Top tips gan y cyn-archdderwydd?wedi ei gyhoeddi 11:21 Amser Safonol Greenwich+1 5 Awst 2022
Mae Elin Haf Gruffydd Jones yn cael ei hurddo hefyd. Cyfle am bach o gyngor gan y cyn-archdderwydd, Christine James, bore 'ma?
Crynodeb
Llŷr Gwyn Lewis yw enillydd Cadair Eisteddfod Ceredigion 2022
Y Prif Weinidog, Mark Drakeford, ac eraill wedi cael eu derbyn i'r orsedd, er anrhydedd
Y diweddaraf gan ein gohebwyr ar faes y Brifwyl yn Nhregaron
Top tips gan y cyn-archdderwydd?wedi ei gyhoeddi 11:21 Amser Safonol Greenwich+1 5 Awst 2022
Yr Archdderwydd, Myrddin ap Dafydd, yn cynnal seremoni'r urddowedi ei gyhoeddi 11:16 Amser Safonol Greenwich+1 5 Awst 2022
Trystan Lewis - Trystan Talhaearn - yw'r cyntaf i fynd i gael ei urddo.
Dilynwch y cystadlu ar y llwyfanwedi ei gyhoeddi 11:12 Amser Safonol Greenwich+1 5 Awst 2022
Hawliwch eich sedd rithiol yn y Pafiliwn trwy glicio yma.
Mae'r cyfan yn fyw trwy gydol y dydd.
Tri pheth i wneud ar y Maes ddydd Gwenerwedi ei gyhoeddi 11:07 Amser Safonol Greenwich+1 5 Awst 2022
Ar ôl i aelodau newydd gael eu hanrhydeddu, bydd yr Orsedd yn ymgynnull eto ddiwedd y pnawn ar gyfer Seremoni’r Cadeirio.
Fe gafodd hi ei chlodfori am ei cherddi yn y brif seremoni ddydd Llun, ond bydd rhan bwysig arall o waith Bardd y Goron i'w glywed ar y Maes heddiw. Am 11:15 ym mhentref Dysgu Cymraeg Maes D, stori'r dydd ydi Llond Bol gan Esyllt Maelor - a gyhoeddodd gyfrol o straeon ar gyfer dysgwyr eleni. Y storïwr ydi Fiona Collins.
Ac am 13:00 ewch draw i Lwyfan y Maes i glywed perfformiad o ganeuon sioeau gerdd gyda sêr Welsh of the West End.
Degau'n rhagor yn cael eu derbyn i'r Orseddwedi ei gyhoeddi 11:05 Amser Safonol Greenwich+1 5 Awst 2022
Disgrifiad, Seremoni urddo'r Orsedd ddydd Gwener
Wyneb cyfarwydd? Mae Mark Drakeford ar fin cael ei urddowedi ei gyhoeddi 10:55 Amser Safonol Greenwich+1 5 Awst 2022
Disgrifiad o’r llun, Mae'r prif weinidog, Mark Drakeford, yn cael ei urddo i'r Orsedd er anrhydedd
Codi arian i gael ysgol arall yn Nhrevelin, Patagoniawedi ei gyhoeddi 10:51 Amser Safonol Greenwich+1 5 Awst 2022
BBC Radio Cymru
Ar raglen Dros Frecwast BBC Radio Cymru y bore ‘ma, bu Garry Owen yn siarad gyda Sandra de Pol o Gymdeithas Cymru-Ariannin.
Mae ymgyrch ar droed ar hyn o bryd i godi arian ar gyfer ysgol uwchradd ddwyieithog newydd yn Nhrevelin, Patagonia.
“Y digwyddiad cyntaf fydd taith gerdded ‘O Gymru i’r Wladfa’ fydd yn digwydd yn ystod pythefnos y Pasg y flwyddyn nesaf,” meddai.
“Croeso i unrhyw un a hoffai gyfrannu at hynny a chymryd rhan yn y daith gerdded i gysylltu â’r gymdeithas.”
