Cymru yn mynd i frig Grŵp D
Hadleigh Parkes a Gareth Davies yn sgorio i Gymru; Ashley-Cooper, Dane Haylett-Petty a Michael Hooper yn croesi i Awstralia
Dan Biggar yn mynd i ffwrdd gydag anaf i'w ben; Patchell ymlaen
Cymru ar y blaen o 18 ar un pwynt
Y capten, Alun Wyn Jones wedi ennill cap rhif 130 - record i Gymru
Sgôr terfynol: Awstralia 25-29 Cymru
BBC Cymru Fyw
Wel, am ddechrau da i ddydd Sul rhywun! Mae Cymru wedi llwyddo i gadw Awstralia draw a sicrhau buddugoliaeth hollbwysig draw yn Tokyo.
Diolch o galon i chi am eich cwmni'r bore 'ma. Fe wnawn ni e i gyd eto mewn 10 diwrnod pan fydd bechgyn Warren Gatland yn herio Fiji. Tan hynny, hwyl fawr!
Sgôr terfynol: Awstralia 25-29 Cymru
BBC Cymru Fyw
Sut mae pawb yn teimlo?? Ry'n ni'n teimlo fel Patch!
Darllenwch ein adroddiad o'r gêm yma.
Ffynhonnell y llun, Getty ImagesRhys Patchell gyda'i ddwylo ar ei ben ar ddiwedd yr ornest
Sgôr terfynol: Awstralia 25-29 Cymru
BBC Cymru Fyw
Y prif hyfforddwr, Warren Gatland yn ymateb i'r fuddugoliaeth: "Ail hanner anodd, ond fe ddaethom ni drwyddi, roedd hi'n gêm anodd a diolch byth fe wnaethon ni ddal 'mlaen.
"Rhoddodd y bechgyn o'r fainc dipyn o fomentwm i ni. Da ni'n 2/2 ac mae rhaid edrych 'mlaen i gêm Fiji nawr, ac wedi iddyn nhw golli i Uruguay mi fydd honno'n un anodd."
Sgôr terfynol: Awstralia 25-29 Cymru
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Sgôr terfynol: Awstralia 25-29 Cymru
BBC Cymru Fyw
Alun Wyn Jones yn siarad wedi'r chwiban olaf: "Rydym ni'n amlwg yn falch iawn. Chwarae teg, fe wnaeth Awstralia ddod â phopeth atom ni yn yr ail hanner."
Ac ar achlysur ei 130fed cap, beth sydd ganddo i ddweud wrth y dorf?
"Mae'n eitha' syml - thank you, arigato a diolch yn fawr!"
Ffynhonnell y llun, Getty ImagesSgôr terfynol: Awstralia 25-29 Cymru
BBC Cymru Fyw
DYNA NI!!!
Cymru, rhywsut, yn llwyddo i gadw Awstralia draw yn y munudau olaf i sicrhau buddugoliaeth hollbwysig yn Tokyo!
76' Awstralia 25-29 Cymru
BBC Cymru Fyw
Sgrym i Gymru yn hanner Awstralia... ond Cymru'n cael eu cosbi.
72' Awstralia 25-29 Cymru
BBC Cymru Fyw
A fydd hynny'n ddigon? Rhys Patchell yn cicio cic gosb i Gymru ar ôl cyfnod prin o feddiant i Gymru yn 22 Awstralia.
Daliwch yn dynn...
68' Awstralia 25-26 Cymru
BBC Cymru Fyw
Cymru yn cael eu cosbi yn y sgrym. Rhywfaint o fendith mai dim ond triphwynt ydy'r gosb, gyda Matt Toomua yn cicio ac yn cau'r bwlch lawr i un pwynt yn unig.
Mae hi am fod yn 12 munud a hanner... a hanner....
Dafydd Pritchard
Gohebydd chwaraeon yn Stadiwm Tokyo
Mae'n teimlo fel bod hanes yn ail-adrodd.
Ma' hwn yn artaith i wylio.
62' Awstralia 22-26 Cymru
BBC Cymru Fyw
Dyna ni. Awstralia yn croesi eto. Y capten Michael Hooper yn croesi o dan y pyst ar ôl munudau o bwysau cyson.
Trosiad hawdd i'r crysau aur.
Llai na 20 munud ar ôl, pedwar pwynt ydy mantais Cymru erbyn hyn.
Ffynhonnell y llun, Getty Images58' Awstralia 15-26 Cymru
Dafydd Pritchard
Gohebydd chwaraeon yn Stadiwm Tokyo
Sut ma'r nerfau, bawb?
Dwi'n ei chael hi'n anodd eistedd yn llonydd wrth i mi sgwennu fy adroddiad.
54' Awstralia 15-26 Cymru
Andrew Coombs
Cyn-glo Cymru a sylwebydd Radio Cymru
Mae'n rhaid i Gymru fod yn fwy corfforol yn ardal y dacl.
Mae'n rhaid iddyn nhw gael rhywfaint o feddiant i godi'r pwysau sydd arnyn nhw.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dafydd Pritchard
Gohebydd chwaraeon yn Stadiwm Tokyo
Aaron Wainwright yn gadael y cae.
Ydy e'n bosib i fod yn seren y gêm ar ôl chware llai na 50 munud?
49' Awstralia 15-26 Cymru
BBC Cymru Fyw
Nicky Smith ymlaen am Wyn Jones a Ross Moriarty ymlaen am Aaron Wainwright.
Dafydd Pritchard
Gohebydd chwaraeon yn Stadiwm Tokyo
Ma Awstralia wedi sgorio a hen elyn Cymru, Kurtley Beale, wedi dod ymlaen fel eilydd.
A fydd hyn yn drobwynt yn y gêm? Plis, plis na.
46' Awstralia 15-26 Cymru
BBC Cymru Fyw
Awstralia'n taro 'nôl. Dane Haylett-Petty yn croesi.
Y trosiad yn un llwyddiannus. Mae Awstralia 'nôl yn y gêm...
Ffynhonnell y llun, Getty Images44' Awstralia 8-26 Cymru
BBC Cymru Fyw
Cic adlam i Rhys Patchell, sy'n rhoi pwyntiau cyntaf yr ail hanner i Gymru. Gwych gan y maswr!
43' Awstralia 8-23 Cymru
BBC Cymru Fyw
Mae Awstralia wedi dechrau'r ail hanner yn gryf.
Ond Cymru sy'n cael y sgrym cyntaf.