Crynodeb

  • Rhybudd oren mewn grym ar gyfer Cymru gyfan tan 21:00

  • Rhybudd coch "perygl i fywydau" wedi bod mewn grym i 10 sir yn y de tan 12:00

  • Dros 100 o rybuddion llifogydd mewn grym gan Gyfoeth Naturiol Cymru

  • Ysgolion y mwyafrif llethol o siroedd ynghau, gyda disgyblion yn dysgu o bell

  • Miloedd o gartrefi ledled Cymru wedi colli eu cyflenwad trydan

  • Pob gwasanaeth trên yng Nghymru wedi'i ganslo ddydd Gwener

  • Cofnodi gwyntoedd o hyd at 92mya oddi ar arfordir Sir Benfro fore Gwener

Y diweddaraf yn fyw

  1. Gyrrwch 'dim ond os oes angen'

    Mae gyrwyr yn ne Cymru'n cael eu hannog i deithio dim ond os oes angen, gyda disgwyl oedi ar y ffyrdd.

    Fe wnaeth hen Bont Hafren yr M48 gau am 23:00 nos Iau.

    Mae hi hefyd yn "debygol" y bydd Pont Tywysog Cymru hefyd yn cau, meddai Frank Bird o National Highways wrth y BBC ddydd Iau.

    Mae Pont Cleddau yn Sir Benfro hefyd ynghau heddiw i gerbydau tal, ac mae Cyngor Rhondda Cynon Taf wedi cau pob "ffordd fynyddig" i bawb oni bai am y gwasanaethau brys.

    Hen Bont HafrenGetty Images

  2. ... a Phenarth

    Ger pafiliwn Penarth wrth ymyl y pier, mae'r tonnau'n dechrau taro.

    Storm Eunice yn taro Penarth

  3. Yr olygfa ym Mhorthcawl...

    Dyma'r olygfa ddiweddaraf ym Mhorthcawl y bore 'ma - mae hi'n amser llanw uchel yno ar hyn o bryd.

    Porthcawl

  4. Newid i wasanaethau Traws Cymru

    Mae Traws Cymru wedi cyhoeddi bydd peth newid i'w gwasanaethau heddiw yn sgil storm Eunice.

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  5. Pryd mae'r llanw uchel?

    Mae rhybuddion mai yn ystod llanw uchel y mae'r perygl mwyaf, gyda disgwyl i nifer o ardaloedd arfordirol gael eu taro na lifogydd.

    Dyma'r amseroedd diweddaraf ar gyfer y llanw uchel o amgylch arfordir Cymru:

    • Casnewydd - 08:21
    • Caerdydd - 08:11
    • Y Barri - 08:03
    • Porthcawl - 07:31
    • Y Mwmbwls - 07:24
    • Dinbych-y-pysgod - 07:11
    • Aberdaugleddau - 07:22
    • Abergwaun - 08:24
    • Aberystwyth - 08:57
    • Pwllheli - 09:04
    • Caernarfon - 10:58
    • Caergybi - 11:28
    • Conwy - 11:53
    • Mostyn - 11:58
    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  6. Bysus yn y de wedi'u canslo

    Mae nifer o wasanaethau bysus yn ne Cymru heddiw wedi eu gohirio yn sgil y storm.

    Mae cwmni Stagecoach wedi cyhoeddi fod ei holl wasanaethau yn y de wedi eu canslo rhwng 07:00 a 13:30 ddydd Gwener.

    Yng Nghaerdydd, dywedodd cwmni Bws Caerdydd na fydd unrhyw wasanaethau'n rhedeg rhwng 07:00 ac 13:00. Bydd y penderfyniad i barhau â gwasanaethau yn y prynhawn yn dibynnu ar y tywydd.

    Bws StagecoachReuters

  7. Ail gyfarfod brys COBRA mewn ymateb i'r storm

    Llywodraeth y DU

    Bydd Llywodraeth y DU yn cynnal ail gyfarfod COBRA brys yn ddiweddarach heddiw i drafod ei ymateb i Storm Eunice.

    Roedd cyfarfod eisoes wedi'i gynnal ddoe, gyda chynrychiolwyr o Lywodraeth Cymru'n mynychu hefyd.

  8. Cau prom Aberystwyth tra'n disgwyl y gwaethaf

    Ardal sy'n aml yn cael ei tharo'n wael gan unrhyw storm ydy prom Aberystwyth.

    Gan ragweld y bydd hynny'n digwydd eto heddiw, mae Cyngor Ceredigion wedi cau'r prom ers neithiwr.

    Prom
    Prom

  9. Hyrddiadau o hyd at 76mya yn barod

    Mae hyrddiad o 76mya eisoes wedi'i gofnodi yng Nghapel Curig y bore 'ma rhwng 05:00 a 06:00.

    O fewn yr awr ddiwethaf roedd gwyntoedd o hyd at 62mya yn Aberdaron, a 57mya ym Mhen-bre.

