Mae'r cystadlu yn y Pafiliwn yn dechrau am 10:00 ac yn para' tan yn hwyr heno
Prif seremoni'r dydd yw defod Cadeirio'r Bardd am 16:30
Tro'r Corau Cymysg, Cerdd Dant ac Alaw Werin fydd hi yn ystod y sesiwn hwyr
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol
BBC Cymru Fyw
A dyna ni o faes yr Eisteddfod am ddiwrnod arall ond cofiwch bod y cystadlu yn y Pafiliwn yn parhau heno a bydd modd dilyn y cyfan ar y wefan.
Bydd mwy o straeon o'r maes ar ein gwefan drwy'r dydd yfory hefyd, ond am y tro, hwyl fawr.
Golwg 360
Ar ôl treulio wythnos yn Y Fenni yn ymweld ac yn gohebu o’r Eisteddfod Genedlaethol, mae Prif Olygydd Celfyddydau’r BBC am weld y Brifwyl yn mynd i Lundain, meddai Golwg 360., dolen allanol
Ffynhonnell y llun, bbcWill Gompertz yn trafod gyda Huw Edwards yn gynharach yn yr wythnos
Eisteddfod Genedlaethol Cymru
Yr haul wedi disgleirio ar y Maes y prynhawn 'ma, a Miriam o Drefor a Dafydd o Fryncir wedi mwynhau'n fawr yn ôl yr olwg.
Eisteddfod Genedlaethol Cymru
Huw Chiswell yw'r prif atyniad ar lwyfan y Maes heno, bydd 'Y Cwm' a'i glasuron eraill i gyd i'w clywed o 20:00 ymlaen.
Huw Chiswell (dde) yn gynharach
Tywydd, BBC Cymru
Mae yna noson braf o'n blaenau er y bydd yn troi'n oerach dros nos.
Bydd yn ddiwrnod hyfryd 'fory ac yn sych i ni gyd. Nos sadwrn fe fydd yna ychydig o law ond bydd yn troi'n sych ac yn braf ddydd Sul, er yn fwy gwyntog.
Ewch i'r wefan dywydd am ragolygon pellach.
Eisteddfod Genedlaethol Cymru
Pwy enillodd yr Unawd Mezzo-Soprano/Contralto/Gwrth-denor dros 25, y Parti Alaw Werin a'r Rhuban Glas Offerynnol dros 19 oed?
Gyda'r cystadlu am y dydd wedi dod i ben gallwch weld canlyniadau a chlipiau enillwyr heddiw i gyd cyn diwedd y dydd ar ein tudalen ganlyniadau.
Mae holl ganlyniadau'r wythnos i'w gweld yma.
Ffynhonnell y llun, bbcEisteddfod Genedlaethol Cymru
Gadawodd Aneirin Karadog y Pafiliwn i gymeradwyaeth eisteddfodwyr gyda rhai yn gweiddi "hen bryd!" i ddileit y bardd buddugol.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
"Beth sy'n gyffredin rhwng pob un o enillwyr yr Eistedfod Genedlaethol eleni?" gofynnodd yr Archdderwydd Geraint Llifon o lwyfan y Pafiliwn.
"Pobl ifanc ydyn nhw i gyd" meddai "ac mae'n dyfodol ni'n saff yn eu dwylo nhw".
Eisteddfod Genedlaethol Cymru
Daw Merched y Ddawns Flodau yn Seremoni'r Cadeirio yn Eisteddfod o ysgolion cynradd Cantref, Dewstow, Ifor Hael, Y Ffin ac Ysgol Gymraeg Y Fenni.
Rebeca Rhydderch-Price, cyn-ddisgybl yn Ysgol Gyfun Gwynllyw, yw Morwyn y Fro yn Seremoni Cadeirio'r Bardd yn yr Eisteddfod. Hi sy'n cyflwyno'r Flodeuged i'r Bardd Cadeiriol, sef ysgub fach o "flodau tir a daear Cymru".
Catrin Wood, Mam y Fro, sy'n cludo'r Corn Hirlas a Morynion y Llys yw Elinor Edwards ac Angharad Morley. Alexander Hemington a Ieuan David Merchant yw Macwyaid y Llys.
Ffynhonnell y llun, bbcEisteddfod Genedlaethol Cymru
Aneirin Karadog o Bontyberem yw enillydd Cadair Eisteddfod Sir Fynwy a'r Cyffiniau 2016.
Cafodd y gadair ei chyflwyno am ddilyniant o gerddi mewn cynghanedd gyflawn hyd at 250 o linellau dan y teitl 'Ffiniau'.
Eisteddfod Genedlaethol Cymru
Mae'r bardd buddugol ar ei draed.
Ffynhonnell y llun, bbcEisteddfod Genedlaethol Cymru
'Tad Diymadferth?' yw enillydd y Gadair yn Eisteddfod Genedlaethol Sir Fynwy.
Er mai Siac oedd "cynganeddwr gorau'r gystadleuaeth" am ei gerdd am daith lenyddol i Mwmbai roedd cerdd Tad Diymadferth? yn rhoi "llwyfan i rai o ofnau dyfnaf unrhyw riant. Cerdd sy'n gnweud inni feddwl a'n hannog i gyd i beidio a bod yn ddiymadferth," meddai Tudur Dylan Jones o'r llwyfan.
Eisteddfod Genedlaethol Cymru
Naw bardd wedi ymgeisio am y Gadair eleni meddai Tudur Dylan Jones, a'r beirniaid "yn rhyfeddol agos at ei gilydd o ran trefn y naw".
Mae dau wedi eu diystyru am "fethu a llwyddo i greu cerddi mewn cynghanedd gyflawn".
Ffynhonnell y llun, bbcEisteddfod Genedlaethol Cymru
Y Prifardd a'r Athro Tudur Dylan Jones sy'n traddodi'r feirniadaeth ar ran ei gyd-feirniaid Meirion MacIntyre Hughes a Cathryn A Charnell-White.
Fe enillodd Tudur Dylan y Gadair ddwywaith, yn 1995 a 2005, a'r Goron yn 2007.
Eisteddfod Genedlaethol Cymru
Mae'r Gadair yn cael ei rhoi eleni er cof am y Prifardd a'r Cyn Archdderwydd Dic Jones a enillodd y Gadair yn Eisteddfod Aberafan am ei awdl ‘Y Cynhaeaf’ 50 mlynedd yn ôl.
Mae wedi ei chreu gan Emyr Garnon James a oedd yn ymweld yn gyson â chartref Dic Jones.
Ffynhonnell y llun, Eisteddfod GenedlaetholCadair 2016 a'r gadair enillodd Dic Jones yn 1966
Eisteddfod Genedlaethol Cymru
Ffion Hâf sy'n canu Gweddi'r Orsedd a'r gynulleidfa yn cyd-ganu gyda hi am y tro olaf yr wythnos hon wrth i'r Orsedd gynnal ei seremoni olaf yn Eistedfod y Fenni 2016.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Eisteddfod Genedlaethol Cymru
Mae ciwiau hirfaith i fynd i mewn i'r Pafiliwn ar gyfer prif seremoni'r dydd heddiw.
