Dafydd Pritchard
Gohebydd chwaraeon yn Stadiwm Oita

Cerdyn coch haeddiannol i Sebastien Vahaamahina, gollodd ei ben yn llwyr fan 'na.

Roedd y clo'n arwr i'w dîm efo'i gais agoriadol ond roedd y benelin yna'n warthus.

Camgymeriad enfawr arall ar ôl iddo daflu pas wyllt gafodd ei ddal gan George North wrth i Gymru guro Ffrainc yng ngêm gynta'r Chwe Gwlad eleni.

Ffynhonnell y llun, Getty Images

Andrew Coombs
Cyn-glo Cymru a sylwebydd Radio Cymru

"Dylai Vahaamahina ddim cael dod yn ôl ar gae rygbi am sbel hir ar ôl hwnna… mae wedi gadael ei dîm i lawr."

Cerdyn coch i glo Ffrainc, Sebastien Vahaamahina!

Mae'n amlwg wedi taro Aaron Wainwright yn ei ben gyda'i benelin mewn sgarmes symudol - does gan Jaco Peyper ddim opsiwn ond dangos cerdyn coch.

Sgoriwr cais cyntaf Ffrainc wedi'i yrru o'r maes felly - all hynny ysbrydoli Cymru?

Ffynhonnell y llun, Getty Images

Nia Cerys
Gohebydd BBC Cymru

Criw Capel Berea Newydd, Bangor, wedi dod yn gynnar cyn yr oedfa Ddiolchgarwch - profiad newydd gwylio'r rygbi yn y festri!

Dafydd Pritchard
Gohebydd chwaraeon yn Stadiwm Oita

Camille Lopez yn agos â chic adlam fan 'na. Sgoriodd maswr Ffrainc â chic debyg yn erbyn Cymru yn ystod y Chwe Gwlad.

Bydd rhaid i Gymru fod yn wyliadwrus yn erbyn bygythiad cicio'r maswr.

Mae Lopez yn amlwg yn hyderus, gan geisio am gôl adlam o bron i hanner ffordd!

Ond mae'n methu i'r dde o'r pyst, gan roi'r cyfle i Gymru ei chicio i ffwrdd.

Mae maswr Ffrainc, Romain Ntamack wedi cael ei eilyddio yn ystod hanner amser, gyda Camille Lopez yn dod ymlaen yn ei le.

Ef sy'n cicio tuag at chwaraewyr Cymru i ddechrau'r 40 munud olaf.

Cylchgrawn, Cymru Fyw

Gyda Chymru ond tair buddugoliaeth i ffwrdd o fod yn bencampwyr byd, mae bachwr Cymru a'r Scarlets Ken Owens wedi bod yn asesu'r sefyllfa yn ei golofn ddiweddara'.

Y tro yma mae'n trafod beth sydd wedi newid nawr bod y grwpiau ar ben, y golled yn erbyn y Ffrancwyr yn y rownd gynderfynol yn 2011 a thynnu coes y prop, Rhys Carré.

Andrew Coombs
Cyn-glo Cymru a sylwebydd Radio Cymru

Ar Radio Cymru mae cyn-glo Cymru yn feirniadol o dactegau Cymru hyd yn hyn.

"Dwi ddim yn gwybod pam ein bod yn chwarae y ffordd yma," meddai.

"Fe allai fod yn llawer gwaeth. Ar hyn o bryd rydym yn lwcus o fod dal ynddi."

Er fod y gêm yn gynnar ar fore Sul yma yng Nghymru, mae clybiau rygbi ar draws y wlad yn siŵr o fod yn orlawn!

Dyma'r olygfa yng Nghlwb Rygbi Bangor y bore 'ma.

Facebook

Dyma i chi fersiwn arbennig o'r Anthem Genedlaethol!

Rhywbeth i chi ymarfer yn ystod hanner amser!

Hanner cyntaf egnïol yn Stadiwm Oita!

Ffrainc yn bendant yn cael y gorau ohoni, ac mae mwyafrif helaeth y chwarae yn hanner Cymru.

Dim syndod felly bod Dan Biggar yn ddigon hapus cicio'r bêl dros yr ystlys i ddod â'r hanner cyntaf i ben.

Dafydd Pritchard
Gohebydd chwaraeon yn Stadiwm Oita

Pan enwodd Warren Gatland dîm Cymru i wynebu Ffrainc, cafodd y cwestiwn ei ofyn os oedd hi'n benderfyniad anodd gadael Ross Moriarty ar y fainc.

Ateb syml Gatland oedd: "Na." Dyna ni.

Byse chi'n disgwyl bod y hyfforddwr yn anhapus iawn â Moriarty ar ôl ei gerdyn melyn - sydd 'di costio saith pwynt i Gymru hyd yn hyn.

Ffynhonnell y llun, Getty Images

Mae Ffrainc wedi bod yn wych yn yr hanner cyntaf, gan ddenu trosedd arall gan Gymru yn eu hanner eu hun.

Ond dydy Ntamack ddim yn ddigon cywir, gan daro'r postyn am yr ail waith yn y gêm hyd yma.

Dwylo da gan olwyr Ffrainc yn rhoi cyfle i'r canolwr Virimi Vakatawa gyrraedd y llinell gais, gan osgoi Liam Williams ac Wyn Jones gyda rhediad pwerus.

Ffrainc yn cymryd mantais o'r ffaith mai dim ond 14 chwaraewr sydd gan Gymru oherwydd y cerdyn melyn.

Mae Ntamack yn ychwanegu'r trosiad hefyd.

Ffynhonnell y llun, Getty Images

Dafydd Pritchard
Gohebydd chwaraeon yn Stadiwm Oita

Ma' problemau anafiadau Cymru yn ddi-baid.

Josh Navidi yw'r diweddaraf i orfod gadael y cae. Colled fawr arall i Gymru.

Ross Moriarty sydd ymlaen yn ei le - ond ma fe oddi ar y cae nawr ar ôl derbyn cerdyn melyn am dacl uchel ar Gael Fickou.

Dydy Ross Moriarty heb gael y dechrau gorau'n bendant!

Mae'n cael ei gosbi am dacl uchel o amgylch gwddf Gael Fickou, ac yn gweld cerdyn melyn.

Ergyd arall i Gymru o ran anafiadau, gyda Josh Navidi yn gorfod gadael y maes.

Mae'n debyg mai anaf i'w ben-glin yw'r broblem, ond bydd yr eilydd Ross Moriarty yn awyddus i brofi ei fod yn haeddu lle yn y 15 sy'n dechrau.

Andrew Coombs
Cyn-glo Cymru a sylwebydd Radio Cymru

"Mae Ffrainc yn ennill y frwydr gicio ar hyn o bryd, ond maen nhw'n rhoi pwysau ar ei hun.

"Dy’n nhw methu cadw’r bêl yn y dacl weithiau."

Twitter

Mae Aled Hughes, cyflwynydd BBC Radio Cymru yn bryderus...