Eisteddfod Genedlaethol Cymru

BBC Cymru Fyw

Rydyn ni wedi cael gwybod bod Maes B wedi ei ganslo o achos y tywydd o hanner dydd heddiw ymlaen

Ffynhonnell y llun, bbc

Eisteddfod Genedlaethol Cymru

Mae’r Archdderwydd nawr yn derbyn yr holl aelodau newydd i’r Orsedd, cyn cau Cylch yr Orsedd am eleni gyda’r gri gyfarwydd - ‘A oes heddwch?’

Eisteddfod Genedlaethol Cymru

Un arall sy’n ymuno â’r Orsedd heddiw ydy Glyn Roberts, Llywydd Undeb Amaethwyr Cymru, sy’n cymryd yr enw ‘Haesor o Gwm Eidda’.

Mae ‘na un person - Dennis Williams o Lanfairpwll, sy’n adnabyddus am ei waith gyda bandiau pres - yn cael ei urddo yn ei absenoldeb oherwydd salwch.

Ffynhonnell y llun, bbc

Eisteddfod Genedlaethol Cymru

Mae’r digrifwr Tudur Owen yn cael cymeradwyaeth fawr wrth ymuno â’r Orsedd fel ‘Tudur Trefri’.

A dyma ni Alun yn ymuno â John - mae’n cymryd yr enw ‘Alun o’r Post’.

Ffynhonnell y llun, FFOTONANT

Eisteddfod Genedlaethol Cymru

Mae John Jones Tudweiliog, sy’n fwy adnabyddus fel hanner y ddeuawd John ac Alun, wedi ei urddo fel ‘John o’r Felin’.

Ond lle mae Alun?

Ymhlith y rhai sy’n dilyn John mae’r newyddiadurwr Bethan Kilfoil- 'Bethan Nantur’ - a’r canwr Geraint Lovgreen, sy’n cadw’r un enw.

Eisteddfod Genedlaethol Cymru

Un arall sy’n cael ei urddo ydy’r gŵr busnes o Fangor, Gari Wyn.

Mae o’n ymuno â’r Orsedd fel ‘Gareth Bryn Lleithog’.

Yn ei ddilyn ef mae Grace Jones, sy’n wreiddiol o Seland Newydd ac oedd yn un o’r pedwar olaf yng nghystadleuaeth Dysgwr y Flwyddyn eleni - hi fydd ‘Grace o’r Nant’.

Ffynhonnell y llun, bbc

Eisteddfod Genedlaethol Cymru

Mae aelodau newydd yr Orsedd bellach yn cael eu hurddo.

Ymhlith y criw cyntaf i ddod i’r llwyfan mae’r delynores fyd-enwog Catrin Finch.

Ei henw yn yr Orsedd? Digon hawdd i’w gofio - ‘Catrin Finch’!

Ffynhonnell y llun, bbc

Eisteddfod Genedlaethol Cymru

Ar ol y ddawns flodau, mae’r flodeugerdd nawr yn cael ei chyflwyno i’r Archdderwydd gan Forwyn y Fro.

Eisteddfod Genedlaethol Cymru

Ffynhonnell y llun, FFOTONANT

Eisteddfod Genedlaethol Cymru

Mae’r Archdderwydd yn cyfarch y gynulleidfa, gan esbonio eu bod wedi gorfod cymryd “penderfyniad anodd” i symud dan do oherwydd bod addewid o “gawod drom” yn yr awr nesaf.

Maen nhw nawr yn canu’r emyn gyntaf, Dros Gymru’n Gwlad.

Eisteddfod Genedlaethol Cymru

Mae’r cyrn gwlad yn atseinio i nodi dechrau’r Seremoni, ac mae’r gynulleidfa ar eu traed.

Ffynhonnell y llun, FFOTONANT

Eisteddfod Genedlaethol Cymru

Mae’r haul yn dal i dywynnu - ond yn y Babell Ddawns mae'r seremoni.

Mae hynny oherwydd bod disgwyl cawodydd tua hanner dydd, ac felly maen nhw dan do rhag ofn.

Eisteddfod Genedlaethol Cymru

Ymhlith y wynebau anabyddus fydd yn cael eu hurddo i'r Orsedd heddiw mae'r digrifwr Tudur Owen, y delynores Catrin Finch, a'r ddeuawd canu John ac Alun.

Cafodd rhai o ddosbarth 2019 eu hurddo ddydd Llun, gan gynnwys y chwaraewyr rygbi Ken Owens a Jonathan Davies, a'r darlledwr Aled Sam.

BBC Cymru Fyw

Bydd Taro'r Post yn trafod sylwadau Elin Jones-sy'n galw am roi mynediad am ddim i bobl i'r Steddfod flwyddyn nesaf amser cinio. Ac mae 'na rhai wedi ymateb i'r alwad.

Eisteddfod Genedlaethol Cymru

Aelwyd Cwm Rhondda yn ymarfer cyn rhagbrawf y parti llefaru.

BBC Cymru Fyw

Mae’r Aelod Cynulliad a Llywydd y Cynulliad, Elin Jones wedi dweud ei bod eisiau mynediad am ddim yn yr Eisteddfod Genedlaethol yn Nhregaron flwyddyn nesaf.

Ms Jones yw Cadeirydd Pwyllgor Gwaith yr Eisteddfod nesaf ac mae hi eisiau efelychu'r hyn ddigwyddodd ym Mae Caerdydd y llynedd.

Doedd dim ffiniau i’r maes na thâl mynediad yn yr Eisteddfod honno.

BBC Cymru Fyw

Oherwydd problemau technegol ar Faes yr Eisteddfod fyddwn ni ddim yn gallu darparu cyfieithiad ar hyn o bryd o'r llif byw o'r Pafiliwn.

Rydym yn gobeithio cychwyn darlledu’r cystadlu yn fuan. Ymddiheuriadau am yr oedi yma.

BBC Cymru Fyw

Mae’r haul yn tywynnu ar faes yr Eisteddfod ar hyn o bryd - er bod y tir ychydig yn llaith o hyd yn dilyn y glaw dros nos.

Os ydy hi’n aros fel hyn, mae’n bosib y gwelwn ni Seremoni’r Orsedd yn cael ei chynnal allan fan hyn y bore ‘ma.

Fel arall, mae gan yr Eisteddfod gynlluniau wrth gefn i ddefnyddio’r Stiwdio Ddawns os ydy’r tywydd yn troi.

Eisteddfod Genedlaethol Cymru

Tri pheth i’w wneud ar y Maes heddiw:

1.Methu disgwyl i wybod beth sy’n digwydd yn Pobol y Cwm nos Lun? Wel, does dim rhaid aros oherwydd bydd rhag-ddangosiad arbennig yn y Sinemaes am 1345 a 1430 – gyda chyfle i holi ambell aelod o’r cast cyn y dangosiad. Bydd gweithdy sgriptio yno am 1300 hefyd.

2.Roedd seneddwraig gyntaf yr Unol Daleithiau yn dod o ardal yr Eisteddfod. Pwy ac o ble? Ewch draw i ddarlith Wil Aaron yn Cymdeithasau 1 am 1300 i wybod mwy.

3.Mae gweld digwyddiad o bwys ar ‘y sgrîn fawr’ yn beth cyffredin erbyn hyn – o gemau’r Ewros i Wimbledon. Felly hefyd y Cadeirio a gallwch wylio’r cyfan yn y Babell Lên os nad oes lle yn y pafiliwn. Ewch yno am 1615 i gael sedd dda.