Y Prif Ddramodydd yw Cai Llewelyn Evans
Mas ar y Maes yn bump oed
Paratoi ar gyfer Gig y Pafiliwn
Dathlu cyfraniad Penri Jones - awdur Jabas a chyd-sylfaenydd Lol
Diolch am eich cwmni unwaith eto wrth ddilyn y diweddaraf o'r Eisteddfod Genedlaethol ym Moduan.
Bu'n ddiwrnod prysur arall rhwng yr holl gystadlu, gigs a'r brif seremoni wrth gwrs.
Mae 'na ddigon i ddod, cofiwch, a gallwch ddilyn y cyfan gyda ni unwaith eto 'fory.
Mwynhewch eich noson ac ymunwch â ni ddydd Gwener!
Cai Llewelyn Evans yw enillydd Medal Ddrama Eisteddfod 2023
Dyma oedd un o'r pynciau trafod gan griw 'Llais y Maes' Prifysgol Caerdydd ym Moduan heddiw ⚽👇
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cliciwch yma ar gyfer rhestr enillwyr ddydd Iau a chlipiau o'r perfformiadau.
Cofiwch fod modd gweld holl ganlyniadau'r Brifwyl hyd yma ar ein gwefan.
Lleisiau Ceiri ddaeth i'r brig yng nghystadleuaeth y Parti Cerdd Dant
Bydd hi'n noson a hanner yn y Pafiliwn Mawr!
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cafodd Cai Llewelyn Evans ei fagu ym mhentref Pontarddulais.
Ar hyn o bryd, mae'n byw yn Nhreganna gyda’i bartner, Noriko.
O ran ei waith bob dydd, mae’n aelod o Wasanaeth Cyfieithu a Chofnodi y Senedd, gan weithio’n bennaf fel cyfieithydd ar y pryd.
Cyn hynny, bu’n byw am oddeutu degawd yn ninas Tokyo, lle bu’n olygydd ac yn newyddiadurwr gyda phapur newydd y Japan Times, cyn symud i weithio ym maes gwasanaethau ariannol gyda chwmni Standard & Poor’s.
Y cam o symud yn ôl i Gymru oedd y sbardun i Cai roi cynnig ar ysgrifennu creadigol.
Cafodd ei brofiad cyntaf ar y radio ac yn dilyn hynny, ysgrifennodd ddwy ffilm fer.
Yn ystod yr un cyfnod, cafodd Cai ei ddewis i fod yn aelod o Grŵp Dramodwyr Newydd Theatr Genedlaethol Cymru.
Daeth y rhaglen hynod werthfawr a difyr hon i ben gyda darlleniadau byw o’r ddrama a ysgrifennwyd ganddo fel rhan o’r cynllun, sef Bwyd Ci, yn Theatr y Sherman a Chanolfan y Mileniwm. Ar hyn o bryd, mae’n cydweithio â Chwmni Theatr Bara Caws ar brosiect comedi.
Cai Llewelyn Evans, sy'n wreiddiol o Bontarddulais ger Abertawe, sy’n cipio Medal Ddrama Eisteddfod Genedlaethol Llŷn ac Eifionydd eleni.
Derbyniodd ei wobr ar lwyfan y Pafiliwn Mawr heddiw.
Gwobrwyir y ddrama sy’n dangos yr addewid mwyaf ac sydd â photensial i’w datblygu ymhellach o gael gweithio gyda chwmni proffesiynol.
Dywedodd y beirniaid fod y ddrama'n un "ddireidus, llawn pathos sydd fwyaf parod am y llwyfan".
Mae enillydd yn seremoni'r Fedal Ddrama eleni, dan ffugenw 'Wasabi' 🤩
Yn gynharach heddiw fe glywon gan enillydd y llynedd, Gruffydd Siôn Ywain, wnaeth ddatgan ei siom nad yw ei ddrama fuddugol "Nyth" dal wedi ei chyflwyno yn ei chyfanrwydd.
Hon oedd ei ddrama gyntaf, ac mae'n dweud ei fod wedi gobeithio y byddai cyfle i'w datblygu a'i gweld ar lwyfan.