    StormGetty Images

  10. 136 o rybuddion llifogydd mewn grym

    Mae dros 100 o rybuddion llifogydd mewn grym gan Gyfoeth Naturiol Cymru heddiw.

    Mae'r rheiny dros y wlad gyfan, ac mae modd cael y manylion diweddaraf ar wefan CNC.

    Rhybudd llifogyddCNC

  11. Tonnau'n tasgu ym Mhorthcawl

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  12. Y diweddaraf ar Dros Frecwast

    BBC Radio Cymru

    Mae modd i chi wrando ar raglen Dros Frecwast BBC Radio Cymru yn fyw trwy glicio ar yr eicon ar dop y llif byw.

    DF

  13. Holl drenau wedi'u canslo

    Daeth cyhoeddiad ddydd Iau na fydd unrhyw drenau yn rhedeg ar rwydwaith Cymru heddiw oherwydd y rhagolygon tywydd.

    Dywedodd un o gyfarwyddwyr Network Rail "nad oedd y penderfyniad i gau'r rheilffyrdd yn un hawdd" ac mai "diogelwch staff a theithwyr yw eu prif flaenoriaeth".

    "Mae disgwyl i Storm Eunice ddod â gwyntoedd eithafol o hyd at 100mya ac mewn mannau mae'n debygol iawn y bydd coed a malurion yn cael eu taflu ar y llinellau trên," meddai Bill Kelly, cyfarwyddwr llwybrau Cymru a'r Gororau gyda Network Rail.

    Ychwanegodd Trafnidiaeth Cymru y gallai unrhyw un oedd wedi prynu tocyn trên ar gyfer dydd Gwener ei ddefnyddio tan ddydd Sul, neu ofyn am ad-daliad.

    Dywedodd y newyddiadurwr Simon Calder ar BBC Radio 4 y bore 'ma ei bod yn anarferol iawn gweld holl wasanaethau gwlad gyfan yn cael eu canslo am ddiwrnod.

    StormNetwork Rail

    Cafodd trampolîn ei chwythu ar draciau trên yng Nghaerdydd yn ystod Storm Dudley ddydd Mercher

  14. Ysgolion ynghau oherwydd y tywydd garw

    Fe wnaeth 19 o'r 22 cyngor yng Nghymru gyhoeddi ddoe y byddai ysgolion ynghau heddiw, gyda rhai disgyblion i ddysgu o bell.

    Mae'r holl ysgolion ynghau yn:

    • Abertawe
    • Blaenau Gwent
    • Caerdydd
    • Caerffili
    • Castell-nedd Port Talbot
    • Ceredigion
    • Conwy
    • Gwynedd
    • Môn
    • Merthyr Tudful
    • Pen-y-bont ar Ogwr
    • Powys
    • Rhondda Cynon Taf
    • Sir Benfro
    • Sir Ddinbych
    • Sir Fynwy
    • Sir y Fflint
    • Torfaen
    • Wrecsam

    Dywedodd cynghorau Bro Morgannwg a Chasnewydd y byddai rhai ysgolion yn cau yno hefyd, tra bod Cyngor Sir Gaerfyrddin yn annog ysgolion "yn gryf" i gau heddiw.

  15. Pa rybuddion sydd mewn grym?

    Mae rhybudd coch am wyntoedd cryfion mewn grym ar gyfer 10 o siroedd y de, rhwng 07:00 a 12:00 heddiw.

    Mae'r rhybudd hwnnw ar gyfer Abertawe, Bro Morgannwg, Caerdydd, Caerffili, Caerfyrddin, Casnewydd, Castell-nedd Port Talbot, Mynwy, Pen-y-bont ar Ogwr a Rhondda Cynon Taf.

    Dywedodd y Swyddfa Dywydd y gallai malurion chwythu yn y gwynt ac achosi perygl i fywydau, ac y dylid disgwyl difrod i adeiladau a llinellau trydan a tharfu i drafnidiaeth.

    Mae rhybuddion coch yn brin iawn, a dyw'r Swyddfa Dywydd heb osod rhybudd o'r fath ar gyfer gwynt ers Mawrth 2018.

    Mae rhybudd oren mewn grym ar gyfer Cymru gyfan rhwng 05:00 a 21:00.

    Yna, mae rhybudd arall mewn grym ar gyfer rhannau helaeth o'r canolbarth a'r de ddydd Sadwrn hefyd, a hynny rhwng 06:00 a 18:00.

    StormGetty Images

  16. Croeso i'r llif byw

    Bore da a chroeso i'n llif byw wrth i Storm Eunice daro Cymru ddydd Gwener.

    Mae'r Swyddfa Dywydd yn rhybuddio am "berygl i fywydau", gyda rhybudd coch mewn grym ar gyfer 10 o siroedd y de.

    Mae rhybudd oren mewn grym ar gyfer Cymru gyfan nes 21:00 heno.

    Arhoswch gyda ni am y diweddaraf.

    Rhybudd cochSwyddfa Dywydd