Crynodeb

  • Miloedd yn heidio i Dregaron ar ddechrau wythnos y brifwyl

  • Esyllt Maelor yn ennill y Goron yn Nhregaron

  • Ysgrifennydd Cymru yn dweud ei bod yn "amser cyffrous i'r iaith"

  • Gwyn Nicholas, Llanpumsaint yn derbyn Medal Goffa Syr TH Parry-Williams

  • Cannoedd o aelodau CFFI yn perfformio yn sioe nos y pafiliwn

Y diweddaraf yn fyw

  1. Paratoi ar gyfer urddo aelodau newydd i'r Orsedd

    Paratoi i urddo aelodau newydd i'r Orsedd

    Pwy yw aelodau newydd yr Orsedd eleni? Maen nhw'n paratoi i gael eu hurddo cyn i'r cyntaf o'r prif seremonïau ddechrau ddydd Llun.

    Cynulleidfa seremoni urddo'r Orsedd

    Y gynulleidfa'n barod ar gyfer seremoni urddo'r Orsedd

    Mae'r gynulleidfa'n barod i fwynhau seremoni'r urddo ac mae'r tywydd yn braf yn Nhregaron!

  2. Cymorth ar gael i bobl ag anableddau

    Wrth ymateb i rai cwynion am doiledau i bobl ag anableddau dywedodd Prif Weithredwr yr Eisteddfod, Betsan Moses, ar Dros Frecwast: "Ma 'na doiledau i bobl ag anableddau ymhob un o'r toiledau ac maen nhw ar gyfer cadeiriau olwyn, mae 'na hefyd [gyfleusterau] arbennig ar y maes carafanau.

    "O ran cadeiriau olwyn, mae gynnon ni - ar hyd y maes - dracfyrddau sy'n gwbl addas ond wrth gwrs, mae'n faes eang.

    "Felly mae 'na gymorth. Wrth i chi ddod i mewn i'r brif fynedfa, mae Byw Bywyd yno, mi allwch chi gael sgwter, felly maen nhw yno i'ch cynorthwyo chi, i edrych ar eich anghenion chi, ac i nodi beth fyddai fwyaf addas ar eich cyfer chi.

    "Felly 'da chi, allwch chi ffonio o flaen llaw, neu ewch atyn nhw a mi wnawn nhw eich cynghori chi beth fyddai fwyaf addas."

    Y Maes fore LlunTegwen Morris

    Y Maes fore Llun

  3. Yr eliffant a'i griw yn denu cryn sylw

    Twitter

    Roedd Gorymdaith Llusern yn wledd i'r llygad yn hwyr nos Sul - fel y mae nifer wedi tystio ar y cyfryngau cymdeithasol.

    Nid yw’r post yma ar X yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar X.
    Nid yw'r BBC yn gyfrifol am gynnwys safleoedd allanol
    I osgoi neges X

    Caniatáu cynnwys X?

    Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X a pholisi preifatrwydd cyn derbyn. I weld y cynnwys yma dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  4. Mae'r tywydd yn braf a phobl yn dechrau cyrraedd!

    Cyffro fore Llun wrth i bobl ddechrau cyrraedd y maes

  5. Edrych yn 'smart' yn y gŵn gwyrdd!

    Mae nifer yn cael eu hurddo i'r Orsedd bore 'ma - y mwyafrif wedi sefyll arholiad neu'n cael eu derbyn ar sail eu gradd.

    Ac oes, mae yna gyfarwyddiadau yng nghefn y llwyfan.

    Bydd y rhai sy'n cael eu hurddo, er anrhydedd, yn cael eu derbyn i'r Orsedd fore Gwener.

    Goredd

  6. Yr eliffant yn cael lle amlwg yn yr Orymdaith Llusern

    Llusern

    Un o uchafbwyntiau nos Sul oedd yr Orymdaith Llusern - roedd hi fod i ddigwydd nos Sadwrn ond fe'i gohiriwyd yn sgil y glaw.

    Ac oedd mi oedd yna le amlwg i'r eliffant - hynny'n arwyddocaol, efallai, gan bod yna sôn fod eliffant wedi ei gladdu y tu ôl i'r Talbot yn Nhregaron.

