Sioned Erin Hughes yw Prif Lenor Eisteddfod Ceredigion 2022
Joe Healy yn cael ei enwi yn Ddysgwr y Flwyddyn
Sywel Nyw a'i albwm, Deuddeg, enillodd Albwm Cymraeg y Flwyddyn eleni
Aeth Tlws y Cerddor i Edward Rhys-Harry
Cofiwch am Frwydr y Bandiau heno ac am yr holl gystadlu ar lwyfan y Pafiliwn
O'r cerdd dant i'r stepio, mae 'na ddigon o arlwy amrywiol ar lwyfan y Pafiliwn ddydd Mercher.
Cofiwch, gallwch wylio'r cyfan yma
Carys Griffiths-Jones a Dafydd Jones yn y Deuawd Cerdd Dant 21 oed a throsodd
Cadi Fflur Evans - Dawns Stepio Unigol i Ferched 18 oed a throsodd
Fe allem ddweud wrthoch chi pam fod 'na gathod yn chwarae'r delyn ar y Maes - neu mi allem adael i chi ddyfalu!
(Ffilmio fideo cerddoriaeth i Kathod maen nhw, os 'dach chi isio'r ateb)
Ffynhonnell y llun, Manon Wyn JonesAr ôl y glaw ddydd Mawrth, mae hi i weld yn fwy prysur ar y Maes heddiw.
Ydych chi wedi gweld sioe Theatr Genedlaethol Cymru yr wythnos hon? Heddiw yw'ch cyfle olaf chi.
Caniatáu cynnwys X?
Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X, dolen allanol a pholisi preifatrwydd, dolen allanol cyn derbyn. I weld y cynnwys yma dewiswch ‘derbyn a pharhau’.
Pabell y Pentref Gwyddoniaeth a Thechnoleg dan ei sang gyda Sioe Gerddorol i blant - Ceffyl y Sêr - gan Philomusica, Aberystwyth
Sioe Gerddorol i blant
Bydd 'na le amlwg i gerddorion Cymru ar y Maes ddydd Mercher gyda chyhoeddi enillwyr Tlws y Cerddor, Albwm y Flwyddyn a Brwydr y Bandiau.
Ffynhonnell y llun, Eisteddfod GenedlaetholTorf Llwyfan y Maes yn mwynhau'r arlwy nos Lun
Ychydig yn fwdlyd fore Mercher
Roedd y pafiliwn dan ei sang nos Fawrth wrth i Cabarela ddiddanu yno am y tro cyntaf. Roedd y sioe yn rhan o arlwy 'Mas ar y Maes' sy'n dathlu'r gymuned lesbiaidd, hoyw, ddeurywiol a thraws fel rhan o'r Eisteddfod.
Caniatáu cynnwys X?
Mae’r erthygl yma’n cynnwys elfennau sydd wedi eu darparu gan X. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis X, dolen allanol a pholisi preifatrwydd, dolen allanol cyn derbyn. I weld y cynnwys yma dewiswch ‘derbyn a pharhau’.
Ond mae'n brafio! Dyma oedd yr olygfa wrth i ohebwyr Cymru Fyw gyrraedd y Maes y bore 'ma. Rhywfaint o fwd dan draed, ond mae'n gwella.
Awyr las drwy'r cymylau uwch y Maes fore Mercher
Er i'r glaw gilio, mae 'na dipyn o fwd yn dal i fod ar rannau o'r Maes. Felly cofiwch 'sgidiau addas pan yn dewis eich gwisg 'Steddfod bore 'ma!
Mae'n fwdlyd ar rannau o'r Maes!
Mae'r cystadlu wedi dechrau draw yn y Pafiliwn ar fore Mercher yr Eisteddfod. Dawns Stepio Unigol i Ferched 18 oed a throsodd yw’r gystadleuaeth gyntaf. Gwyliwch y cyfan yn fyw ar ein ffrwd.
Sedd yn y pafiliwn
1. Mae’n bosib cerdded o gwmpas y Lle Celf unrhyw bryd, ond i wneud yn siwr nad ydych yn colli cornel, ewch draw am 1100 a 1400 heddiw i gael taith tywys o gwmpas y gwaith.
Y Lle Celf
2. Mae pypedau yn hen ffefryn gan blant, ond sut maen nhw’n gweithio o ran eu mecanwaith? Ewch draw i’r Pentref Gwyddoniaeth a Thechnoleg am 14:45 lle bydd Owen Davies o Gwmni Cortyn yn edrych ar y broses o gynllunio a gwneud pyped.
3. Am 1730 yn y Tŷ Gwerin fe fydd digon o hwyl i’w gael (i oedolion...) wrth i unigolion gystadlu mewn cerdd dant, canu baled a dweud stori wrth geisio ennill Tlws Stomp Tŷ Gwerin.
BBC Radio Cymru
Yn dilyn cwynion am gyflwr y toiledau ar y Maes dros y diwrnodau diwethaf, fe wnaeth y prif weithredwr, Betsan Moses, bwysleisio eu bod yn edrych yn "lân iawn" fore Mercher.
Prif weithredwr yr Eisteddfod, Betsan Moses
Wrth siarad ar Dros Frecwast, dywedodd: "Ma' na ddarpariaeth ychwanegol ar gyfer y toiledau, maen nhw'n cael eu glanhau'n barhaus, dw i newydd fod yn gwirio un ac ma' nhw'n edrych yn lân iawn."
Mwd dydd Mawrth
Ar ôl y mwd a'r glaw ddydd Mawrth, mae 'na obeithio am dywydd brafiach ar y Maes heddiw.
Fe aeth lori'n sownd yn mwd ar y Maes ddydd Mawrth
Bore da a chroeso i lif byw Cymru Fyw ar ddydd Mercher yr Eisteddfod.
Mae’n gohebwyr ni ar y maes felly dilynwch y diweddaraf yma gydol y dydd.
