Rhybudd oren mewn grym ar gyfer Cymru gyfan tan 21:00
Rhybudd coch "perygl i fywydau" wedi bod mewn grym i 10 sir yn y de tan 12:00
Dros 100 o rybuddion llifogydd mewn grym gan Gyfoeth Naturiol Cymru
Ysgolion y mwyafrif llethol o siroedd ynghau, gyda disgyblion yn dysgu o bell
Miloedd o gartrefi ledled Cymru wedi colli eu cyflenwad trydan
Pob gwasanaeth trên yng Nghymru wedi'i ganslo ddydd Gwener
Cofnodi gwyntoedd o hyd at 92mya oddi ar arfordir Sir Benfro fore Gwener
Western Power Distribution
Am 11:30, mae Western Power Distribution yn dweud fod 12,098 o gwsmeriaid yn ne Cymru heb gyflenwad trydan ar hyn o bryd oherwydd y storm.
Maen nhw'n adrodd eu bod yn delio gyda 69 o wahanol ddigwyddiadau.
Mae manylion pellach ar gael ar wefan WPD, dolen allanol.
Rhagor o ddifrod yn y de, y tro yma yn ardal Abertawe, ble mae coeden wedi disgyn ar gar.
Mae Heddlu De Cymru yn atgoffa pobl i beidio â theithio oni bai ei fod yn hanfodol.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dyma ymdrech dau berson i geisio atal bwrdd rhag chwythu i ganol y ffordd ym Mhorthcawl y bore 'ma.
Fe gafodd y lluniau eu cymryd oddi ar gamerâu cylch cyfyng y Boathouse Fish Bar yn y dref.
The Boathouse Fish Bar, Porthcawl
Ar raglen Dros Frecwast dywedodd pennaeth Ysgol Gartholwg ym Mhontypridd bod modd ymateb ar fyrder ddoe i'r rhybudd coch gan fod dysgu ar-lein wedi dod yn rhywbeth mwy arferol yn sgil Covid.
"Bach iawn o newid oedd angen i ddweud y gwir," meddai Trystan Edwards.
"Roedd angen darparu pecynnau i'r disgyblion ieuengaf ac yna pnawn ddoe cyfathrebu oedd y brif her a chael negeseuon clir allan mewn cyfnod byr.
"O ran adeiladau ein hysgol ni - ni newydd gael to newydd ac mae nifer o goed wedi cael eu tynnu i lawr yn y cyfnod diweddar."
Am y tro cyntaf erioed, mae'r ddwy bont dros Afon Hafren - Pont Tywysog Cymru yr M4 a Phont Hafren yr M48 - wedi cael eu cau i draffig oherwydd y gwyntoedd cryfion.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Western Power Distribution
Mae Western Power Distribution yn dweud fod 7,298 o gwsmeriaid heb gyflenwad trydan yn ne Cymru erbyn hyn.
Mae'r achosion ar draws y de, gan gynnwys 795 o gartrefi heb bŵer yn Cross Hands, Sir Gâr, a 651 ym Medlinog ger Pontypridd.
Yn y gogledd, mae Scottish Power yn adrodd fod cyflenwadau wedi'u heffeithio mewn amryw o fannau yng Ngwynedd, Môn, a Rhewl ger Rhuthun, ond dydyn nhw ddim yn darparu'r union ffigyrau.
Mae manylion pellach ar gael ar wefan WPD, dolen allanol.
Mae Trearddur yng ngogledd Ynys Môn wedi gweld y llanw uchel a thonnau mawr y bore 'ma.
Trearddur
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Mae canol Caerdydd yn llawer distawach na'r hyn fyddai i'w weld ar fore Gwener arferol yn y brifddinas.
Mae'r siopau a'r caffis ar agor, ond neb yno!
Mae Heddlu De Cymru yn rhybuddio pobl i gadw draw yn dilyn difrod sylweddol i doeau adeiladau ym Mhen-y-bont a'r Barri.
Mae to wedi cael ei chwythu oddi ar adeilad ar Heol y Frenhines ym Mhen-y-bont, a tho wedi dod i ffwrdd o garej betrol Co-op ger Heol Pontypridd yn Y Barri.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Dyma'r olygfa ddiweddaraf yng Nghricieth, Gwynedd.
Arhoswch yn ddiogel bobl. Cofiwch mai'r cyngor yw i aros gartref heddiw.
Cricieth
I'ch atgoffa, mae rhybudd coch am wyntoedd cryfion mewn grym ar gyfer 10 o siroedd y de, rhwng 07:00 a 12:00 heddiw.
