Eisteddfod Ceredigion yn agor ei drysau yn swyddogol wedi iddi gael ei gohirio ddwywaith yn sgil Covid
Ceredigion gyfan yn croesawu'r brifwyl
Problemau y cyflenwad dŵr yn cael eu datrys
Y pafiliwn bron yn llawn ar gyfer 'Lloergan'
Diwrnod y bandiau pres a'r cystadleuwyr ifanc
Cofio Sylwen Lloyd Davies, Mair Penri ac Aled Lloyd Davies
Os ydach chi wedi anghofio’ch potel ddŵr, dydych chi ddim chwaith yn gallu torri’ch syched yn Bar Williams Parry (yr hen Far Gwyrdd). Wel, ddim nes 11:00 beth bynnag!
Bar Williams Parry yw enw'r bar newydd - a Gruffudd Antur a enillodd y gystadleuaeth i'w enwi.
Braidd dim ciwiau, o ran traffig ac wrth y fynedfa, wrth i bobl gyrraedd y maes am 9:00 heddiw.
Mae’r glaw mân wedi stopio am y tro, a’r tywydd yn glos iawn, ond dewch â chot a sgidiau addas efo chi beth bynnag.
Fore Sadwrn mae'r broblem dŵr yfed yn parhau ar y maes ac mae arbenigwyr yn parhau i gynnal profion.
Mae'r Eisteddfod wedi darparu poteli i bawb.
"Ry'n yn falch iawn o hynny ac yn gwerthfawrogi," medd Tegwen Morris, Cyfarwyddwr Cenedlaethol Merched y Wawr.
Tegwen Morris (chwith), Llinos Jones a Glenda Jones yn paratoi'r te yn Merched y Wawr
Cafodd Eisteddfod Ceredigion ei chyhoeddi yn 2019 yn Aberteifi – ond pwy fyddai wedi meddwl ar y pryd na fyddai’n cael ei chynnal tan 2022?
Cafodd ei gohirio’n wreiddiol ddiwedd Mawrth 2020 yn sgil y pandemig a’i gohirio am yr eildro yn niwedd Ionawr 2021.
Ond wedi hir aros mae hi yma ac mae’r croeso’n gynnes i wersyllwyr, carafanwyr, adroddwyr, dawnswyr, cantorion – PAWB.
Croeso i’r newyddion diweddaraf ar ddiwrnod llawn cyntaf Eisteddfod Genedlaethol 2022.
Gydol yr wythnos bydd gohebwyr Cymru Fyw ar y maes.
Ydi wedi hir ddisgwyl mae’r Eisteddfod yma o’r diwedd ac mae yna groeso mawr iddi ar draws y sir.