Busnesau Tregaron yn elwa o'r Eisteddfod?wedi ei gyhoeddi 10:42 Amser Safonol Greenwich+1 5 Awst 2022
Disgrifiad o’r llun, Mae caffi Coffi a Bara wedi'i leoli ger prif faes parcio Tregaron
"Mae'r dyddiau diwetha' wedi bod yn brysur iawn ac mae hi wedi bod lot yn fwy prysur nag arfer," medd perchnogion caffi Coffi a Bara yn Nhregaron.
"Mae cael Eisteddfod yn y dre' wedi bod yn help mawr i'r economi fan hyn yn lleol. Ni wedi gweld lot o bethau'n digwydd, pobl yn dod mewn i fan hyn ac yn gwario arian - mae e'n helpu lot."
Mae disgwyl tua 150,000 o bobl yn ymweld ag ardal bro'r Eisteddfod Genedlaethol ac mae'r Brifwyl yn amcangyfrif y bydd gwerth y digwyddiad yn lleol rhwng £6m ac £8m.
Twristiaeth a'r diwydiant lletygarwch sydd yn elwa fwyaf.
Darllenwch ragor am brofiadau'r busnesau lleol yma.
Cystadleuydd cyntaf y dyddwedi ei gyhoeddi 10:38 Amser Safonol Greenwich+1 5 Awst 2022
Dyma Hannah Lowri Roberts o Gaerdydd yn cystadlu yn y Rhuban Glas Offerynnol 19 oed a throsodd
Enfys uwch y Maes 🌈wedi ei gyhoeddi 10:31 Amser Safonol Greenwich+1 5 Awst 2022
Deffrwch, bobl!
Llonyddwch...wedi ei gyhoeddi 10:27 Amser Safonol Greenwich+1 5 Awst 2022
Ydych chi wedi gweld y Maes mor dawel â hyn? Cyn i'r stondinau agor a'r dorf ddechrau cyrraedd, dyma oedd yr olygfa bore 'ma. Mae'n siwr o brysuro!
Amser brecwast!wedi ei gyhoeddi 10:21 Amser Safonol Greenwich+1 5 Awst 2022
Rhai o uchafbwyntiau Dydd Gwener yr Eisteddfodwedi ei gyhoeddi 10:16 Amser Safonol Greenwich+1 5 Awst 2022
Mae'n ddiwrnod mawr - diwrnod y Cadeirio.
Bydd y brif seremoni honno'n digwydd yn y Pafiliwn tua 16:30.
Cyn hynny, bydd mwy yn cael eu hurddo i'r Orsedd, gan gynnwys y prif weinidog, Mark Drakeford.
Bydd digonedd o sgyrsiau difyr ar y Maes a pherfformiadau lu.
Dilynwch y cyfan gyda ni!
Paratoi ar gyfer yr Urddowedi ei gyhoeddi 10:12 Amser Safonol Greenwich+1 5 Awst 2022
Bydd y seddi gwag yn llawn ymhen ychydig gyda rhagor yn cael eu hurddo i'r Orsedd
Oeddech chi yng Ngig y Pafiliwn neithiwr?wedi ei gyhoeddi 10:05 Amser Safonol Greenwich+1 5 Awst 2022
Roedd hi'n dipyn o noson! Alffa, Mellt, Adwaith a Gwilym oedd yn perfformio gyda cherddorion dawnus Cerddorfa'r Welsh Pops.
Gwyliwch y dorf yn symud tuag at flaen y pafiliwn i fwynhau Alffa
Disgrifiad, Y dorf yng Ngig y Pafiliwn
Yr haul yn gwenu eto... 🌞wedi ei gyhoeddi 09:59 Amser Safonol Greenwich+1 5 Awst 2022
Dyma'r olygfa wrth i'n gohebwyr gyrraedd y Maes ben bore 'ma. Y cymylau i gilio nes ymlaen gobeithio!
Bore da a chroeso i ddydd Gwener Eisteddfod Ceredigion 2022!wedi ei gyhoeddi 09:58 Amser Safonol Greenwich+1 5 Awst 2022
Dyma'r tro olaf y bydd gohebwyr Cymru Fyw yn troedio'r Maes ac yn dod â'r diweddaraf, felly dilynwch y cyfan yn fyw gyda ni heddiw!
Disgrifiad o’r llun, Dyma oedd yr olygfa ar Llwyfan y Maes brynhawn Iau