Mewn ymateb fe ddywedodd prif weithredwr yr Eisteddfod Genedlaethol mai "potensial yn hytrach na sicrwydd i'w datblygu ymhellach" sy'n cael ei wobrwyo, ac mai "dewis y cwmnïau proffesiynol yw penderfynu a fyddai'r gwaith yn gweddu eu rhaglenni gwaith".
Mae'r buddugol yn ennill y fedal (er cof am Urien ac Eiryth Wiliam) a £750 o Gronfa Goffa Huw Roberts, Pwllheli.
Gwobrwyir drama sydd â photensial i'w datblygu ymhellach o gael gweithio gyda chwmni proffesiynol.
Os bydd teilyngdod cyflwynir rhan o'r gwaith gyda chefnogaeth Cronfa Goffa J O Roberts.
Seremoni y Fedal Ddrama fydd prif seremoni'r dydd yn y Pafiliwn Mawr.
Y dasg oedd cyfansoddi drama lwyfan ac nid oedd unrhyw gyfyngiad o ran hyd.
Y beirniaid eleni oedd Steffan Donnelly, Elgan Rhys a Seiriol Davies.
Mae rhywfaint o oedi ar lwyfan y Pafiliwn Mawr yn golygu fod y brif seremoni - Y Fedal Ddrama - yn rhedeg yn hwyr.
Cadwch lygad yma ac fe ddown â'r diweddaraf i chi.
Gallwch wylio yma hefyd.
Mae Caffi Maes B yn llawn unwaith eto ar gyfer perfformiad arall o ‘Parti Priodas’, sydd wedi bod yn boblogaidd drwy’r wythnos.
Mae’r ddrama gomedi wedi ei hysgrifennu gan Gruffudd Owen, gyda Mared Llywelyn a Mark Henry-Davies yn ei pherfformio.
Mae Parti Priodas wedi bod yn boblogaidd drwy'r wythnos
Cliciwch yma Roedd yr hwyl yn parhau ar chweched diwrnod yr ŵyl!
Mabli, Ela, Gruff a Mabon yn mwyhau'r heulwen
Rhai o hogia'r fro sydd yn cymryd rhan yn seremonïau'r Orsedd.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae rheol iaith yr Eisteddfod wedi bod yn bwnc trafod yn ddiweddar.
Mae'r Eisteddfod wedi gwahodd awgrymiadau cyffredinol gan bobl yr wythnos hon am beth hoffen nhw weld yn yr ŵyl, ond wedi dweud na fydd trafodaeth ar y rheol iaith yn digwydd yr wythnos hon.
Mae Gwenllian Anthony o fand Adwaith yn un o'r rheiny sydd wedi dweud bod angen edrych ar bethau eto, er mwyn ceisio gwneud i'r Brifwyl deimlo mor "groesawgar" â phosib.
Ond mae eraill wedi dweud y dylai'r rheol iaith gael ei chadw ar gyfer pob rhan o'r Eisteddfod.
Felly beth oedd cynulleidfa Maes B eu hunain yn ei feddwl ar y maes ym Moduan?
Rheol iaith yr Eisteddfod
Ydych chi'n 'nabod rhywun yn y llun yma o Eisteddfod Bro Dwyfor?
Caniatáu cynnwys Instagram?
Mae’r erthygl yma’n cynnwys elfennau sydd wedi eu darparu gan Instagram. Gofynnwn am eich caniatâd cyn eu llwytho, oherwydd fe allai wneud defnydd o cwcis a thechnolegau eraill. Efallai y byddwch am ddarllen polisi cwcis Instagram Meta, dolen allanol a pholisi preifatrwydd, dolen allanol cyn derbyn. I weld y cynnwys yma dewiswch ‘derbyn a pharhau’.‘derbyn a pharhau’.
Llongyfarchiadau Eryrod Meirion am ddod yn gyntaf yng nghystadleuaeth y Parti Alaw Werin!
Holl ganlyniadau Dydd Iau 10 Awst
Eryrod Meirion
Mae'n bosib y bydd yn rhaid i chi fod yn amyneddgar...
Mae cwmni Cadwyn wedi bod yn ymweld â’r Eisteddfod yn ddi-dor ers 1974 (49 o flynyddoedd)! Rhaid bod hynny'n record?!
