Crynodeb

  • Cymru allan o Gwpan y Byd Qatar 2022 ar ôl colli o 3-0 i Loegr

  • Marcus Rashford (2) a Phil Foden yn sgorio goliau'r Saeson

  • UDA yn fuddugol o 1-0 yn erbyn Iran, sy'n golygu y byddai Cymru wedi angen buddugoliaeth swmpus yn erbyn Lloegr i fynd drwodd

  • Tîm Cymru gychwynnodd yr ornest: Ward; N Williams, Mepham, Rodon, B Davies; Allen, Ampadu, Ramsey; Bale (c), Moore, James

  • Gareth Bale yn cael ei eilyddio ar yr egwyl gydag anaf i linyn ei gar, Brennan Johnson yn ei le

  • Neco Williams yn gorfod gadael y maes gydag anaf i'w ben, Connor Roberts yn ei le

  • Tîm Rob Page yn gorffen ar waelod Grŵp B yn dilyn gêm gyfartal, a dwy golled

  • Gareth Bale yn dweud y bydd yn parhau i chwarae dros Gymru

Y diweddaraf yn fyw

  1. 'Rhaid tynnu llinell' dan y gystadleuaeth hyd yma

    Y gic gyntaf am 19:00 GMT

    Roedd Rob Page wedi ei "siomi" gan berfformiad Cymru yn erbyn Iran ddydd Gwener.

    Ond fe ddywedodd bod yn rhaid "ymateb mewn modd positif" wrth edrych at y gêm fawr heno.

    "Fy rhwystredigaeth a fy siom i o ran y chwaraewyr yw nad ydym wedi dangos unrhyw beth tebyg i'r lefel o berfformiad wnaeth sicrhau ein bod yn cyrraedd Cwpan y Byd," meddai wrth y wasg ddoe.

    "Rydym wedi siarad am hyn, mae'n rhaid nawr tynnu llinell dan hynny.

    "Dyw hi ddim bwys am y canlyniad arall, pe bai ni yn mynd adre neu fynd ymlaen i'r rownd nesa, mae'n rhaid i ni roi perfformiad y bydd ein cefnogwyr yn falch ohono."

    Rob PageGetty Images

  2. 'Rhaid taflu popeth at y gêm' yn erbyn Lloegr - Ben Davies

    'Rhaid taflu popeth at y gem yn erbyn Lloegr'

    Beth felly am sylwadau'r chwaraewyr a'r hyfforddwr cyn yr ornest fawr?

    Mae'r amddifynnwr Ben Davies yn dweud y bydd yn rhaid "taflu popeth at y gêm" gan obeithio'r gorau.

    Ond heb os, fe fydd hi'n gêm anodd, ychwanegodd.

  3. Aelod newydd o'r Wal Goch?

    Yr anrhegion penblwydd gorau ar ddiwrnod fel heddiw - a rhywfaint o Gymraeg gan gyn-ymosodwr Lloegr!

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  4. Am dro ar strydoedd Doha

    Fel sy'n draddodiad erbyn hyn, fe aeth y garfan allan am dro yn gynharach heddiw.

    Tybed ai hyder neu nerfau sydd i'w gweld ar wynebau'r chwaraewyr - neu gymysgedd o'r ddau?

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  5. Hen elyniaeth!

    Llyfrgell Genedlaethol Cymru

    Wyddoch chi mai heno fydd y 104ydd tro i Gymru a Lloegr wynebu ei gilydd mewn gêm bêl-droed?

    Mae'n ddigon posib y bydd hon ymysg un o'r pwysicaf...

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  6. 'Neis curo Lloegr - ond y perfformiad sy'n bwysig'

    Dyma'r gêm fydd yn penderfynu a fydd ymgyrch Cymru yng Nghwpan y Byd yn parhau.

    Ond i rai o'r cefnogwyr draw yn Qatar, gweld chwarae safonol gan Gymru sy'n bwysig - nid y canlyniad.

    "Hyd yn oed os maen nhw'n colli," medd John Williams o Bontypridd, "fi just isie gweld nhw'n chwarae'n dda, achos yn y ddwy gynta' ni heb ddangos pa mor dda ni'n gallu bod".

    Mae Ben Cole o Borthcawl am i'r tîm wneud y gorau o'r cyfle olaf o bosib i greu argraff ar weddill y byd.

