Cymru allan o Gwpan y Byd Qatar 2022 ar ôl colli o 3-0 i Loegr
Marcus Rashford (2) a Phil Foden yn sgorio goliau'r Saeson
UDA yn fuddugol o 1-0 yn erbyn Iran, sy'n golygu y byddai Cymru wedi angen buddugoliaeth swmpus yn erbyn Lloegr i fynd drwodd
Tîm Cymru gychwynnodd yr ornest: Ward; N Williams, Mepham, Rodon, B Davies; Allen, Ampadu, Ramsey; Bale (c), Moore, James
Gareth Bale yn cael ei eilyddio ar yr egwyl gydag anaf i linyn ei gar, Brennan Johnson yn ei le
Neco Williams yn gorfod gadael y maes gydag anaf i'w ben, Connor Roberts yn ei le
Tîm Rob Page yn gorffen ar waelod Grŵp B yn dilyn gêm gyfartal, a dwy golled
Gareth Bale yn dweud y bydd yn parhau i chwarae dros Gymru
Cymru 0-0 Lloegr
Mae Gareth Bale wedi cael ei eilyddio.
Mae'n debyg ei fod wedi anafu llinyn ei gar. Brennan Johnson sydd ymlaen yn ei le.
Mae Aaron Ramsey yn gapten yn absenoldeb Bale.
Dyma ni - yr ail hanner wedi cychwyn...
Ffynhonnell y llun, Getty ImagesMae Gareth Bale wedi gadael y maes
Mae Cymru a Lloegr yn hen elynion ar y cae, a hynny'n rhannol oherwydd eu bod yn rhannu ffin a'i gilydd.
Faint ydych chi'n ei wybod am y ffin honno?
Rhowch gynnig ar gwis Cymru Fyw yma!
Ffynhonnell y llun, Getty Images
Kath Morgan
Cyn-gapten Cymru ar BBC Radio Cymru
Mae Cymru wedi chwarae lot yn well na'r ddwy gêm ddiwethaf - maen nhw'n fwy disgybledig, mae eu siâp nhw'n edrych yn dda.
Ond wrth gwrs rydyn ni'n gorfod bod yn ofalus.
Pan mae Lloegr yn gwrthymosod, maen nhw mor gywir.
Y broblem efo ni heddiw yw pan mae meddiant gyda ni, rydyn ni'n rhoi'r bêl 'nôl iddyn nhw'n syth.
Ffynhonnell y llun, Getty ImagesPhil Foden yn cael ei amgylchynu gan amddiffynwyr Cymru
Ym mhrifddinas Cymru, mae digonedd o obaith o hyd...
Mae criw Côr Llundain wedi ymgynull i wylio'r gêm yng Nghanolfan Cymry Llundain, Gray's Inn Road.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cymru 0-0 Lloegr
Dwi'n siŵr nad oes angen cyfieithiad arnoch chi, ond dyma raffeg sy'n dangos fod Harry Maguire wedi cael mwy o gyffyrddiadau yng nghwrt cosbi'r gwrthwynebydd nag y mae Gareth Bale wedi cael drwy gydol y gystadleuaeth.
Aneffeithiol.
Caniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Iwan Roberts
Cyn-ymosodwr Cymru ar BBC Radio Cymru
Doedd 'na ddim dylanwad o gwbl gan Bale yn ystod yr hanner gynta' 'na.
Dim dylanwad gan y ddau - fo na Aaron Ramsey.
Oce o'dd Page eisiau dechrau efo nhw eto.
Ond o ran y feirniadaeth sydd wedi bod o'r ddau yn y ddwy gêm gyntaf - pam ddim tynnu un neu'r ddau oddi ar y cae os nad ydyn nhw'n cael dylanwad, a dod â chwaraewyr ymlaen fydd yn cael dylanwad ar y chwarae?
Ffynhonnell y llun, Getty ImagesCymru 0-0 Lloegr
A dyna ni am yr hanner cyntaf.
Gêm o ychydig gyfleoedd ond pob un, oni bai am ergyd Allen, yn disgyn i Loegr, sy'n gyfforddus iawn.
Bydd yn rhaid i Gymru obeithio am wyrth fel mae pethau'n sefyll.
Anadlwch.
