Cymru allan o Gwpan y Byd Qatar 2022 ar ôl colli o 3-0 i Loegr
Marcus Rashford (2) a Phil Foden yn sgorio goliau'r Saeson
UDA yn fuddugol o 1-0 yn erbyn Iran, sy'n golygu y byddai Cymru wedi angen buddugoliaeth swmpus yn erbyn Lloegr i fynd drwodd
Tîm Cymru gychwynnodd yr ornest: Ward; N Williams, Mepham, Rodon, B Davies; Allen, Ampadu, Ramsey; Bale (c), Moore, James
Gareth Bale yn cael ei eilyddio ar yr egwyl gydag anaf i linyn ei gar, Brennan Johnson yn ei le
Neco Williams yn gorfod gadael y maes gydag anaf i'w ben, Connor Roberts yn ei le
Tîm Rob Page yn gorffen ar waelod Grŵp B yn dilyn gêm gyfartal, a dwy golled
Gareth Bale yn dweud y bydd yn parhau i chwarae dros Gymru
Cymru 0-0 Lloegr
Mae cymaint wedi son am bwysigrwydd peidio ildio'n gynnar. Dydi hynny heb ddigwydd eto, gyda bron i hanner awr ar y cloc.
Yn y cyfasmer, Neco Williams yn gwneud yn dda i ennill cic rydd ar y linell hanner, a hynny ar ôl tacl dda gan Aaron Ramsey i adennill y meddiant - sy'n beth prin ar hyn o bryd i Gymru.
Ffynhonnell y llun, Getty ImagesCaniatáu cynnwys Twitter?
Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter, dolen allanol a pholisi preifatrwydd, dolen allanol cyn derbyn. Er mwyn gweld y cynnwys dewiswch ‘derbyn a pharhau’.
Cymru 0-0 Lloegr
Iwan Roberts
Cyn-ymosodwr Cymru ar BBC Radio Cymru
Grêt gan Ethan Ampadu yn ystod y gic rydd yna.
Cafodd y bêl ei chwarae i fewn yn wych gan Loegr.
Roedd Ampadu'n gwybod bod Harry Maguire yn fwy ac yn gryfach yn yr awyr na fo, ond fe 'naeth o'n siŵr ei fod e ddim yn cael peniad rhydd.
Ond be' sy'n siomi fi ydy mae'r tri tîm 'dan ni wedi eu chwarae yn y grŵp wedi bod gymaint yn well na ni efo'r bêl.
Cymru 0-0 Lloegr
Kath Morgan
Cyn-gapten Cymru ar BBC Radio Cymru
Mae'n rhaid i ni fod yn realistig - mae Lloegr mor dda gyda'r bêl.
Ond mae Cymru'n edrych yn dda ac yn drefnus fel hyn.
Mae Lloegr yn gyfarwydd â chwarae gwrthwynebwyr sy' falle bach yn well na ni.
Y broblem sy' 'da ni yw pa mor hir ydyn ni'n gallu parhau fel hyn, a sicrhau bo' ni ddim yn gwneud camgymeriadau sylfaenol?
Cymru 0-0 Lloegr
Chris Mepham yn rhoi cic rydd i ffwrdd ar ochr y cwrt cosbi am drosedd ar Harry Kane. Ond Lloegr yn methu a manteisio a Chymru yn cael cic gol.
Mae Cymru dan y don braidd. Bron i 20 munud wedi mynd.
Cymru 0-0 Lloegr
Gwennan Harries
Cyn-ymosodwr Cymru ar S4C
Roedd yna wahaniaeth yn y 10 munud agoriadol i Gymru drwy gael dau chwaraewr yn eistedd yng nghanol y cae.
Mae llwyth mwy o opsiynau pasio ganddyn nhw nawr.
Cymru 0-0 Lloegr
Ar ôl chwarter awr o chwarae, fel y disgwyl, mae Lloegr yn rheoli'r meddiant ac yn tyfu mewn hyder.
Ond cyfle Rashford ydy'r unig un amlwg hyd yma.
Gwennan Harries
Cyn-ymosodwr Cymru ar S4C
Yn anffodus mae wedi dod ein bod ni’n gorfod dibynnu ar ganlyniad y gêm olaf.
Ond un peth sydd gyda’r tîm yma ydy calon.
Cymru 0-0 Lloegr
Cyfle cyntaf y gêm - ar ôl 10 munud o chwarae - yn disgyn i Marcus Rashford ond Danny Ward yn arbed yn dda. Cyfle da i'r Saeson.
