Mae'r cystadlu yn y Pafiliwn yn dechrau am 10:00, ac yn cynnwys dawnsio step unigol i ferched a bechgyn dros 16 oed
Prif seremoni'r dydd yw seremoni'r Fedal Ddrama am 17:00
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol
Eisteddfod Genedlaethol Cymru
Cafodd enillydd gwobr Dysgwr y Flwyddyn ei chyflwyno ar lwyfan y Pafiliwn yn yr Eisteddfod toc wedi 12:00 heddiw wedi iddi gael ei hanrhydeddu mewn seremoni arbennig nos Fercher.
Roedd hi'n gystadleuaeth o safon arbennig o uchel, meddai'r trefnwyr, ond Hannah Roberts o Frynmawr, sy'n gweithio i Fenter Iaith Blaenau Gwent, Torfaen a Mynwy, aeth â hi eleni.
Ffynhonnell y llun, bbcEisteddfod Genedlaethol Cymru
Mae 'na ddipyn o dynnu coes - neu droed - yn digwydd ar lwyfan y Pafiliwn bore 'ma.
Cafodd Bethan Elin Wyn Owen - a orffenodd yn drydydd yng nghystadleuaeth Llefaru Unigol Agored - sioc ar ôl i Nic Parry dynnu sylw'r gynulleidfa at datŵ newydd ar ei throed a gafodd hi ar ymweliad diweddar â Magaluf!
Aled Hughes
BBC Radio Cymru
Mae Aled Hughes wedi bod yn ail-fyw wythnosau euraid Euro 2016 gyda'r sylwebydd Nic Parry ar Radio Cymru.
Nic sy'n arwain y cystadlu ar lwyfan y Pafiliwn yn yr Eisteddfod Genedlaethol heddiw.
BBC Cymru Fyw
Mae dyn 28 oed o Surrey wedi pledio'n ddieuog i ddau gyhuddiad o achosi marwolaeth drwy yrru'n ddiofal yn dilyn gwrthdrawiad angheuol rhwng car a beic modur yn Nyffryn Conwy y llynedd.
Bu farw Stephen Probert, 56, a'i bartner Joanne Wynder, 40, o Fae Colwyn yn dilyn y gwrthdrawiad ar yr A470 ym Metws y Coed.
The Leader
Mae Cyngor Cymuned Coedpoeth wedi talu £250 ar eBay am gadair o Eisteddfod Coedpoeth yn 1879,, dolen allanol meddai'r Leader.
Cafodd y gadair ei hennill gan JT Gabriel, arweinydd côr a chyfansoddwr o ardal Wrecsam, a bydd nawr yn cael ei harddangos yn y llyfrgell leol.
Eisteddfod Genedlaethol Cymru
Ar ôl i gerflun pren, plaen ymddangos ar y maes ddechrau'r wythnos, mae wedi dod yn amlwg taw prosiect celf i greu delwedd lliwgar o'r Arglwyddes Llanofer, neu Gwenynen Gwent yw hwn.
Os hoffech chi gyfrannu at ychwanegu lliw i'r cerflun mae cyfle i chi wneud tan ddiwedd yr Eisteddfod.
BBC Sport
Mae clwb pêl-droed Abertawe'n agosáu at arwyddo ymosodwr Sevilla Fernando Llorente meddai BBC Sport.
Mae gan y chwaraewr 31 oed ddwy flynedd i fynd ar ei gytundeb yn Sbaen.
Mae disgwyl i gadeirydd Abertawe Huw Jenkins gyhoeddi o leiaf un aelod newydd i'r clwb "yn y dyddiau nesaf".
Ffynhonnell y llun, Getty ImagesBBC Cymru Fyw
Mae'r Eglwys yng Nghymru i gynnal arolwg o rôl a chyfrifoldebau Archesgob Cymru.
Daw'r adolygiad yn dilyn cais gan yr Archesgob Dr Barry Morgan i Gorff Llywodraethol yr Eglwys y llynedd.
Fe fydd y grŵp arolygu, fydd yn adrodd yn ôl erbyn y Pasg y flwyddyn nesaf, yn cynnwys pobl o bob un o chwe esgobaeth yr Eglwys.
