Twitter

Twitter

Teithio BBC Cymru

Cwmni National Express yw'r cwmni trafnidiaeth gyhoeddus diweddara' i gyhoeddi newid amserlen yn y cyfnod coronafeirws.

Bydd amserlen diwygiedig yn dod i rym ddydd Mawrth, 24 Mawrth, ac mae'r manylion i'w gweld ar wefan y cwmni, dolen allanol.

BBC Radio Cymru

BBC Cymru Fyw

Mae 21 achos newydd o coronafeirws wedi’u cofnodi yng Nghymru medd Iechyd Cyhoeddus Cymru.

Mae’r cyfanswm bellach yn 191 achos ond mae’n debyg fod y ffigwr cyflawn yn llawer uwch.

Dywed Iechyd Cyhoeddus Cymru fod y feirws yn bodoli ymhob rhan o Gymru erbyn hyn.

Cyngor Gwynedd

Cyngor Sir Penfro

Dywed Cynfor Sir Penfro na fydd yn gwneud sylw yn dilyn beirniadaeth ar y cyfryngau cymdeithasol o berchnogion ail dai ac ymwelwyr yn teithio i’r sir.

Fe gafwyd beirniadaeth debyg yng Ngwynedd ar ddechrau’r wythnos wedi i un meddyg teul ddweud fod y gwasanaeth iechyd lleol yno dan bwysau o achos perchnogion ail dai yn hunan ynysu a chwilio am gyngor meddygol.

Mae rhai cwmniau ym Mhenfro yn parhau i hysbysebu llety mewn bythynod gwyliau, er fod llywodraeth y DU yn annog pob i beidio teithio os nad oes rhaid.

Vaughan Roderick
Golygydd Materion Cymreig y BBC

BBC Cymru Fyw

Mae gorsaf drenau Caerdydd Canolog fel arfer yn brysur iawn ar ddydd Gwener, ond dyma'r olygfa yno y bore 'ma!

BBC Cymru Wales

Bydd Prif Weinidog Cymru, Mark Drakeford yn ymddangos ar raglen Politics Wales ar BBC One Cymru fore Sul.

Fe fydd yn ateb cwestiynau am coronafeirws gan y cyhoedd yn fyw ar y rhaglen am 10:00

Os oes gennych chi gwestiwn iddo, yna ebostiwch y rhaglen ar bbcpoliticswales@bbc.co.uk.

Twitter

BBC Cymru Fyw

Mae Prif Swyddog Meddygol Cymru, Dr Frank Atherton wedi cadarnhau marwolaeth arall yng Nghymru o ganlyniad i coronafeirws:

“Mae’n ddrwg iawn gennyf gadarnhau’r newyddion trist bod trydydd glaf yng Nghymru a oedd wedi cael prawf positif ar gyfer COVID-19 wedi marw. Hoffwn estyn fy nghydymdeimlad dwysaf i deulu a ffrindiau’r unigolyn a gofynnaf i’w dymuniad nhw am breifatrwydd gael ei barchu.

“Roedd gan y claf, a oedd yn 71 oed, gyflyrau iechyd eisoes ac roedd yn cael triniaeth yn Ysbyty Tywysoges Cymru ym Mhen-y-bont ar Ogwr.”

Twitter

Twitter

Chwaraeon BBC Cymru

Mae Pencampwriaeth Snwcer Y Byd wedi’i gohirio oherwydd y coronafeirws.

Roedd y Bencampwriaeth sy dros gyfnod o 17 diwrnod i fod i ddechrau yn Theatr y Crucible yn Sheffield Ddydd Sadwrn 18 Ebrill a chyn hynny roedd cystadleuaeth ragbrofol yn cynnwys 128 o chwaraewyr i fod yn Athrofa Chwaraeon Lloegr hefyd yn Sheffield o 8 Ebrill i 15 Ebrill.

Mae trefnwyr Y Bencampwriaeth yn bwriadu cynnal y gystadleuaeth rywbryd ym mis Gorffennaf neu fis Awst gyda’r rowndiau rhagbrofol cyn hynny.

Cyn-bencampwr y byd ar dri achlysur Mark Williams oedd yr unig Gymro yn sicr o le yn y Crucible fis nesa fel un o’r 16 chwaraewr ucha ar restr detholion y byd ond buasai pob un o’r Cymry eraill sy’n chwaraewyr proffesiynol yn cynnwys Matthew Stevens - sy wedi colli yn rownd derfynol y Bencampwriaeth ddwy waith - a Ryan Day wedi cystadlu yn y rowndiau rhagbrofol.

Iechyd Cyhoeddus Cymru

Mae Llywodraeth Cymru wedi derbyn argymhelliad Iechyd Cyhoeddus Cymru i oedi rhai o raglenni sgrinio iechyd dros dro oherwydd yr argyfwng coronafeirws.