Cymru 0-0 Lloegr
Joe Allen yn cael hanner foli tu allan i gwrt cosbi Lloegr ond ei ergyd - yr un cyntaf gan Gymru - yn mynd dros y trawst.
Gwell.
Cymru 0-0 Lloegr
Ethan Ampadu yn cael ei guro yn yr awyr gan John Stones ond Danny Ward yn arbed ei beniad yn gymharol hawdd.
Ochenaid o ryddhad arall i gefnogwyr Cymru.
'Da ni yn eiliadau olaf yr hanner.
Cymru 0-0 Lloegr
Kath Morgan
Cyn-gapten Cymru ar BBC Radio Cymru
Dyma be' sy'n beryglus, just munudau cyn hanner amser - maen nhw'n dweud dyna'r amser gwaethaf i ildio gôl.
Cymru 0-0 Lloegr
Llai na pum munud i fynd o'r hanner cyntaf. Mae Dan James yn ennill cic rydd ar y linell hanner eto.
Mae amddiffynwyr Cymru yn falch o gael hoe fach.
Cymru 0-0 Lloegr
Iwan Roberts
Cyn-ymosodwr Cymru ar BBC Radio Cymru
Dwi'n cael y teimlad ein bod ni'n tyfu mewn hyder mewn i'r gêm.
'Dan ni'n gwthio chwaraewyr ymlaen, 'dan ni'n bod yn fwy positif.
Ond pan mae'r Saeson yn troi amddiffyn i mewn i ymosod, mae'r cyflymdra efo'r symudiad yn beryg bywyd.
Yn y cyfamser, fel mae'n sefyll, mae Cymru allan o Gwpan y Byd ar ôl i Christian Pulisic roi'r Americanwyr ar y blaen yn y gêm arall yng Ngrŵp B heno.
Hynny ydy, os nad ydy Cymru yn ennill hon o 4-0...
Cymru 0-0 Lloegr
Kath Morgan
Cyn-gapten Cymru ar BBC Radio Cymru
Dyw coesau Aaron Ramsey ddim yn ei gario.
Mae ei galon eisiau iddo fe fynd - ond dyw ei gorff ddim yn dilyn.
Ac yn anffodus, 'dan ni yng Nghwpan y Byd - dydyn ni methu cario chwaraewyr.
Cymru 0-0 Lloegr - 36 munud
Mae Neco Williams yn gorfod dod oddi ar y cae ar ôl derbyn ergyd nerthol i'w ben rai munudau yn ôl.
Connor Roberts sydd yn dod ymlaen yn ei le.
Doedd Neco ddim yn hapus i ddod oddi ar y cae, ond mae'n gadael y maes yn reit ddagreuol.
Ffynhonnell y llun, Getty ImagesDyma Carys o Faesteg sy'n gwylio'r gêm yn Tramshed, Caerdydd.
Cymru 0-0 Lloegr
Iolo Cheung
Gohebydd BBC Cymru Fyw yn Qatar
Yma o Hyd, Gwŷr Harlech, Hogiau Ni, Viva Gareth Bale - mae’r caneuon i gyd allan gan gefnogwyr Cymru heno.
Ond mae’r Saeson hefyd wedi dod â drwm mawr efo nhw, sy’n ysgogi sŵn mawr a chlapio bob hyn a hyn.
Cymru 0-0 Lloegr
Kath Morgan
Cyn-gapten Cymru ar BBC Radio Cymru
Y broblem yw dyw Lloegr yn rhoi dim amser i Gymru, a ni ffaelu 'neud yr un peth 'nôl.
Pan mae'r bêl gyda ni, ni ddim yn ddigon cyflym i symud y bêl ymlaen.
Am ba bynnag reswm 'dan ni'n araf i ddechrau.
Pan chi'n chwarae yn erbyn gwrthwynebwyr da, mae angen torri'r gêm i fyny mewn i flociau o 10 munud.
Mae'r lefel o ganolbwyntio mor uchel, ac mae'n anodd i barhau i wneud hynny am 90 munud.
Cymru 0-0 Lloegr
Dan James yn cael cerdyn melyn am dacl hwyr ar John Stones. 29 munud wedi mynd.
Cefnogwyr Lloegr yn canu: "You're going home in the morning."