The Leader
Mae dyn o Sir y Fflint wedi ei gael yn euog o ymddygiad hiliol ar ôl gweiddi ar gefnogwyr gwlad Pwyl , dolen allanolyn Shotton yn ystod cystadleuaeth Euro 2016, meddai'r Leader.
Eisteddfod Genedlaethol Cymru
Mae hi'n dechrau prysuro ar y Maes erbyn hyn ac mae'r cystadlu wedi cychwyn, cliciwch uwchben i wylio'n fyw o'r pafiliwn.
Daily Post
Mae'r Daily Post yn dweud y gallai Gyngor Conwy gael eu gorfodi i dalu dirwyon parcio yn ôl i hyd at 400 o bobl, ar ôl i ddyn sydd â thrwydded parcio i'r anabl ennill apêl yn erbyn dirwy, dolen allanol.
Golwg 360
Mae Golwg360 yn adrodd fod dros 18,000 o ymwelwyr wedi dod i Eisteddfod Genedlaethol y Fenni ddydd Mercher, dolen allanol, sy'n gynnydd bach ers yr un diwrnod yn Meifod llynedd.
Post Cyntaf
BBC Radio Cymru
Mae Comisiynydd y Gymraeg wedi galw ar Lywodraeth Cymru i bwyso ar awdurdodau lleol i ateb y galw am addysg cyfrwng Cymraeg.
Mewn cyfweliad ar raglen y Post Cyntaf ar BBC Radio Cymru, dywedodd Meri Huws bod angen i awdurdodau lleol fesur y galw am addysg Gymraeg yn effeithiol.
"Da ni'n clywed ar draws Cymru, galw am addysg cyfrwng Cymraeg sydd ddim yn cael ei ateb ac mae yna gyfrifoldeb ar awdurdodau lleol i wireddu'r hyn sydd angen a dwi yn credu bod 'na gyfrifoldeb ar Lywodraeth Cymru i sicrhau bod awdurdod lleol yn gwneud hynny."
Eisteddfod Genedlaethol Cymru
Bydd Taro'r Post yn fyw o'r Maes eto heddiw am 13:00, ac mae'r gwaith o baratoi'r rhaglen wedi cychwyn yn gynnar i'r tîm.
BBC Cymru Fyw
Mae Medal Wyddoniaeth a Thechnoleg Eisteddfod Genedlaethol Sir Fynwy a'r Cyffiniau wedi ei chyflwyno i Guto Roberts o Lantrisant, Rhondda Cynon Taf, am ei gyfraniad hyd-oes i wyddoniaeth drwy gyfrwng y Gymraeg.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod Genedlaethol Cymru
Ar ôl cyhoeddi enillwyr Brwydr y Bandiau 2016, Lisa Gwilym oedd yno i gael ymateb y band buddugol, Chroma.
Sgwrs gydag enillwyr Brwydr y Bandiau 2016
Eisteddfod Genedlaethol Cymru
Enillwyr Brwydr y Bandiau 2016 yw Chroma o Bontypridd.
Neithiwr ar lwyfan y Maes, wnaeth y band ennill £1000, Sesiwn C2, gig ar lwyfan Maes B a'r cyfle i ymddangos ar Ochr 1 ar S4C.
Gafodd y gystadleuaeth ei chynnal ar y cyd gan Radio Cymru, Maes B a Mentrau Iaith Cymru.
Cân fyw gan enillwyr Brwydr y Bandiau 2016
BBC Wales News
Bydd angen bod yn "ddiplomataidd" i helpu dynes o Abertawe i ddychwelyd yn ôl i Gymru o Saudi Arabia, yn ôl cyfarwyddwr elusen.
Ddoe, fe wnaeth barnwr ddweud y dylai Mohammad Al-Jeffery adael i'w ferch, Amina, adael Saudi Arabia os yw hi'n dymuno.
Mae Amina, 21, yn dweud bod ei thad wedi ei chadw dan glo yn y wlad, rhywbeth mae Mr Al-Jeffery yn ei wadu.
Y Gemau Olympaidd
A chyn yr ornest yna, Rhodri Llywelyn sy'n asesu gobeithion Cordina yn Rio.
Gemau Olympaidd: Rhodri Llewelyn yn Rio