Iwan Roberts
Cyn-ymosodwr Cymru ar BBC Radio Cymru
Mae angen i Gymru fod yn bwyllog yn y chwarter awr gynta' 'ma.
Gwneud yn siŵr ein bod ni'm yn gwneud dim byd gwirion - a rhoi dim fath o gyfle i Loegr sgorio'r gôl gynta'.
Iolo Cheung
Gohebydd BBC Cymru Fyw yn Qatar
Ydy, mae’r awyrgylch yn lot mwy trydanol heno gan gefnogwyr Cymru.
Nid pawb wnaeth, wel, ‘sefyll yn dawel’ ar gyfer anthem Lloegr chwaith, nawn ni roi o fel ‘na!
Ffynhonnell y llun, Getty ImagesKath Morgan
Cyn-gapten Cymru ar BBC Radio Cymru
Dyw Lloegr ddim eisiau gwneud y camgymeriad o golli'r gêm yma - maen nhw wedi mynd am siâp amddiffynnol.
Chwarae teg, mae Gareth Southgate wedi dewis tîm cryf.
Mae pob un o chwaraewyr Cymru eisiau chwarae yn erbyn goreuon y byd - ac yn sicr mae'r tîm yma o Loegr yn ffitio mewn i'r brîff yna.
Cymru 0-0 Lloegr
Cymru yn cychwyn yr ornest gyda chic hir tuag at Kieffer Moore. Arwydd o'r hyn sydd i ddod?
Daliwch yn dynn.
Ffynhonnell y llun, Getty Images
Malcolm Allen
Cyn-ymosodwr Cymru ar S4C
Cymryd mantais o’r gêm America yn erbyn Lloegr ydy’r peth mawr - mae ‘na amheuaeth yn eu pennau.
Un gêm mae nhw ‘di ennill mewn saith neu wyth yn dod i fewn i’r gystadleuaeth yma.
Cymryd mantais o hwnna yn eu hwynebau nhw o’r munud cyntaf, a 'dan ni’n ennill y gêm.
Owain Tudur Jones
Cyn-chwaraewr Cymru ar S4C
Allwn ni ddim canolbwyntio ar y gêm arall rhwng yr Unol Daleithiau ac Iran, dim ots beth sy’n digwydd yn honna.
Rhaid i ni ganolbwyntio ar ennill y gêm yma.
'Swn i’n Rob Page 'swn i'n dweud: 'Bois, rhowch pob dim'.'
...beth all rhywun ei ddweud?
Fe ganodd cefnogwyr Lloegr 'God Save the King' yn weddol dda.
Bydd yr anthemau yn cael eu canu yn y man.
Dyma ni, bawb...
Iwan Roberts
Cyn-ymosodwr Cymru ar BBC Radio Cymru
Mae'n edrych fel siâp mwy ymosodol.
Dwi 'di'n synnu ryw ychydig achos ar ôl y gêm yn erbyn yr Unol Daleithiau, yr hanner cynta' 'na, fe gafodd y cwestiwn ei ofyn i Rob Page - oedd o wedi ystyried newid siâp y tîm?
A'i ateb oedd "pam newid, 'dan ni wedi cael digon o lwyddiant efo pump yn y cefn".
Ond dyna mae o wedi'i 'neud.
Y siâp yma 'di'r unig ffordd i gael Ramsey yn ei safle orau, y rhif 10.
Mae Huw Jones o Wrecsam wedi creu baner arbennig i ddod gydag o i Gwpan y Byd.
Ar hyd y gwaelod mae teyrnged i’w dad, OJ Jones, a rhai o’i ffrindiau sydd ddim gyda ni mwyach - a’r rheiny i gyd wedi bod yn ddilynwyr selog o Gymru dros y blynyddoedd.
Kath Morgan
Cyn-gapten Cymru ar BBC Radio Cymru
I fi, dyw Ramsey ddim yn haeddu cychwyn.
Y pwynt yw mae e mewn rôl gwahanol nawr, felly falle welwn ni berfformiad bach yn well.
Ond roedd Page wastad yn mynd i ddechrau Bale a Ramsey.
Ffynhonnell y llun, Getty ImagesO ran newid siâp y tîm i gael pedwar yn y cefn, roedd rhaid newid rhywbeth.
Yn anffodus, doedd y siâp ddim yn gweithio gyda'r unigolion o'dd 'di dechrau, yn enwedig yn gêm Iran.
Mae'n rhaid i ni drio creu perfformiad er mwyn ennill bach o falchder 'nôl i'r chwaraewyr ac i'r Wal Goch.