Rhybudd oren mewn grym ar gyfer Cymru gyfan tan 21:00
Rhybudd coch "perygl i fywydau" wedi bod mewn grym i 10 sir yn y de tan 12:00
Dros 100 o rybuddion llifogydd mewn grym gan Gyfoeth Naturiol Cymru
Ysgolion y mwyafrif llethol o siroedd ynghau, gyda disgyblion yn dysgu o bell
Miloedd o gartrefi ledled Cymru wedi colli eu cyflenwad trydan
Pob gwasanaeth trên yng Nghymru wedi'i ganslo ddydd Gwener
Cofnodi gwyntoedd o hyd at 92mya oddi ar arfordir Sir Benfro fore Gwener
Diolch am ddilyn ein llif byw am Storm Eunice gydol y dydd.
Gobeithio na chafodd y storm ormod o effaith arnoch chi.
Gallwch ddilyn unrhyw ddatglybiadau am y storm - mae rhybudd oren gan y Swyddfa Dywydd yn dal mewn grym tan 21:00 heno dros Gymru gyfan - ar ein hafan.
Hwyl i chi am y tro.
Mae'r storm wedi gadael ei marc ar sawl ardal yng Nghymru yn ystod y dydd.
Dyma gasgliad o rai o'r fideos sydd wedi dod i law heddiw.
Fideos o effeithiau Storm Eunice ddydd Gwener
Mae'r gwynt hefyd wedi chwythu'r to oddi ar bloc o fflatiau yn Colchester Avenue yng Nghaerdydd.
Scottish Power
Fe ddywed cwmni Scottish Power bod oddeutu 2,500 o gwsmeriaid heb gyflenwad trydan ar hyn o bryd.
Mae'r cwmni'n gwasanaeth ardaloedd mor bell i'r de ag Aberystwyth, ac maen nhw'n dweud bod mwyafrif y trafferthion tuag ochr ddeuheuol eu hardal.
Maen nhw hefyd yn credu mai tua rwan yw brig y storm yn eu hardal nhw, ac yn gobeithio y bydd pethau'n gwella wrth i'r prynhawn fynd yn ei flaen.
Mae coeden fawr wedi disgyn ar y ffordd rhwng Llanfyrnach a Blaenwaun ger y ffin rhwng Sir Benfro â Sir Gâr.
Fe ddywed cwmni fferi Stena Line bod eu llong y Stena Adventurer yn "disgwyl am saib yn y storm" cyn medru mynd i harbwr Caergybi. Mae'r llong wedi bod yn disgwyl am dair awr bellach.
Roedd y llong o Ddulyn i fod i lanio yn y porthladd am 11:50, ond mae'r gwyntoedd cryfion yn golygu nad yw wedi medru pasio'r morglawdd i gael mynediad i'r harbwr.
Mae'r to wedi cael ei chwythu oddi ar gorsaf rheilffordd Caerfyrddin gan Storm Eunice.
Does dim adroddiadau am unrhyw anafiadau.
Yn gynharach y bore 'ma, fe gafodd toeau nifer o gartrefi eu chwythu ffwrdd pan oedd Storm Eunice yn ei anterth.
Yn ogystal â'r tai, fe gafodd nifer o geir oedd wedi'u parcio yn y stryd eu difrodi'n sylweddol hefyd.
Casnewydd
Dyma'r olygfa ym Mharc Bute yng nghanol Caerdydd heddiw - man hamdden poblogaidd sydd wedi dioddef effeithiau Storm Eunice.
Ffynhonnell y llun, David Hall
Ffynhonnell y llun, Davud Hall
Western Power Distribution
Yn y cyfamser am 13:50 dywedodd Western Power Distribution eu bod yn delio gyda 182 o ddigwyddiadau ac fod 41,122 o gwsmeriaid heb drydan yn eu hardal nhw erbyn hyn.
Scottish Power
Fe ddywed SP Energy Network bod storm Eunice wedi achosi "trafferthion ar draws y rhwydwaith" a'u bod yn asesu'r difrod ar hyn o bryd.
Maen nhw wedi derbyn adroddiadau am golli cyflenwadau ym Mhwllheli, Machynlleth, Bow Street ac yng Nghemaes.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae nifer o goed anferth ar gampws Prifysgol Aberystwyth... ond mae un yn llai erbyn hyn!
prifysgol Aberystwyth
I'ch hatgoffa chi, mae'r rhybudd tywydd coch (ar gyfer de Cymru) gan y Swyddfa Dywydd bellach wedi dod i ben ond mae'r rhybudd oren am wyntoedd cryfion yn dal mewn grym tan 21:00 heno.
Ffynhonnell y llun, Swyddfa DywyddMae'r gwyntoedd cryfion wedi dod â choed lawr yn ardal Arberth y bore 'ma gan achosi i geir i orfod arallgyfeirio.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dros Ginio
BBC Radio Cymru
Mae Dylan Williams o Cyfoeth Naturiol Cymru wedi bod yn trafod sefyllfa'r tywydd ar Dros Ginio ar BBC Radio Cymru.
Dywedodd: "Y sefyllfa yn dal yn ddyrys a mi fysen ni yn gofyn i bobol fod yn ofalus ar yr arfordir ac I gadw golwg ar y rhybuddion.
"Faswn i'n annog pobl i fod yn ofalus a cadw yn glir a chadw phellter. Y drwg ydi bod dŵr yn torri drosodd yn sydyn, dros y lefel arferol 'sa chi yn disgwyl oherwydd bod y storm a’r llanw uchel 'ma yn cydlynnu hefo'i gilydd ac mae’n gallu tynnu coesau oddi tanyn nhw ac yn eu sgubo allan i’r môr.
"Dydi hyn ddim drosodd eto... bydden ni yn pwysleisio hyn, a tipyn o dywydd garw i ddod p'nawn 'ma, a môr uchel a byddwn ni ddim yn gweld sgil effeithiau hyn am rai dyddiau eto."
... ond mae'r bont ar gau o hyd i gerbydau uchel, lorïau ac ati.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae Terry Branton, 78 wedi byw yn ei gartref yn Langland, Abertawe ers dros 40 mlynedd ac mae coeden anferth wedi bod y tu allan i'w gartref gydol yr amser... tan bore 'ma.
"Diolch i'r drefn mai nid un o'r coed sy'n agosach at y tŷ ddaeth i lawr," meddai.
Ffynhonnell y llun, bbcFe ddywed Traffig Cymru bod yr amodau'n gwaethygu mewn rhai mannau er bod y rhybudd tywydd coch ar fin dirwyn i ben.
Byddwch yn ofalus!
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.