Mae'r cystadlu yn y Pafiliwn yn dechrau am 10:00 ac yn para' tan yn hwyr heno
Prif seremoni'r dydd yw defod Cadeirio'r Bardd am 16:30
Tro'r Corau Cymysg, Cerdd Dant ac Alaw Werin fydd hi yn ystod y sesiwn hwyr
Nid yw'r BBC yn gyfrifol am y dewis o ddarnau sy'n cael eu perfformio ar y llwyfan. O bryd i'w gilydd, fe allant gynnwys iaith gref a themâu dadleuol
Daily Post
Fe ddywed y Daily Post bod dyn o Birmingham oedd wedi mynd i gartref ei dad yn Wrecsam i weithio ar gyfrifiadur wedi lawrlwytho delweddau anweddus o blant, dolen allanol.
Cafodd ei garcharu am ddwy flynedd yn Llys y Goron Yr Wyddgrug.
Eisteddfod Genedlaethol Cymru
Ymysg yr aelodau newydd sy'n cael eu derbyn i Orsedd y Beirdd mewn seremoni ar faes yr Eisteddfod heddiw mae Gwyn Elfyn, oedd yn actio cymeriad Denzil ar opera sebon Pobol y Cwm; y cerddor jazz Wyn Lodwick, yr Aelod Seneddol dros Feirnionydd, Liz Saville Roberts, a Roger Boore o Gaerdydd, sefydlydd Gwasg y Dref Wen.
Bydd y seremoni am 11:00 yng Nghylch yr Orsedd.
Os ydych chi eisiau gwybod a allech chi â nhw fod yn yr Orsedd, rhowch dro ar ein cwis!
Ffynhonnell y llun, bbcEisteddfod Genedlaethol Cymru
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
BBC Cymru Fyw
Mae un o fyrddau iechyd Cymru yn gweithio ar gynllun i greu mwy o lefydd i famau sy'n rhoi genedigaeth mewn ysbyty yng Nghaerfyrddin.
Bydd Bwrdd Iechyd Prifysgol Hywel Dda yn cyflwyno eu cynlluniau ar gyfer Ysbyty Glangwili i Lywodraeth Cymru ym mis Medi.
Ffynhonnell y llun, GeographEisteddfod Genedlaethol Cymru
Dywedodd y golygydd newydd, Gwyn Lewis o Gaernarfon, y bydd trefn ychydig yn wahanol i'r gyfrol a gyhoeddir brynhawn Gwener ar Faes y Brifwyl.
Ffynhonnell y llun, Eisteddfod
South Wales Argus
Mae'r South Wales Argus yn adrodd bod dyn o'r Fenni wedi cael ei garcharu am nifer o droseddau, dolen allanol gan gynnwys ffonio 999 droeon i ofyn lle'r oedd ei gariad.
Roedd hefyd wedi pledio'n euog i ddwyn a bod â chyffuriau yn ei feddiant.
Eisteddfod Genedlaethol Cymru
Mae'r cadeiriau wedi eu gosod o amgylch Cerrig yr Orsedd ar faes yr Eisteddfod yn barod ar gyfer y seremoni i urddo aelodau newydd bore 'ma.
Mae'n argoeli i fod yn ddiwrnod sych a braf, felly mae'n debyg bydd y seremoni yn cael ei chynnal yn yr awyr agored heddiw.
BBC Cymru Fyw
Fe wnaeth Owen Smith a Jeremy Corbyn wrthdaro yn ffyrnig a'i gilydd yn ystod dadl yng Nghaerdydd neithiwr.
Bu'r ddau yn ymddangos mewn dadl arbennig a drefnwyd gan y Blaid Lafur wrth i'r ddau gystadlu am arweinyddiaeth y blaid.
Eisteddfod Genedlaethol Cymru
Neithiwr ar faes yr Eisteddfod roedd gig arbennig yn y Pafiliwn wrth i'r DJ Huw Stephens gyflwyno Candelas, Yr Ods a Swnami yn perfformio i gyfeiliant y Welsh Pops Orchestra dan arweiniad y cerddor Owain Llwyd. Roedd y lle dan ei sang.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
South Wales Evening Post
Fe gafodd menyw 19 oed ei hachub o'r marina yn Abertawe yn oriau man y bore 'ma, dolen allanol, medd y South Wales Evening Post.
Cafodd y gwasanaethau brys eu galw am 1:46, ac roedd y fenyw yn anwybodol pan gafodd ei thynnu o'r dwr. Cafodd ei chludo i'r ysbyty.
Eisteddfod Genedlaethol Cymru
Bydd seremoni'r Cadeirio'n cael ei chynnal yn ddiweddarach ddydd Gwener yn Eisteddfod Genedlaethol Sir Fynwy a'r Cyffiniau.
Eleni, mae'n hanner canrif ers i Dic Jones ennill y Gadair yn Eisteddfod Aberafan am ei awdl 'Y Cynhaeaf', ac i nodi'r achlysur, cyflwynir y Gadair eleni gan ei deulu er cof am y bardd.
Ffynhonnell y llun, EisteddfodCadeiriau 2016 a 1966
Tywydd, BBC Cymru
Llyr Griffiths-Davies sydd â'r tywydd i ni'r bore 'ma:
"Diwrnod sych a braf ar y cyfan, gyda heulwen i’r mwyafrif. Y prynhawn ‘ma bydd ambell gawod ar frynie’r canolbarth. Yr awel yn ysgafn, a’r tymheredd ucha’n 18-21C."
Am fwy o fanylion ewch i wefan dywydd y BBC.
BBC Cymru Fyw
Mae rhai o brifysgolion Cymru yn datblygu cynlluniau i gynnig ysgoloriaethau i ffoaduriaid.
Cadarnhaodd Prifysgol Aberystwyth eu bod yn trafod cynnig pum ysgoloriaeth, ac mae Prifysgol Cymru y Drindod Dewi Sant yn ystyried cynllun tebyg.
Mae Prifysgol Caerdydd eisoes yn cynnig cymorth ariannol i geiswyr lloches.
BBC Cymru Fyw
Croeso i'r llif byw ar fore Gwener, 5 Awst. Mae'n ddiwrnod mawr ar Faes yr Eisteddfod yn Y Fenni, ac fe allwch chi ddilyn y cyfan yma ar Cymru Fyw ynghyd a'r newyddion diweddara' am Gymru tan 18:00.