Ymhlith y rhaglenni fydd yn cael eu hoedi mae Bron Brawf Cymru, Sgrinio Serfigol Cymru, Sgrinio Coluddion Cymru, Sgrinio Llygaid Diabetig Cymru a Rhaglen Sgrinio Ymlediadau Aortig Abdomenol Cymru.

Dywedodd y gweinidog iechyd, Vaughan Gething: "Mae llawer o'r bobl sy'n mynychu'r rhaglenni sgrinio yma mewn categori risg uchel am coronafeirws ac mae'n hanfodol lleihau'r risg i'r bobl yna yn y cyfnod hwn.

"Oedi dros dro yw hyn ac fe fyddwn ni'n ailddechrau'r rhaglenni ar y cyfle cyntaf pan mae'n ddiogel i wneud. Yn y cyfamser, os oes unrhyw un yn dangos symptomau o rhai o'r clefydau yna, cysylltwch gyda'ch meddyg teulu."

BBC Cymru Fyw

Mae Llywodraeth y DU wedi cyhoeddi rhestr o weithwyr hanfodol yn ystod yr argyfwng coronafeirws. Mae'r rhestr yn berthnasol i Gymru hefyd.

Mae’r rhestr, yn ôl sectorau gwahanol, yn cynnwys:

• Iechyd a gofal – meddygon, nyrsys, bydwragedd, parafeddygon, gweithwyr gofal a chymdeithasol a staff rheng flaen y GIG;
• Addysg a gofal plant – staff dysgu a meithrinfeydd, gweithwyr cymdeithasol a staff arbenigol;
• Gwasanaethau cyhoeddus hanfodol – gweithredwyr y gyfundrefn gyfiawnder, Staff crefyddol, elusennau, gweithwyr sydd yn darparu gwasanaethau rheng flaen, y rhai sy’n gyfrifol am y meirw, a newyddiadurwyr a darlledwyr;
• Llywodraeth leol a chenedlaethol – staff gweinyddol hanfodol sy’n cynnal gwasanaeth ymateb i argyfwng COVID-19, neu weithredu gwasanaethau budd-daliadau;
• Bwyd a nwyddau hanfodol – yn cynnwys cynhyrchu bwyd, prosesu, dosbarthu, gwerthu a chludo – yn cynnwys ar gyfer nwyddau hanfodol fel iechyd neu meddyginiaethau anifeiliaid;
• Diogelwch cyhoeddus a chenedlaethol – yr heddlu a staff gweinyddol, staff sifil y Weinyddiaeth Amddiffyn, staff y lluoedd arfog, y gwasanaeth tân, staff yr Asiantaeth Droseddau Genedlaethol, diogelwch ffiniau, staff carchardai a’r gwasanaeth prawf;
• Trafnidiaeth - gweithwyr sydd yn cynnal y rhwydwaith awyr, ffyrdd, rheilffordd a nwyddau ffyrdd i redeg;
• Y gwasanaethau ynni, arianol a chysylltiadau – yn cynnwys gweithwyr banc, cymdeithasau adeiladu, y diwydiant olew, nwy a dŵr, isadeiledd data a gwybodaeth technoleg, gweithwyr y diwydiant niwclear, cemegau a telegyfathrebu.

BBC Cymru Fyw

Yn dilyn trafodaethau gyda’r llywodraeth mae cwmni trenau GWR wedi cyhoeddi y bydd yn cyfyngu ar nifer y gwasanaethau rheilffyrdd fydd ar gael o ddydd Llun 23 Mawrth.

Y gobaith ydi rhedeg gwasanaethau cyfyngedig er mwyn galluogi gweithwyr hanfodol I drafeilio yn ystod yr argyfwng.

Bydd y cwmni’n hysbysebu’r newidiadau i’w hamserlen yn ystod y penwythnos sydd i ddod.

Trafnidiaeth Cymru

Mae cwmnni trenau Trafnidiaeth Cymru wedi cyhoeddi eu bod yn cwtogi gwasanaethau oherwydd yr argyfwng coronafeirws, dolen allanol.

Maen nhw'n dilyn esiampl cwmni GWR a wnaeth gyhoeddiad tebyg yn gynharach.

Bydd amserlen dydd Sul Trafnidiaeth Cymru yn weithredol drwy'r wythnos, ond mae manylion pellach ar gael trwy glicio'r linc uchod.

BBC Cymru Wales

2/2

Ar draws y ddau wasanaeth cenedlaethol, rydym yn cynllunio Prosiect Gwrando newydd – i gysylltu cymunedau a theuluoedd o ar draws Cymru ac i ddarparu archif parhaol o’r straeon sydd wrth galon yr argyfwng.

Bydd BBC Sesh yn chwarae rhan hefyd – gan adlewyrchu’r effaith mae’r coronafeirws yn cael ar bobl ifanc. Bydd cyfranwyr sydd â chyflyrau megis OCD, gorbryder a pharlys yr ymennydd yn ysgrifennu erthyglau a blogiau i ddisgrifio'r effaith a geir ar eu bywydau – yn ogystal â tips defnyddiol.