Perfformiad i ddiddanu cyn-fyfyrwyr Prifysgol Bangor yn eu haduniad brynhawn 'ma

Fe symudodd y ffotograffydd Sam Stevens, 24, gyda'i deulu i bentref bach Llangeitho ger Tregaron yn 13 oed yn 2011.

Ers hynny mae Sam, sydd wedi astudio delweddau ffasiwn ym Mhrifysgol Salford a ffotograffiaeth ym Mhrifysgol De Cymru, wedi bod â diddordeb mawr yn yr ardal a'i phobl.

Fel Sam ei hun dros ddegawd yn ôl, bydd llawer yn cael blas ar yr ardal am y tro cyntaf yr wythnos hon, a diolch i'r Eisteddfod eleni mae'r ffotograffydd wedi cael cyfle i ddogfennu'r ardal a'i phobl ar gyfer Cymru Fyw.

Dyma gipolwg ar daith Sam o gwmpas Tregaron drwy lens ei gamera ffilm.

Ffynhonnell y llun, Sam Stevens

Cymuned Tregaron yn ei hanfod gan y ffotograffydd lleol Sam Stevens.

Ym Mhabell Cymdeithasau 1 mae cyn-Gomisiynydd Plant Cymru, Sally Holland, yn sgwrsio gyda’r Athro Richard Wyn Jones am ei chyfnod yn y swydd.

Er bod ganddi berthynas dda â rhai o weinidogion Llywodraeth Cymru beth bynnag, meddai, mae’n dweud bod cyfnod y pandemig wedi golygu eu bod nhw wedyn yn gwrando arni’n amlach.

“Ro’n nhw’n dibynnu ar swyddfa fi i ddweud beth oedd yn mynd mlaen gyda phlant,” meddai.

Ychwanegodd bod swyddi’r gwahanol Gomisiynwyr yng Nghymru yn arbennig o bwysig oherwydd bod maint y Senedd yn “rhy fach”, ac felly bod dim amser gan ASau i “graffu ar bopeth” o fewn meysydd polisi heb eu help nhw.

Dyma Twm a Manon yng Nghaban Gwybodaeth y 'Steddfod.

Mae’n ddiwrnod aduniad myfyrwyr Aberystwyth ac mae ‘na ddegau o gyn-fyfyrwyr wedi cyrraedd i rannu atgofion am y dyddiau da!

Amser am seibiant i rai ym mhabell y Coleg Cymraeg gyda Gwilym Bowen Rhys yn swyno'r gynulleidfa

Enillydd Albwm Cymraeg y Flwyddyn 2022, Sywel Nyw gyda Glyn Rhys-James a Cherddorfa Genedlaethol Gymreig y BBC.

Côr bechgyn Plasmawr yn codi canu!

Eisteddfod Genedlaethol Cymru

Bydd yr enillydd yn cael ei gyhoeddi o fewn yr awr. Ond, cyn hynny, fe gafodd ymwelwyr â'r Eisteddfod gyfle i gwrdd â'r pedwar sydd yn y rownd derfynol.

Mae 'na res hir yn aros tu allan i gael prynhawn o adloniant a seremonïau ar y Llwyfan.

Bydd enillydd Dysgwr y Flwyddyn yn cael ei gyhoeddi am 15:00 a'r Prif Lenor Rhyddiaith am 16:30

Mae ‘na waith celf trawiadol hefyd i fyny ar stondin Caru Ceredigion, yn portreadu rhai o gymeriadau adnabyddus yr ardal.

Yn eu plith mae T. Llew Jones, Menna Elfyn, Hywel Teifi Edwards, Lleucu Roberts, Caryl Lewis, Dic Jones a Lyn Ebenezer. Mae’r wynebau ar y lluniau wedi’u ffurfio gyda map o fro eu mebyd.

Dilynwch DJ Elan Evans o gwmpas Maes B i gael gwybod y cyfan cyn i'r gigs ddechrau'n swyddogol heno.

Pob lwc yn dod o hyd i fwrdd i fwyta'ch cinio - mae'n orlawn!

Ffynhonnell y llun, Dion Wyn Jones

Albwm y Flwyddyn yw 'Deuddeg' gan Sywel Nyw.

Lewys Wyn yw'r artist ac fe wnaeth gydweithio gydag 11 artist gwahanol i greu'r albwm, gan gyhoeddi 12 sengl dros flwyddyn.

"Do'n i'm isio g'neud albwm ar ei ffurf draddodiadol felly dyma oedd y syniad gora' ddes i fyny hefo! Oherwydd mod i'm yn fand o'n i'n gweld fod gen i'r rhyddid i 'neud be bynnag o'n i isio," dywedodd yn gynharach eleni.

Mae'n edrych yn ddigon gwyntog ar y Maes heddiw hefyd!

Ffynhonnell y llun, Sara Rees

Mae'r Lle Celf yn lleoliad gwych i weld gwaith gan artistiaid Cymru - ac i gael sgwrs wrth gwrs!

Llongyfarchiadau mawr i Edward Rhys-Harry, enillydd Tlws y Cerddor eleni. Y dasg oedd creu opera fer o un gân gorws a dwy gân i unawdwyr ynghyd ag amlinelliad cryno o’r opera gyfan.

Dywedodd y beirniaid fod "diniweidrwydd a symlrwydd i’r cyfansoddi" a'u bod yn gytûn mai Edward Rhys-Harry oedd yn haeddu'r wobr.

Darllenwch ragor o sylwadau'r beirniaid yma.

Maggi Noggi yn cyfleu ymateb sawl un ohonom i weld stondin pitsa a prosecco ar y Maes...

Byth yn rhy gynnar am brosecco bach ar y Maes...