    "Fi isie gweld bach o ffeit yn y tîm, cadw'r bêl bach yn well... ni 'ma er mwyn i'r byd weld ni.

    "Ma' fe wastad yn neis curo Lloegr, ond mae e mwy am weld ni'n rhoi perfformiad da i mewn."

    Ben Cole

    Mae gan gefnogwyr gwledydd eraill yn Doha ffydd mai Cymru fydd yn ennill heno, medd Ben Cole

  7. Beth sydd ei angen er mwyn mynd drwodd?

    I gyrraedd y rownd nesaf, mae angen i Gymru guro Lloegr heno.

    Petai Iran a'r UDA yn cael gêm gyfartal, yna byddai unrhyw fuddugoliaeth yn ddigon i Gymru.

    Ond os nad yw'r gêm yna'n gyfartal, byddai angen i Gymru ennill o bedair gôl - i sicrhau gwahaniaeth goliau gwell na Lloegr.

    Tîm CymruGetty Images

  8. Amser y gic cyntaf yn Efrog Newydd, Tokyo ac... Amlwch

    Nid yw’r post yma ar Twitter yn gallu ymddangos yn y porwr. Os gwelwch yn dda defnyddiwch Javascript neu geisio eto ar borwr gwahanol.Gweld y cynnwys gwreiddiol ar Twitter.
    Nid yw'r BBC yn gyfrifol am gynnwys safleoedd allanol
    I osgoi neges twitter

    Caniatáu cynnwys Twitter?

    Mae’r erthygl hon yn cynnwys deunydd gan Twitter. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen polisi cwcis Twitter a pholisi preifatrwydd cyn derbyn. Er mwyn gweld y cynnwys dewiswch ‘derbyn a pharhau’.

    Nid yw'r BBC yn gyfrifol am gynnwys safleoedd allanol

  9. Cystadleuaeth rhwng ffrindiau!

    Mae Daewoong Kim a Deukki Go o Seoul, De Corea yn cefnogi timau gwahanol heno.

    “Mae’r ddau ohonom ni’n dilyn y Premier League,” meddai Deukki.

    “Ond dwi’n hoffi Bale, mae o’n hoffi Kane!"

    Daewoong Kim a Deukki Go

    Cefnogwyr newydd i Loegr a Chymru: Daewoong Kim a Deukki Go o Seoul

  10. Oes 'na obaith i Gymru heno?

    Iolo Cheung
    Gohebydd BBC Cymru Fyw yn Qatar

    Mae'r mathemateg yn dweud ei bod hi'n bosib o hyd, ond siaradwch ag unrhyw gefnogwr Cymru sydd yn dal yn Doha, a phrin yw'r gobaith.

    I gyrraedd rownd nesaf Cwpan y Byd bydd yn rhaid i'r crysau cochion drechu Lloegr heno, a gobeithio am gêm gyfartal rhwng yr UDA ac Iran.

    Yr unig lwybr arall i rownd yr 16 olaf yw trechu'r Saeson o bedair gôl neu fwy.

    Mae hynny'n rhywbeth dydyn nhw erioed wedi ei wneud mewn 103 o gemau yn erbyn ei gilydd.

  11. Prynhawn da a chroeso!

    Croeso i'n llif byw ar gyfer gêm fawr olaf Cymru yng Ngrŵp B - ac, o bosib, yng Nghwpan y Byd 2022.

    Mae angen buddugoliaeth yn erbyn Lloegr ar ôl y golled siomedig yn erbyn Iran ddydd Gwener diwethaf.

    Fe gewch chi'r holl drafod o Qatar a Chymru cyn y gic gyntaf (19:00 GMT), yn ystod y gêm, ac ar ôl y chwiban olaf.

    Os hoffech chi wrando ar sylwebaeth ein cyfeillion draw yn Chwaraeon Radio Cymru o 18:00 ymlaen, cliciwch yma.

    Yn y cyfamser, bydd canllawiau di-duedd BBC Cymru Fyw yn cael eu herio i'r eithaf yma ar ein llif byw...

    ...felly, am y tro, pob lwc Cymru!

    Geraint Lovgreen yn y dorf yn erbyn UDA, 21 TachweddGetty Images

    Bydd chwaraewyr Cymru yn gobeithio adennill eu Henw Da heno... Dyma Geraint Løvgreen, y canwr a'r cefnogwr brwd yn gweddïo yn ystod y gêm yn erbyn UDA ar 21 Tachwedd