Bydd enillydd Dysgwr y Flwyddyn yn cael ei ddewis ar Faes y Brifwyl heddiw.

Cafodd 18 o bobl o Gymru a thu hwnt eu cyfweld ar gyfer y gystadleuaeth, sy'n cael ei threfnu gan yr Eisteddfod Genedlaethol a'r Ganolfan Dysgu Cymraeg Cenedlaethol.

Y pedwar sydd wedi dod i'r brig yw Stephen Bale o Fagwyr, Joe Healy o Gaerdydd, Ben Ó Ceallaigh o Aberystwyth a Sophie Tuckwood o Hwlffordd.

Yn ôl beirniaid y rownd gynderfynol - Cyril Jones, Elwyn Hughes ac Angharad Prys - roedd y safon yn uchel eleni eto, a gallai tua wyth o'r ymgeiswyr fod wedi bod yn deilwng o gyrraedd y rownd derfynol.

Ffynhonnell y llun, Eisteddfod Genedlaethol

Llongyfarchiadau i Ceri a Ruth am ddod yn fuddugol yn y gystadleuaeth Deuawd Cerdd Dant 21 oed a throsodd.

Am fwy o ganlyniadau'r dydd cliciwch yma

Mudiad Meithrin

Mae 'na wenu o glust i glust yn ardal chwarae'r Mudiad Meithrin heddiw a digon i ddiddanu'r Eisteddfodwyr bach.

Dyma daith sydyn o gwmpas y Maes yn ystod awr brysur amser cinio.

Dyma Miriam ac Oliver o Fae Colwyn mewn lle poblogaidd gyda phobl ifanc ar y Maes.

Canlyniadau a chlipiau uchafbwyntiau // Results round-up.

Mae Pennaeth Cyfathrebu Cymdeithas Bêl-droed Cymru, Ian Gwyn Hughes, wedi denu torf sylweddol i stondin Caru Ceredigion y prynhawn ‘ma.

“Mae mwy yma nag oedd yn arfer dod i rai o gemau Cymru yn y gorffennol!” meddai wrth groesawu’r gynulleidfa.

Mae Mr Hughes wedi bod yn rhan ganolog o’r Gymdeithas yn ystod y blynyddoedd llwyddiannus diweddar, gan roi lle canolog i’r Gymraeg yn eu gwaith.

“Dwi bob tro wedi credu ym mhotensial pêl-droed Cymru, ond bod hynny ddim yn cael ei wireddu [ar y pryd],” meddai, “ond mae’r ddegawd ddiwethaf wedi bod yn anhygoel.”

BBC Radio Cymru

Mae ‘na ddigon o hetiau bwced pêl-droed i’w gweld o gwmpas y Maes yr wythnos yma (tybed pam?) ⚽ Ond os nad ydych chi’n un am y coch, gwyrdd a melyn, mae ‘na rai amryliw eraill dim ond i chi fynd i chwilio.

Mae dydd Mercher ar y Maes yn golygu rhifyn newydd o Golwg - ac felly mae’r gwerthwyr ifanc yn brysur wrthi.

Dyma Beca a Carys yn crwydro’r Maes - maen nhw’n siŵr o ofyn i chi a hoffech chi gopi!

Dyma Glesni Rhys Jones yn cystadlu yn yr Unawd Soprano 19 ac o dan 25 oed.

Eisiau gwylio'r holl gystadlu? Cliciwch yma i ddilyn y cyfan.

Steffan Harri a Gillian Elisa - dau wyneb cyfarwydd - yn beirniadu'r unawd sioe gerdd dros 19 oed.

Wel bydd y digwyddiad perffaith i chi ym mhabell Maes D nes ymlaen...

BBC Radio Cymru

Ar drothwy cyhoeddi enillydd Dysgwr y Flwyddyn ddydd Mercher, bu trafodaeth ar raglen Dros Frecwast am y term "dysgwr".

Yn ôl un sydd wedi dysgu'r iaith, dywedodd ei fod yn "hapus gydag unrhyw beth sy'n atynnu bobl at yr iaith" a'i fod o'r farn nad oes angen term amgen.

Ond, fe awgrymodd un arall bod 'siaradwr newydd' yn swnio fel term "mwy positif".

Dyma Cemlyn Jones a Gwion Llwyd o Lanrug, sy’n gwersylla drwy’r wythnos, yn mwynhau ar Maes.

Ffansi paned bach cyn cinio? Ewch draw i babell Merched y Wawr fel y degau o bobl sydd wedi gwneud hynny'n barod.

Pum mlynedd wedi pasio ers y Maes B llawn diwethaf mewn cae, a llawer wedi "colli cyfle" yn y cyfamser.

Wedi gŵyl ddinesig Caerdydd a glaw mawr Llanrwst, mae yna gryn gyffro wrth gyrraedd Maes B Tregaron.

Mae'r prif weithredwr, Betsan Moses, yn dweud bod tua 1,000 o bobl ifanc wedi cyrraedd Maes B ddoe.

Fe agorodd arlwy’r maes ieuenctid gyda set DJ neithiwr, a heno bydd y bandiau’n dechrau chwarae yno