Mae'r pwyllgorau lleol eleni wedi codi rhyw £470,000 ac "wedi codi mwy na'r hyn yr oedd yr Eisteddfod Genedlaethol yn gofyn ac wedi codi mwy na'r ail darged a osodwyd," medd Cadeirydd y Pwyllgor Gwaith, Elin Jones.

"Mae pob cymuned o Aberteifi, hyd at ffiniau Machynlleth, wedi cwrdd â'u targed ac felly wedi chwalu y darlun stereotype o'r Cardi," meddai.

Mae'r Talwrn ar fin dechrau a'r ciw yn tyfu ...

Pob hwyl i dimau Dros yr Aber a Chrannog.

Un atyniad poblogaidd yn sicr mewn unrhyw Eisteddfod yw Sioe Cyw - ac mae'r torfeydd yn heidio yn barod.

Merin yn mwynhau llond llaw o beints cynta Bar Williams Parry amser cinio!

Yr unig ddwy stondin fwyd oedd ar gau amser cinio… oedd y ddau le bwyd figan. Tref gig yw Tregaron yn amlwg!

Mae Huw Davies a'i dad, Mervyn, o Landdewi Brefi wedi llunio cadair allan o focs a deunyddiau y maent wedi dod o hyd iddyn nhw ar sgip cwmni adeiladu o Dregaron.

"Mae dad bellach yn ei saithdegau ac ry'n wedi mwynhau yn fawr. Mae dad yn grefftwr da," meddai.

Ffynhonnell y llun, Huw Davies

Ffynhonnell y llun, Barddas

Anwen Pierce oedd awdur y cywydd croeso cyntaf i'r Brifwyl (hynny ar gyfer 2020) - a dywed ei bod yn falch eithriadol o'r fraint gan nad oes llawer o ferched wedi ysgrifennu cywyddau croeso i'r Eisteddfod yn y gorffennol.

Gwenallt Llwyd Ifan yw awdur yr ail gywydd croeso sef prifardd Eisteddfod AmGen 2021.

Mae ardaloedd ar draws y sir wedi bod yn brysur iawn yn paratoi at ymweliad y Brifwyl.

Yn Llangeitho mae nhw wedi bod yn gwlânfomio – gan gyfarfod yn rheolaidd i wau a chrosio.

Mae’r pentref bellach yn llawn lliw wedi i aelodau o’r gymuned fod yn gwau ac yn gwnïo troedfeddi o byntin, cannoedd o flodau a dail, ynghyd â sanau lliwgar o wlân ar gyfer arwyddion ffordd lleol.

Er gwaetha’r tywydd llwm mae ‘na dipyn o’r hetiau bwced i’w gweld o gwmpas y maes yn barod.

Unwaith bydd y tywydd yn brafio, tybed pa mor hir fydd hi tan fod y rhain i gyd wedi’u gwerthu!

Fel ag sy'n draddodiadol mae lle amlwg i fandiau pres ar ddydd Sadwrn cyntaf y Brifwyl - ac yn cloi'r gystadleuaeth gyntaf mae Band Arian Cross Keys a Band Arian RAF Sain Tathan.

Amser cinio roedd yna gyfle i lenorion ifanc gael dweud eu dweud yng nghwmni Eurig Salisbury.

Mae'r llenorion wedi ennill tlysau llenyddol mewn eisteddfodau bach yn ddiweddar.

Mae'n prysuro ar y Maes wedi bore cymharol dawel - ac mae'r tywydd yn gwella!

Mae 'na rywun wedi cyrraedd y Maes yn llwythog iawn.

Mae Erin, 3, o Fryn Iwan ger Caerfyrddin yn helpu dad-cu i gludo'r llwyth.

Ina a'i brawd bach Euros o Lanidloes yn mwynhau amser cinio ar y maes.

Ffynhonnell y llun, bbc

BBC Radio Cymru

Merched y Wawr

Fe fydd dydd Sadwrn yn ddiwrnod i gofio cymeriadau blaenllaw sydd wedi'u colli yn ystod y blynyddoedd diwethaf.

Bydd Merched y Wawr yn cofio am gyfraniad dau lywydd a fu’n weithgar iawn gyda’r mudiad sef Mair Penri a Sylwen Lloyd Davies.

Roedd y ddwy yn aelodau o gangen Y Parc lle sefydlwyd Merched y Wawr yn 1967.

“Braf iawn fydd gweld cyd-aelodau yn cymryd rhan yn y cyflwyniad yn Theatr y Maes ac aelodau o deuluoedd y ddwy ynghyd â Geunor Roberts yr Is-lywydd Cenedlaethol a oedd yn ffrind i'r ddwy,” medd y Cyfarwyddwr Cenedlaethol, Tegwen Morris.

“Edrychwn ymlaen i ddathlu eu cyfraniad anhygoel i'r Gymraeg, eu cymuned ac i Gymru.”

Ffynhonnell y llun, Elin Jones

Tregaron yw lleoliad y Brifwyl ond mae ardaloedd ar draws y sir wedi uno i estyn croeso twymgalon i Geredigion.

Dydi hi ddim cweit yn dywydd twba twym ar hyn o bryd!

Mae'r eliffantod yn bla ar y maes ac mae Benji, 2, o Gaerdydd wrth ei fodd.

Mm tybed oes yna un wedi'i gladdu y tu ôl i'r Talbot yn Nhregaron?