Mae Iechyd Cyhoeddus Cymru yn awyddus i nodi nad oedd haint Coronafeirws wedi cyrraedd y DU cyn diwedd Ionawr.

Undeb Rygbi Cymru

Mae bwrdd Undeb Rygbi Cymru wedi cadarnhau y bydd holl gystadlaethau rygbi domestig yng Nghymru am dymor 2019-20 yn cael eu canslo.

Dywedodd yr undeb fod y penderfyniad wedi'i wneud mewn cyfarfod brynhawn heddiw.

Mae 50 o weithwyr gofal iechyd wedi ysgrifennu llythyr agored at Lywodraeth Cymru yn galw am "gamau brys" i amddiffyn staff y GIG a mynd i’r afael ag achosion o COVID-19.

Mae’r llythyr yn disgrifio diffyg adnoddau i amddiffyn staff rhag dal y firws a phrinder "peryglus" o welyau Uned Achos Brys a gwyntiedyddion yn ysbytai Cymru.

Mae'r gofynion yn cynnwys profion coronafeirws ar gyfer yr holl staff gofal iechyd a chleifion newydd, offer amddiffyn personol i weithwyr rheng flaen a masgynhyrchiad o wyntiedyddion.

Mae'r llythyr wedi cael cefnogaeth undebau llafur Unison a'r TUC.

Ffynhonnell y llun, Getty Images

Twitter

Mae sylfaenydd cwmni adeiladu Redrow wedi dweud y bydd yn cyfrannu £1m yr wythnos i elusennau yn y frwydr yn erbyn coronafeirws.

Dywedodd Steve Morgan y bydd ei ymddiriedolaeth yn rhoi arian i elusennau yng ngogledd Cymru, Glannau Mersi, a Sir Caer er mwyn cynnig cymorth i’r mwyaf anghenus.

Mae dros 50 o elusennau wedi cysylltu gyda’i ymddiriedolaeth am gymorth ers dechrau’r argyfwng meddai.

Golwg 360

Mae Dr Rhys Thomas yn anesthetydd ymgynghorol yn Ysbyty Glangwili, Caerfyrddin; a bellach mae wedi creu ‘peiriant anadlu’ a allai gael ei ddefnyddio mewn ysbytai.

BBC Cymru Fyw

Mae cwmni Ford wedi cyhoeddi y bydd y gwaith o gynhyrchu cydrannau ceir yn ei ffatri ym Mhen-y-bont yn dod i ben am y tro o achos coronafeirws.

Dywedodd y cwmni y bydd hyn y digwydd ar 25 Mawrth, ac fe fydd ei ffatri yn Dagenham hefyd yn cau dros yr haf ar 23 Mawrth.

Mae’r feirws wedi cael effeith sylweddol ar y farchnad geir yn Ewrop medd y cwmni.

Llywodraeth Cymru

Mae'r Gweinidog Tai, Julie James wedi cadarnhau bod Llywodraeth Cymru yn rhoi £10m ar gael i gynghorau yng Nghymru i'w helpu i gymryd camau yn syth ac yn uniongyrchol i ddiogelu pobl ddigartref a phobl sy'n cysgu allan yn ystod y pandemig coronafeirws.

Bydd y cyllid ychwanegol yn galluogi awdurdodau lleol i sicrhau'r lletyau angenrheidiol i wneud yn siŵr y gellir diogelu a chefnogi pobl sydd heb gartref, a'u hynysu os oes angen.

Gan ei bod yn debygol y bydd ysgolion ar gau tan ddiwedd yr haf, mae Cyd-Bwyllgor Addysg Cymru wedi cyhoeddi sut y byddan nhw'n delio gyda'r mater o roi graddau i ddisgyblion fydd ddim yn medru sefyll arholiadau.

BBC Cymru Fyw

Mae rhai archfarchnadoedd wedi dechrau cyflogi mwy o bobl yn y tymor byr er mwyn helpu i ymdopi â'r prysurdeb diweddar.

Lidl yw'r diweddaraf i ddweud y byddan nhw'n recriwtio 2,500 o weithwyr yn syth, yn dilyn camau tebyg gan Co-op a Morrisons.

Dywedodd yr archfarchnad y byddai'r swyddi ar gael ar gytundeb pedair wythnos er mwyn stocio silffoedd a chynorthwyo staff.

Maen nhw wedi annog pobl sydd wedi colli eu swyddi oherwydd yr argyfwng coronafeirws i wneud cais.

Ffynhonnell y llun, Getty Images

Twitter

Twitter

Twitter

S4C

Mae S4C wedi cyhoeddi y byddan nhw'n comisiynu rhaglen wedi'i ysbrydoli gan y dudalen Facebook, Côr-ona.

Cafodd y grŵp ei sefydlu gan Catrin Angharad Jones er mwyn cael pobl i gyd-ganu dros y we a chodi hwyliau yn ystod y cyfnod ansicr hwn.

Mae gan y dudalen dros 17,000 o aelodau bellach, dolen allanol, gyda channoedd o unigolion yn cyfrannu fideos.

Dywedodd S4C y byddai'r rhaglen yn gweld Rhys Meirion yn cynnal arbrawf cymdeithasol i ddod â phobl o bell ac agos at ei gilydd i ganu "ar laptop yn y gegin, ipad yn y shed neu PC yn yr atig".

Ffynhonnell y llun, Côr-ona

Twitter

S4C

Mae S4C wedi cyhoeddi y byddan nhw'n lansio gwasanaeth newydd Ysgol Cyw, a hynny wrth i ysgolion Cymru baratoi i gau oherwydd yr haint.

Bydd y pecyn o raglenni addysgiadol yn gasgliad o ddeunyddiau ar gyfer plant oed meithrin a chyfnod sylfaen.

Fe fyddan nhw'n cynnwys cyfresi teledu S4C Cyw a Stwnsh yn ogystal â deunydd digidol ac apiau i helpu rhieni sydd adref gyda phlant ifanc.

"Un o’r pethau mwyaf defnyddiol gallwn ni yn S4C wneud yn ystod y cyfnod anodd hwn yw cynnig cyfleoedd i blant ifanc i barhau i ddysgu tra bod yr ysgolion ar gau," meddai Sioned Williams, Comisiynydd Plant S4C.

Ffynhonnell y llun, S4C

BBC Cymru Fyw

Mae cerddwyr mynydd wedi cael eu rhybuddio i fod yn ofalus wrth i dimau achub mynydd hefyd orfod gwneud newidiadau yn sgil canllawiau coronafeirws.

Bu'n rhaid i achubwyr helpu dyn oedd wedi mynd i darfferthion ar fynydd Tryfan yn Eryri neithiwr wrth gerdded gyda'i gŵn.

Dim ond criw bach oedd wedi gallu mynd i roi cymorth iddo gyda rhaffau, a hynny oherwydd canllawiau newydd.

BBC Cymru Fyw

Mae un fferyllfa yng Nghonwy yn ceisio taclo'r feirws drwy adael dim ond dau berson i mewn ar yr un pryd, gan ofyn i bawb arall aros y tu allan.

BBC Cymru Fyw

Wedi cyhoeddiad gan National Express yn gynharach, mae dau gwmni bysus arall wedi gwneud cyhoeddiadau tebyg.

Bydd Stagecoach, dolen allanol a First Cymru, dolen allanol yn newid amserlenni o ddydd Llun, 23 Mawrth ymlaen.