    Gorymdaith LlusernEisteddfod Genedlaethol

  7. Y dorf yn heidio ar ddiwrnod y Coroni

    Maes
    Maes

  8. Awyr las yn croesawu eisteddfodwyr

    Maes

    Mae'n brysur wrth y brif fynedfa, medd ein gohebwyr ar y maes a'r tywydd yn ffafriol.

  9. Clywed 'Yma o Hyd' filltiroedd o'r Maes nos Sul

    Yma o Hyd i'w chlywed am filltiroedd o'r Maes nos Sul

    Dafydd IwanEisteddfod Genedlaethol

    Roedd miloedd yn gwrando ar Dafydd Iwan nos Sul yn perfformio ar Lwyfan y Maes - ac roedd y dorf wrth ei bodd wrth iddo ganu y clasuron - yn eu plith Paentio'r Byd yn Wyrdd, I'r Gad ac wrth gwrs Yma o Hyd.

    Dafydd IwanEisteddfod Genedlaethol

  10. Pwy sydd ar frys i ddarllen Lol tybed?

    Mae cylchgrawn Lol bellach wedi cyrraedd y Maes - tybed pa wynebau cyfarwydd fydd yn rhan o’r dychanu blynyddol eleni?

    Lol

  11. 'Canu bendigedig' yn Nhregaron nos Sul

    Roedd yna dorf fawr yn bresennol yn y Gymanfa Ganu nos Sul o dan arweiniad Delyth Hopkins Evans.

    Dr Godfrey Williams o Bontcysyllte ger Llangollen oedd cyfansoddwr yr emyn-dôn fuddugol ac fe'i canwyd gan gôr yr Eisteddfod i eiriau John Meurig Edwards, sy'n enedigol o fro'r Brifwyl.

    "Am Gymanfa, ac am Arweinydd. Diolch i Delyth, y côr a phawb! O! Ganu bendigedig heb ddiwedd byth i’r gân," medd Elin Jones, Cadeirydd y Pwyllgor Gwaith ar ddiwedd y canu.

    Elin Jones, Cadeirydd y Pwyllgor Gwaith a Delyth Hopkins Evans, arweinydd y Gymanfa Ganu nos SulElin Jones

    Elin Jones, Cadeirydd y Pwyllgor Gwaith a Delyth Hopkins Evans, arweinydd y Gymanfa Ganu nos Sul

  12. 'Da chi, dilynwch yr arwyddion!'

    unfforddEisteddfod Genedlaethol

    Mae system unffordd mewn grym yn Nhregaron yr wythnos hon er mwyn delio â’r traffig.

    Mae’r traffig yn symud (yn erbyn y cloc) o Ffordd yr Orsaf ar yr A485 i Stryd y Capel ar y B4343 ac yna tuag at Ysgol Henry Richard, ac yn ôl tuag at yr A485.

    Wrth siarad ar Dros Frecwast, fe bwysleisiodd y prif weithredwr, Betsan Moses, pa mor bwysig yw dilyn arwyddion yr Eisteddfod wrth geisio cyrraedd y maes.

    Dywedodd bod ambell broblem traffig wedi bod dair blynedd yn ôl yn Llanrwst wrth i bobl ddilyn gwahanol drywyddau.

    Ond, dywedodd fod pethau wedi bod yn ddigon hwylus eleni.

    "Ddydd Sadwrn a ddydd Sul, dy'n ni heb gael unrhyw broblemau achos ma' nhw [ymwelwyr] wedi dilyn y cyfarwyddiadau.

    "Mae arbenigwyr wedi creu'r system i sicrhau bod 'na daith hwylus, felly da chi, dilynwch yr arwyddion."

    Does yna ddim hawl parcio mewn rhai mannau yn y dre yr wythnos hon.

    parcio Tregaron

  13. Croeso i ddydd Llun Eisteddfod Ceredigion 2022

    Tregaron

    Croeso i’r newyddion diweddaraf ar ddydd Llun Eisteddfod Genedlaethol 2022.

    Gydol yr wythnos mae gohebwyr Cymru Fyw ar y maes ac mae'n braf cael eich cwmni.

    Tregaron