un o gystadleuwyr hynaf yr Eisteddfod, Helena Jones o Aberhonddu, newydd fod ar y llwyfan yn y gystadleuaeth llefaru unigol dros 16 oed.

Mae Helena'n dathlu ei phen-blwydd yn 100 fis nesaf, ac mae hi wedi bod yn cystadlu ers yn bedair oed.

Dysgodd yr iaith yn Sefydliad y Merched yn Aberhonddu cyn gwneud arholiad yn y Gymraeg tua saith mlynedd yn ôl.

"Ond nid oes llawer o siawns i siarad Cymraeg ac os nad ydw i yn siarad Cymraeg dwi'n colli fe. Mae'r eisteddfodau wedi helpu fi llawer i ddysgu Cymraeg." 

Cyngor Abertawe

Dywed Cyngor Abertawe y bydd Sgwâr y Castell yng nghanol y ddinas yn cael ei drawsnewid i barth cefnogwyr yn y ystod y Gemau Olympaidd.

Yn ôl llefarydd fe fydd gwair artiffisial yn cael ei osod dros ran o'r sgwâr, a bydd cadeiriau haul yn cael eu rhoi yno er mwyn i bobl gael mwynhau'r cystadlu.

Eisteddfod Genedlaethol Cymru

Os ydych chi ar y Maes heddiw neu 'fory, mae Cwmni Theatr Bara Caws yn perfformio eu drama Ga'i Fod, am griw o bobl sydd yn cyfarfod un penwythnos i fyw fel anifeiliaid y goedwig.

Bydd y sioe'n cael ei pherfformmio yng Nghae'r Castell, tu ôl y Sinemaes heddiw am 17:00 a fory am 13:00 a 17:00.

Golwg 360

Bydd criw o artistiaid o fyd y theatr yn mynd ati i sgrifennu a chynhyrchu drama newydd sbon dros nos heno , dolen allanolyn yr Eisteddfod Genedlaethol, meddai Golwg360.

Bydd gan y criw o Gwmni Frân Wen 20 awr i ddatblygu syniad a fydd wedi ei ddewis o blith syniadau sydd wedi eu postio i flwch yn y Pentref Drama ar y Maes. Bydd yn cael ei berfformio ddydd Gwener.

Eisteddfod Genedlaethol Cymru

Yn y Sinemaes heddiw cafodd fersiwn newydd o ffilm hanesyddol Y Chwarelwr ei dangos.

Cafodd y fersiwn gwreiddiol ei chynhyrchu yn 1935 gan Syr Ifan ab Owen Edwards.

Roedd y ffilm yn cael ei ddangos mewn cymunedau dros Gymru yn y cyfnod fel rhan o sinema deithiol yr Urdd.

BBC Cymru Fyw

Wedi cyflwyniad yn y Pagoda y bore 'ma cafodd y Fedal Wyddoniaeth a Thechnoleg ei chyflwyno ar lwyfan y Pafiliwn i Guto Roberts o Lantrisant.

Mae Mr Roberts yn gyn athro Ffiseg ym Mhrifysgol Morgannwg, yn gyd-sefydlydd Cymdeithas Wyddonol Aberystwyth ac wedi bod yn ymwneud â Gwyddoniaeth a Thechnoleg yn yr Eisteddfod Genedlaethol ers 1971, pan drefnwyd y babell gyntaf ar y Maes.

BBC Wales News

Mae pobl sy'n gwrthwynebu gosod gwifrau trydan mewn ardal wledig yn Siroedd Ddinbych a Chonwy yn bwriadu herio'r penderfyniad yn y llysoedd, medd BBC Wales News.

Y bwriad yw codi 10.5 milltir o wifrau er mwyn cysylltu dwy fferm wynt yng nghoedwig Clocaenog gydag is-orsaf Glascoed, ger Llanelwy.

Cafodd y cynlluniau sêl bendith yr Ysgrifennydd Ynni yr wythnos diwethaf, ond dywed gwrthwynebwyr y bydd y datblygiad yn niweidio’r diwydiant amaeth ac yn hagru'r ardal.

BBC Cymru Fyw

Mae dyn o Gaerdydd wedi ei garcharu am 10 mlynedd am geisio treisio dynes ifanc dair blynedd yn ôl.

Cafodd Stanislav Demater, 40, ei ddal wedi profion DNA ar ôl i swyddogion ei weld yn ymddwyn yn amheus yng nghanol y ddinas.

Ffynhonnell y llun, Heddlu De Cymru

Eisteddfod Genedlaethol Cymru

Mae enillydd Gwobr Goffa Daniel Owen, Guto Dafydd, wedi bod yn cael ei holi gan Gerwyn Williams yn y Babell Lên ac yn trafod ac yn darllen darnau o'i nofel fuddugol, 'Ymbelydredd'.

Ffynhonnell y llun, bbc

BBC Wales News

Mae gwesty yn Sir Ddinbych wedi ei gau gan ddiswyddo 30 o bobl a chanslo pob achlysur oedd wedi ei drefnu yno, gan gynnwys priodasau. 

Dywed BBC Wales News fod gwesty'r Wild Pheasant yn Llangollen wedi ei roi yn nwylo'r gweinyddwyr "oherwydd pryderon am iechyd a diogelwch". 

Ffynhonnell y llun, JOSIE CAMPBELL | GEOGRAPH

Eisteddfod Genedlaethol Cymru

Roedd 'na drafodaeth am Roald Dahl ar y maes y bore ‘ma, a’i berthynas gyda Chymru. 

Yn siarad oedd Angharad Tomos, Bethan Gwanas, Siwan Rosser o Brifysgol Caerdydd a Tomos Owen o Brifysgol Bangor

BBC Cymru Fyw

Mae arddangosfa sy'n olrhain hanes gwrthwynebwyr cydwybodol o Gymru yn y Rhyfel Byd Cyntaf wedi ei lansio ar Faes yr Eisteddfod cyn iddi ddechrau ar daith ar draws Cymru.

Bydd yr arddangosfa yn gwahodd pobl i rannu hanesion cudd y rhai hynny sydd wedi ymgyrchu yn erbyn rhyfel yn ystod y 100 mlynedd diwethaf, a bydd cofrestr o enwau'r gwrthwynebwyr cydwybodol yn cael ei chreu.

Ffynhonnell y llun, Amgueddfa Carchar Dartmoor

BBC Cymru Fyw

Mae cwest wedi ei agor a'i ohirio i fachgen pedair oed fu farw ar ôl tân yn ei gartre yn Alltwen, Pontardawe. 

Bu farw Jac Evan Davies yn oriau man 27 Gorffennaf, ond llwyddodd ei fam Jenny, 28, a'i phlant eraill, babi 11 mis, Riley, tair oed, a Kelsey, chwech oed, i ddianc.

Cymdeithas Bêl-droed Cymru

Mae'r Gymdeithas Bêl-droed wedi cyhoeddi carfan merched Cymru i wynebu Gweirniaeth Iwerddon mewn gêm gyfeillgar ar 19 Awst yn Rodney Parade.

Mae Jess Fishlock, Natashia Harding a Sophioe Ingle ymhlith y garfan - mae rhestr llawn ar wefan y Gymdeithas Bêl-droed., dolen allanol

Eisteddfod Genedlaethol Cymru

Mae aelodau o Gwmni Opera Cymru wedi bod yn cynnal gweithdai i'r cyhoedd yn y Cwt Drama bore 'ma.

Y wers gyntaf? Twymo'r llais.