Cymru wedi trechu Twrci o 2-0 yn eu hail gêm yn Euro 2020
Aaron Ramsey'n sgorio ar ôl methu gyda dau gyfle da yn yr hanner cyntaf
Gareth Bale yn methu gyda chic o'r smotyn yn dilyn trosedd arno yn y cwrt cosbi
Connor Roberts yn selio'r fuddugoliaeth gyda gôl yn yr eiliadau olaf
Y fuddugoliaeth yn debygol o fod yn ddigon i gyrraedd rownd yr 16 olaf
Gwennan Harries
Cyn ymosodwr Cymru
Quote MessageFe yw'r gwahaniaeth - yn y gemau mawr, yn erbyn Rwsia, Hwngari. Dy'n ni ddim yn edrych fel tîm sy'n creu pan dyw e ddim yn chwarae.
Carl Roberts
Chwaraeon BBC Cymru
Quote MessageMae Ramsey yn cerdded o amgylch y cae a chymeradwyo y Wal Goch wrth fynd heibio.
Ffynhonnell y llun, Getty ImagesPob un o chwaraewyr Cymru yn ôl yn amddiffyn, mewn dwy res.
Dal i ddod mae Twrci, gan ennill cic gornel - ac mae na arbediad ARBENNIG gan Danny Ward o beniad Demiral.
Mae Cymru'n syth i lawr i'r pen arall, ond roedd croesiad James fodfedd yn rhy uchel i ben Harry Wilson...
Eilyddio
Harry Wilson sy'n cymryd lle'r sgoriwr, Aaron Ramsey i Gymru
Dylan Griffiths
Chwaraeon BBC Cymru
Quote MessageMae yna ddeg munud anferth o'n blaenau ni.... a chwyslyd.
Saith munud o'r 90 sy'n weddill, ond mae Cymru'n wynebu ton ar ôl ton o ymosodiadau Twrci.
Eilyddio
Cengiz Under yn gadael, Kahveci ymlaen.
'Tash' Harding
Chwaraewr rhyngwladol Cymru
Quote MessageY bois yn siomedig i Bale fethu y penalty - bydd cyfle arall iddo sgorio dwi'n siwr o hynny ond y bois yn gorfod amddiffyn nawr yn anhygoel o dda, a curo y bêl mewn i wagle a gobeithio bod Dan James yn gallu cael y bêl tu `nol i linell gefn Twrci, a cadw y bêl mas o'r rhwyd nhw.
Ffynhonnell y llun, Getty ImagesCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Iwan Roberts
Cyn-ymosodwr Cymru
Quote MessageAeth o am dacl, fe wnaeth o golli y dacl ac roedd yn edrych fel pe bai ei goesau fo wedi mynd. Mae wedi bod yn anhygoel chwarae teg, 'nôl i'r hen Joe Allen
Mae 'na waed yn llifo o drwyn Kieffer Moore, ar ôl i goes Soyuncu ei ddal yn ei wyneb wrth i'r ddau frwydro am y bêl.
Ail anaf mewn dwy gêm i ymosodwr Cymru, ond mae o'n ôl ar ei draed.
Ffynhonnell y llun, Getty ImagesEilyddio
Ethan Ampadu yn dod i'r cae yn lle Joe Allen i Gymru.
Müldür yn dod i'r cae yn lle Meras i Dwrci. Dervisoglu hefyd ymlaen yn lle Karaman.
Gwennan Harries
Cyn ymosodwr Cymru
Quote MessageMa' Twrci yn gymaint fwy cystadleuol yn yr ail hanner. Ma' angen i Gymru fod ar y droed flaen yn fwy drwy ennill y bêl gyntaf er mwyn gosod y sylfaen. Ma' Twrci yn mynd i synhwyro cyfle ac mae'r dorf yn mynd i gynhyrfu. Fyswn i'n newid y siâp i gael y canol yn fwy cul.
Ffynhonnell y llun, Getty ImagesCarl Roberts
Chwaraeon BBC Cymru
Mae methu'r gic o'r smotyn wedi egnio cefnogwyr Twrci. Bloedd ucha'r noson wrth i gic Bale hedfan dros y trawst.
Nicky John
Rhaglen Ewro Marc, BBC Radio Cymru
"I feddwl nad yw Bale wedi sgorio mewn 12 gêm i Gymru ai fo oedd y dewis gorau i gymryd y gic o'r smotyn?"
"Dwi ddim yn siwr!" medd Nicky John o raglen Ewro Marc.
Gwennan Harries
Cyn ymosodwr Cymru
Quote MessageDwi dal mewn sioc
Ffynhonnell y llun, Getty ImagesIwan Roberts
Cyn-ymosodwr Cymru
Quote MessageY triphwynt ddim yn saff - bydden ni yn hapusach pe bai y cic gosb na wedi mynd i'r rhwyd. Mae chwaraewyr Twrci yn edrych ar ôl y bêl.
Mae 'na deimlad bod y momentwm wedi troi at Dwrci ar ôl y gic o'r smotyn.
Mae dynion Rob Page yn gorfod amddiffyn yn gadarn.
Carl Roberts
Chwaraeon BBC Cymru
Quote MessageRob Page yn ymateb drwy alw ar Neco Williams, Harry Wilson ac Ethan Ampadu i fynd i ochr y cae i ystwytho,
Mae Bale wedi taro'r gic o'r smotyn ymhell dros y trawst.
Bydd o'n siomedig iawn hefo honno.
Ffynhonnell y llun, Getty Images