Mae'r rhybudd hwnnw ar gyfer Abertawe, Bro Morgannwg, Caerdydd, Caerffili, Caerfyrddin, Casnewydd, Castell-nedd Port Talbot, Mynwy, Pen-y-bont ar Ogwr a Rhondda Cynon Taf.
Mae rhybudd oren mewn grym ar gyfer Cymru gyfan rhwng 05:00 a 21:00.
Yna, mae rhybudd melyn arall mewn grym ar gyfer rhannau helaeth o'r canolbarth a'r de ddydd Sadwrn, a hynny rhwng 06:00 a 18:00.
Mae dros 130 o rybuddion llifogydd mewn grym gan Gyfoeth Naturiol Cymru heddiw hefyd, dolen allanol.
Ffynhonnell y llun, Swyddfa Dywydd
Cyngor Sir Gaerfyrddin
Dywed Emlyn Dole, arweinydd Cyngor Sir Gaerfyrddin eu bod nhw hefyd wedi bod yn paratoi at y gwaethaf ac y bydd y rhybudd llifogydd yn lleihau yn ystod y bore, ond bod y rhybudd gwynt a'i effaith yn para tan ganol dydd.
"Fe fyddwn i'n cyhoeddi pan fydd hi'n ddiogel i ailagor ein parciau gwledig pnawn 'ma ac yn yr un modd ein hamgueddfeydd, canolfannau hamdden, llyfrgelloedd a theatrau," meddai ar Dros Frecwast.
"Mae'r canolfannau ailgylchu ar gau bore 'ma ond bydd pobl sydd ag apwyntiadau yn gallu dod p'nawn 'ma ar ôl 12:00.
"Bydd unrhyw un sydd wedi colli apwyntiad bore 'ma yn gallu dod dros y penwythnos a bydd y gwasanaeth casglu sbwriel a oedd fod i ddigwydd bore 'ma, gobeithio, yn gallu digwydd fory."
Cyfoeth Naturiol Cymru
Mae gwylwyr y glannau a Chyfoeth Naturiol Cymru wedi erfyn ar bobl i gadw draw o'r arfordir heddiw oherwydd y tywydd garw.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Ond nid pawb sydd wedi gwrando ar y cyngor hynny, gan gynnwys y rhain ym Mhenarth.
Western Power Distribution
Mae Western Power Distribution bellach yn dweud fod 6,664 o gwsmeriaid wedi colli eu cyflenwad trydan ar hyn o bryd.
Mae'n ymddangos mai de Sir Gâr, Abertawe a Chastell-nedd Port Talbot sydd wedi'u taro waethaf.
Mae manylion pellach ar gael ar wefan WPD, dolen allanol.
AS Plaid Cymru ar Twitter
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
“Mae’r boards wedi mynd fyny ar y ffenestri a’r drws ffrynt a ni wedi cael cipolwg i weld os oes rhywbeth yn rhydd ar y tu fas," medd Richard Griffiths, perchennog Gwesty'r Richmond yn Aberystwyth ar Dros Frecwast.
"Ni wedi bod yn paratoi a checkio popeth ac ar hyn o bryd s'dim byd i boeni amdano,
"Mae'r wythnos hanner tymor yma yng Nghymru yn dechrau wythnos nesaf ac roedd hanner tymor Lloegr yr wythnos hon – so mae hon yn wythnos bwysig i bobl sydd yn trafeilu, fel teuluoedd ac ati - so mae hynny yn effeithio arnon ni ac mae’r cancellations wedi dod mewn yn gloi ddoe a'r diwrnod cynt.
"Weles i ar ebost gynne bod mwy wedi dod dros nos.
"Mae hynny yn siomedig ond diogelwch pawb sydd yn bwysig ar hyn o bryd."
Ffynhonnell y llun, Richard GriffithsWestern Power Distribution
Yn eu diweddariad am 09:30 dywedodd Western Power Distribution fod 23 ardal wedi colli eu cyflenwad pŵer ar hyn o bryd - cyfanswm o 2,085 o gartrefi.
Mae 906 o'r rheiny yn Sir Gâr, a 475 yng Nghastell-nedd Port Talbot.
Yn y gogledd, dywedodd Scottish Power fod problemau gyda'r cyflenwad yn ardal Criccieth ar hyn o bryd, ac ynghynt yn y bore roedd cartrefi wedi colli pŵer yng ngogledd Môn.
Mae'r gwyntoedd wedi codi eto dros yr hanner awr ddiwethaf.
Daeth yr hyrddiad cryfaf o'r storm hyd yma yn Y Mwmbwls - 87mya - gyda gwyntoedd o hyd at 79mya wedi eu cofnodi ym Mhen-bre tua'r un pryd.