BBC Cymru Fyw

Mae Cymru wedi sgorio'r gic adlam gyflymaf yn hanes Cwpan Rygbi'r Byd. Roedd Dan Biggar - sydd bellach oddi ar y cae gydag anaf i'w ben - yn llwyddiannus wedi 36 eiliad.

Gareth Charles
Gohebydd Rygbi BBC Cymru

Yn trafod y penderfyniad i beidio cosbi Michael Hooper gyda carden felen...

"Does neb eisiau gwneud cam, ddim eisiau cael eu gweld fel y dyn sy'n sboilio pethe... os bydde nhw yn fwy cyson fe fyddai'r chwaraewyr a ni yn y wasg dipyn hapusach."

BBC Cymru Fyw

Mae rhai o gefnogwyr rygbi Japan wedi bod yn dilyn rygbi Cymru ers degawdau! Fel y gŵr yma sydd yn gwisgo lluniau o'i arwyr fel clogyn!

Rhywfaint o ddarllen i chi yn ystod yr egwyl...

Yn ei golofn i BBC Cymru Fyw wythnos yma mae Ken Owens yn dweud mai Alun Wyn Jones yw'r chwaraewr gorau i gynrychioli Cymru erioed.

Bydd Alun Wyn yn torri record Gethin Jenkins gan ennill cap rhif 130 yn y gêm yn erbyn Awstralia.

Ffynhonnell y llun, Getty Images

BBC Cymru Fyw

Cyfle i bawb gael eu gwynt atynt. Am hanner i Gymru!

Maen nhw wedi ymestyn 15 pwynt o fantais yn erbyn Awstralia.

Dafydd Pritchard
Gohebydd chwaraeon yn Stadiwm Tokyo

Ma' Gareth Davies yn ymfalchïo yn ei waith amddiffynnol, ac fe sy'n gyfrifol am osod tempo amddiffyn Cymru.

Roedd y cais yna'n enghraifft berffaith. Gwaith campus.

BBC Cymru Fyw

Cais i Gareth Davies! Waw.

Y mewnwr yn rhyng-gipio pas gan Will Genia ac yn rhedeg tua 60 llath i groesi'r llinell gais. Ail gais i Gymru cyn yr egwyl

Patchell - sydd ymlaen yn barhaol am Biggar - yn trosi ac yn rhoi Cymru 15 pwynt ar y blaen.

Ffynhonnell y llun, Getty Images

BBC Cymru Fyw

Mwy o ddrama.

Rhys Patchell yn mynd i daclo Samu Kerevi ond canolwr Awstralia'n cael ei gosbi (ond yn osgoi cerdyn melyn) am arwain gyda'i fraich.

Patchell yn cicio.

Catrin Heledd
Chwaraeon BBC Cymru

Nawr ma’ ‘da ni gêm.

Ma' cefnogwyr y ddau dîm ‘di mynd bach yn dawel yn y stadiwm. Y nerfau sy’n gyfrifol dwi’n credu.

Ma’ pawb yn gwybod y galle hon fynd naill ffordd neu’r llall. Oes angen 40 munud arall o chwarae?!

Dafydd Pritchard
Gohebydd chwaraeon yn Stadiwm Tokyo

Ma' blaenwyr Awstralia o gwmpas ardal y dacl fel colomenod yn chwilio am friwsion.

Ma' nhw'n bob man ac yn niwsans.

BBC Cymru Fyw

Rhys Patchell yn ymestyn mantais Cymru gyda chic gosb.

Lowri Roberts
Gohebydd chwaraeon yn Stadiwm Tokyo

Yr awyrgylch yn drydanol yma yn y stadiwm. Mwy gan y cefnogwyr mewn coch i floeddio yn ei gylch ar hyn o bryd. Diolch byth am Dan Biggar a Hadleigh Parkes i dawelu’r nerfau.

Dafydd Pritchard
Gohebydd chwaraeon yn Stadiwm Tokyo

Ma' hwn yn bryder enfawr i Gymru wrth i Dan Biggar adael y cae.

Chwaraewr allweddol all Gymru beidio fforddio i golli.

BBC Cymru Fyw

Awstralia'n cau'r bwlch. Foley gyda chic gosb lwyddiannus.

BBC Cymru Fyw

Dan Biggar yn taclo'n arwrol i atal cais ond mae'r dacl yn un costus i'r maswr. Mae'n rhaid iddo adael y cae i gael asesiad i'w ben. Rhys Patchell ymlaen yn ei le.

Ffynhonnell y llun, Getty Images

Dafydd Pritchard
Gohebydd chwaraeon yn Stadiwm Tokyo

Dyma 14eg cap Adam Ashley-Cooper yn erbyn Cymru, a dyw e erioed wedi colli yn erbyn nhw.

Ond dyna oedd ei gais cyntaf yn erbyn Cymru.

Dafydd Pritchard
Gohebydd chwaraeon yn Stadiwm Tokyo

Dylse fod y dyfarnwr Romaine Poite wedi dangos dau gerdyn coch i chwaraewyr Samoa yn eu gêm yn erbyn Rwsia'n gynharach yn y gystadleuaeth, ond dim ond melyn oedd y ddau.

Dim syndod felly ei fod e mor hael efo Michael Hooper.

BBC Cymru Fyw

Adam Ashley-Cooper yn croesi. Cic letraws arall yn canfod yr asgellwr profiadol ar y dde, ac mae'n llwyddo i ddal y bêl, ochr-gamu a sleifio dros y linell wen.

Bernard Foley yn methu gyda'r trosiad.

Ffynhonnell y llun, Getty Images

Andrew Coombs
Cyn-glo Cymru a sylwebydd Radio Cymru

Mae hynna'n warth gan y tîm dyfarnu (tacl Michael Hooper). Mae'n hwyr, mae'n rhaid i honna fod yn gerdyn melyn. Penderfyniad cwbl anghywir.

BBC Cymru Fyw

Capten Awstralia, Michael Hooper yn osgoi derbyn cerdyn melyn wedi tacl nerthol ar Dan Biggar. Cig gosb yn erbyn y blaenasgellwr ond dim mwy na hynny.